Լեյլի Խաչատրյան

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Լեյլի Խաչատրյան
Ծնվել է	մայիսի 2, 1930(1930-05-02)
Ծննդավայր	Կրասնոդար, Հյուսիսկովկասյան երկրամաս, ՌԽՖՍՀ, ԽՍՀՄ
Մահացել է	ապրիլի 30, 2015(2015-04-30) (84 տարեկան)
Մահվան վայր	Երևան, Հայաստան
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասանուհի
Աշխատավայր	Կ. Ստանիսլավսկու անվան ռուսական պետական դրամատիկական թատրոն
Պարգևներ և մրցանակներ	և Հայաստանի ժողովրդական արտիստ

Լեյլի Խաչատրյան (մայիսի 2, 1930(1930-05-02), Կրասնոդար, Հյուսիսկովկասյան երկրամաս, ՌԽՖՍՀ, ԽՍՀՄ - ապրիլի 30, 2015(2015-04-30), Երևան, Հայաստան), հայ դերասան, ՀՀ ժողովրդական արտիստ (2003 թվական)։

Կոմպոզիտոր Արամ Խաչատրյանի եղբոր դուստրն է։ Առաջին ամուսինը եղել է նկարիչ Ռաֆայել Բաբայանը։

Կենսագրություն

Լեյլի Խաչատրյանը ծնվել է 1930 թվականի մայիսի 2-ին, Ռուսաստանի Կրասնոդարի մարզում։ Երաժշտական կրթություն ստանալուց հետո ուսումը շարունակել է Մոսկվայի Վախթանգովի թատրոնին կից ուսումնարանում։ Սովորել է նաև Երևանի գեղարվեստա-թատերական ինստիտուտում` Վաղարշ Վաղարշյանի արվեստանոցում։

Կյանքի վերջին տարիներին Լեյլի Խաչատրյանը հրատարակել է իր դիտումների ու ապրումների մասին պատմող գիրք։

Դերեր

Խաղում է Երևանի Ստանիսլավսկու անվան ռուսական դրամատիկական թատրոնում։ Նրա հերոսուհիները չեն կորցնում հումորի զգացումը, հոգու քնքշությունը, լիրիզմը, կյանքի ընկալման գեղեցկությունը, որը բնորոշ է նրան նաև որպես անձնավորության։

• Բարտարա` «Հեքիաթ սիրո մասին»
• Փեփրոն՝ «Արտասահմանցի փեսացուն»
• Աֆրոդիտե՝ «Հերակլեսի 13-րդ սխրանքը»
• Լիդիա Վասիլևնա՝ «Հնաոճ կատակերգություն»
• Գոլդա՝ «Հիշատակման աղոթքը»

Պարգևներ, մրցանակներ

• ՀՀ ժողովրդական արտիստ, 2003
• Առաջինն է արժանացել ՀԹԳՄ «Արտավազդ» ամենամյա թատերական մրցանակին՝ թատերական արվեստում ունեցած մեծ ավանդի համար, 2000
• Մովսես Խորենացու մեդալ
• «Պատվո նշան» շքանշան, 1976

Գրականություն

• Հայուհիներ. հանրագիտարան 2 հատորով. Եր.: Ամարաս, 2011, Հ II/ էջ 92 ISBN 978-99930-1-133-0