Լյուդմիլա Տեր-Պետրոսյան

Վիքիպեդիայից՝ ազատ հանրագիտարանից
Jump to navigation Jump to search
Լյուդմիլա Տեր-Պետրոսյան
Ծնվել էդեկտեմբերի 20, 1947(1947-12-20) (74 տարեկան)
ԾննդավայրԼենինգրադ, ՌԽՖՍՀ, ԽՍՀՄ
ՔաղաքացիությունFlag of Armenia.svg Հայաստան
ԿրթությունՍանկտ Պետերբուրգի համալսարան
Մասնագիտությունքաղաքական գործիչ
ԱմուսինԼևոն Տեր-Պետրոսյան

Լյուդմիլա Տեր-Պետրոսյան (օրիորդական ազգանունը՝ Պլեսկովսկայա, դեկտեմբերի 20, 1947(1947-12-20), Լենինգրադ, ՌԽՖՍՀ, ԽՍՀՄ), գերմանագետ, հեռուստալրագրող։ Հայաստանի առաջին նախագահ Լևոն Տեր-Պետրոսյանի կինը։ Հայաստանի առաջին տիկին (1991-1998)։

Կենսագրություն[խմբագրել | խմբագրել կոդը]

Լյուդմիլա Պլեսկովսկայան ծնվել է Լենինգրադում, Խորհրդային բանակի կադրային սպա, Ֆիննական և Հայրենական մեծ պատերազմների մասնակից Ֆրաիմ Աբրամովիչ Պլեսկովսկու և բժշկուհի Բրախա Լեյբովնա Կուրտաչի ընտանիքում։ Ավարտել է Լենինգրադի համալսարանի գերմանիստիկայի ֆակուլտետը։ 1972 թվականին ամուսնացել է Լևոն Տեր-Պետրոսյանի հետ և տեղափոխվել Հայաստան։ 1975 թվականին ծնվել է նրանց որդին՝ Դավիթը։ Շուրջ 20 տարի աշխատել է Հայաստանի պետական ռադիոյի ռուսական խմբագրությունում՝ որպես լրագրող-խմբագիր։ 1990 թվականից սկսած զբաղվել է հասարակական գործունեությամբ[1][2]։

Հասարակական գործունեություն[խմբագրել | խմբագրել կոդը]

1994 թվականին հիմնադրել է և նախագահում է Կանանց համահայկական միությունը։ Միությունն իրականացնում է «Ես 21-րդ դարի քաղաքացի եմ» երկարաժամկետ ծրագիրը, որի նպատակն է բարձրացնել պատանիների և երիտասարդների գիտելիքները ժողովրդավարության, մարդու իրավունքների ոլորտում, նպաստել է նրանց ակտիվ քաղաքացիական դիրքորոշման ձևավորմանը։ Միությունը կազմակերպել է կանանց միջազգային չորս համաժողով (1994, 2005, 2006, 2007), որոնք նպաստել են հայ կնոջ դերի բարձրացմանը հասարակական, քաղաքական և սոցիալական բնագավառներում։

1996 թվականին Միավորված ազգերի կազմակերպության կողմից Պեկինում կազմակերպված կանանց 4-րդ համաշխարհային համաժողովում ներկայացրել է Հայաստանը։

Պարգևներ[խմբագրել | խմբագրել կոդը]

  • ՄԱԿ-ի մանկական հիմնադրամի (ՅՈՒՆԻՍԵՖ) հուշամեդալ, 1995 թ.

Ծանոթագրություններ[խմբագրել | խմբագրել կոդը]

  1. «Levon Ter-Petrossian»։ www.levonpresident.am։ Արխիվացված է օրիգինալից 2018-09-04-ին։ Վերցված է 2016-12-09 
  2. «Լյուդմիլա Տեր–Պետրոսյան - www.Payqar.org»։ www.old.payqar.org։ Վերցված է 2016-12-09 (չաշխատող հղում)