Լենինի հուշարձան (Մոսկվա, Կալուժսկայա հրապարակ)
- Անվան այլ կիրառումների համար տե՛ս՝ Լենինի հուշարձան (այլ կիրառումներ)
Լենինի հուշարձան | |
---|---|
Լենինի հուշարձանը | |
Տեսակ | հուշարձան և արձան |
Ճարտարապետ | Գլեբ Մակարևիչ |
Ստեղծում | 1985 |
Երկիր | Ռուսաստան |
Բնակավայր | Kaluzhskaya Square? |
Շինության ձև | Քանդակ |
Նյութ | բրոնզ և գրանիտ |
Ներկա վիճակ | Կանգուն |
պատկերված են
| |
Statue of Lenin, Kaluzhskaya Square Վիքիպահեստում |
Լենինի հուշարձան (ռուս.՝ Памятник Ленину), հուշարձան Մոսկվայի Կալուժսկայա հրապարակի[1] (տեղադրման ժամանակ՝ Հոկտեմբերյան) կենտրոնում, որը նվիրված է Վլադիմիր Լենինին, տեղադրվել է 1985 թվականին։ Հուշարձանի հեղինակներն են քանդակագործներ Լև Կերբելը, Վլադիմիր Ֆեոդորովը, ճարտարապետներ Գլեբ Մակարևիչը, Բ. Ա. Սամսոնովը[2]։ Սա Մոսկվայում Լենինի ամենամեծ հուշարձանն է[3]։
Պատմություն[խմբագրել | խմբագրել կոդը]
Վ. Ի. Լենինի բրոնզե քանդակը պատրաստվել է լենինգրադի «Մոնումենտսկուլպտուրա» գործարանում[4]։ Այն Բիրոբիջանում 1978 թվականին տեղադրված Լենինի արձանի հեղինակային պատճենն է[1]։ 360 տոննա քաշով պատվանդանի քարե միաձույլ սյունը առաջնային մշակումից հետո տեղակայման վայր է տեղափոխվել 128 անիվ ունեցող քարշակով[5]։ Հուշարձանը հանդիսավորությամբ բացվել է 1985 թվականի նոյեմբերի 5-ին՝ ԽՄԿԿ կենտկոմի գլխավոր քարտուղար Միխայիլ Գորբաչովի կողմից[4]։
Նկարագրություն[խմբագրել | խմբագրել կոդը]
Հուշարձանի բարձրությունը 22 մետր է։ Կարմիր ողորկված գրանիտից պատրաստված գլանաձև սյան գագաթին տեղադրված է Վ. Ի. Լենինի բրոնզե քանդակը ողջ հասակով[1]։ Նրա իրանը ձգտում է առաջ, հայացքը նայում է հեռուն[4]։ Լենինի վերարկուի կոճակները քանդված են, փեշերից մեկը քամին հետ է քշել, աջ ձեռքը բաճկոնի գրպանում է[1]։
Պատվանդանի հիմքում բազմաֆիգուր հորինվածք է, որը ներառում է տարբեր ազգությունների հեղափոխական զինվորների, բանվորների և նավաստիների։ Նրանցից վերև ծածանվող դրոշի ֆոնին կին է, որը մարմնավորում է հեղափոխությունը։ Պատվանդանի հետևում երկու երեխաներով կնոջ պատկեր է, որը մարմնավորում է հեղափոխության թիկունքը։ Ավագ տղայի ձեռքին հեղափոխական թերթեր են[1]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Памятник В. И. Ленину Արխիվացված 2018-05-12 Wayback Machine // Узнай Москву
- ↑ Сергей Шокарев, Михаил Вострышев Вся Москва от А до Я
- ↑ Ленин на Калужской площади. Лысый камень. // liveinmsk.ru
- ↑ 4,0 4,1 4,2 Морской сборник. 1987
- ↑ Интервью Л. Е. Кербеля // Военно-исторический архив, Выпуск 42. 2003