Լյուդմիլա Հարությունյան

Լյուդմիլա Հարությունյան
Ծնվել է	նոյեմբերի 13, 1941(1941-11-13) (82 տարեկան)
Ծննդավայր	Երևան, Հայաստան, ԽՍՀ, ԽՍՀՄ
Քաղաքացիություն	ԽՍՀՄ, Հայաստան
Ազգություն	հայ
Կրթություն	Երևանի պետական համալսարան Մոսկվայի պետական համալսարան Սորբոնի համալսարան
Գիտական աստիճան	փիլիսոփայական գիտությունների դոկտոր (1986)
Մասնագիտություն	սոցիոլոգ
Աշխատավայր	Երևանի պետական համալսարան
Պարգևներ և մրցանակներ	ՀՀ Մովսես Խորենացու մեդալ Հայրենիքին մատուցած ծառայությունների համար» 1-ին աստիճանի մեդալ ԼՂՀ «Մեսրոպ Մաշտոց» շքանշան

Լյուդմիլա Հակոբի Հարությունյան (նոյեմբերի 13, 1941(1941-11-13), Երևան, Հայկական ԽՍՀ, ԽՍՀՄ), հայ սոցիոլոգ։ Փիլիսոփայական գիտությունների դոկտոր (1986), պրոֆեսոր (1988)։

Կենսագրություն

1963 թվականին ավարտել է Երևանի պետական համալսարանի տնտեսագիտության ֆակուլտետը։

1963-1980 թվականներին աշխատել է Երևանի պետական համալսարանի քաղաքատնտեսություն ամբիոնում որպես ասիստենտ, դասախոս, դոցենտ։ 1981-1985 թվականներին՝ ԵՊՀ սոցիոլոգիական հետազոտությունների լաբորատորիայի վարիչ։ 1986 թվականից՝ ԵՊՀ Կիրառական սոցիոլոգիայի ամբիոնի դասախոս։ 1986-2003 թվականներին՝ ԵՊՀ Կիրառական սոցիոլոգիայի ամբիոնի վարիչ։ 2003-2010 թվականներին՝ ԵՊՀ Սոցիոլոգիայի ֆակուլտետի դեկան։ 1994-1995 թվականներին եղել է Փարիզի ժողովրդագրական հետազոտությունների ազգային ինստիտուտի այցելու գիտաշխատող։ 1997-2000 թվականներին դասախոսել է Ջորջ Մայսոն համալսարանում (ԱՄՆ)։ 2003-2006 թվականներին եղել է Նորանկախ պետությունների գիտնականների համագործակցության միջազգային ասոցիացիայի (INTAS) խորհրդի անդամ։ 2008-2010 թվականներին հրավիրվել է աշխատելու որպես պրոֆեսոր՝ Շվեդիայի առաջատար հետազոտությունների կոլեգիայում (SCAS), 2007-2010 թվականներին՝ Եվրոպայի Խորհրդի սոցիալական իրավունքի կոմիտեի ընտրված անդամ։ Կոնեկտիկուտի համալսարանի սոցիալական աշխատանքի դպրոցի պատվավոր դոկտոր է։ Աշխատությունները վերաբերում են ազգաբնակչության վերարտադրությանը և տեղաշարժին, կյանքի որակին և ապրելակերպին, հակամարտությունների վերլուծությանը և լուծմանը։

1989-1991 թվականներին ընտրվել է ԽՍՀՄ ժողովրդական պատգամավոր և ԽՍՀՄ Գերագույն Խորհրդի անդամ։ 1998-2003 թվականներին եղել է «Արժանապատիվ ապագա» կուսակցության հիմնադիր-նախագահը։ 2004 թվականից՝ «Հայ ժողովրդավարական ֆորում» հասարակական կազմակերպության նախագահն է։

Պարգևներ, մրցանակներ

• ԼՂՀ Մեսրոպ Մաշտոց շքանշան, 2018
• «Հայրենիքին մատուցած ծառայությունների համար» 1-ին աստիճանի մեդալ, 2016
• Երևանի պետական համալսարանի ոսկե մեդալ, 2011
• ՀՀ կրթության և գիտության նախարարության ոսկե մեդալ, 2009
• ԼՂՀ Մխիթար Գոշի մեդալ, 2001
• ՀՀ Մովսես Խորենացու մեդալ, 1999

Ծանոթագրություններ

Վիքիքաղվածքն ունի նյութեր, որոնք վերաբերում են «Լյուդմիլա Հարությունյան» հոդվածին։