Լավրենտի Հովհաննիսյան

Վիքիպեդիայից՝ ազատ հանրագիտարանից
Jump to navigation Jump to search
Լավրենտի Հովհաննիսյան
Ծնվել էփետրվարի 12, 1944(1944-02-12) (76 տարեկան)
Նոր շեն, Ադրբեջան
ՔաղաքացիությունFlag of the Soviet Union.svg ԽՍՀՄ և Flag of Armenia.svg Հայաստան
Ազգությունհայ
Մասնագիտությունլեզվաբան
Հաստատություն(ներ)ՀՀ ԳԱԱ Հրաչյա Աճառյանի անվան լեզվի ինստիտուտ
Ալմա մատերԵրևանի պետական համալսարան (1967)
Գիտական աստիճանբանասիրական գիտությունների դոկտոր (1995) և պրոֆեսոր

Լավրենտի Շահենի Հովհաննիսյան (փետրվարի 12, 1944(1944-02-12), Նոր շեն, Ադրբեջան), հայ լեզվաբան: Բանասիրական գիտությունների դոկտոր (1995), պրոֆեսոր (2008), ՀՀ ԳԱԱ թղթակից անդամ (2010):

Կենսագրություն[խմբագրել | խմբագրել կոդը]

Լավրենտի Հովհաննիսյանը ծնվել է 1944 թվականին Նորշեն գյուղում (այժմ՝ Արցախի Մարտունու շրջան)[1]: 1967 թվականին ավարտել է Երևանի պետական համալսարանը: 1971 թվականից աշխատում է ՀՀ ԳԱԱ լեզվի ինստիտուտում, 1971-1977 թվականներին՝ ՀՀ ԳԱԱ լեզվի ինստիտուտի կրտսեր գիտաշխատող, 1977-1986 թվականներին՝ ավագ գիտաշխատող, 1986-1991 թվականներին՝ Հայկական համաբարբառի բաժնի վարիչ, 1991-1995 թվականներին՝ խմբի ղեկավար, 1996 թվականից առաջատար գիտաշխատող, 1995-2005 թվականներին՝ ինստիտուտի փոխտնօրեն, 2000-2005 թվականներին թեմայի ղեկավար, 2005-2006 թվականներին՝ ինստիտուտի տնօրենի պաշտոնակատար, 2006-2012 թվականներին եղել է ՀՀ ԳԱԱ լեզվի ինստիտուտի տնօրեն[2]:

Ստեղծագործություններ[խմբագրել | խմբագրել կոդը]

Աշխատությունները վերաբերում են լեզվի պատմությանը, բարբառագիտությանը և ստուգաբանությանը [«Դասական գրաբարի բայական ժամանակների կիրառությունը», «XVII դարի գրաբարը» (երկուսն էլ՝ «Լեզվի և ոճի հարցեր» ժողովածուում, № 3, 1975 թվական, № 7, 1983 թվական), «Հայերենի իրանական փոխառությունները»[3], 1990 թվական, «Բառային տարբերակներ V դարի գրաբարում» («Հայոց լեզվի պատմության հարցեր» ժողովածուում, № 3, 1991 թ.), «Նյութեր պատմական բառարանագրության», 2001 թվական)]:

  • Հայ-իրանական նոր ստուգաբանություններ, Երևան: Վան-Արյան, 2005:
  • Գրաբարի բառապաշարը: (V դար), ՀՀ ԳԱԱ «Գիտություն» հրատարակչություն, 2006, 309 էջ[4]:
  • Գրաբարի բառապաշարի իմաստային խմբերի քննություն, Երևան: ՀՀ ԳԱԱ «Գիտություն» հրատարակչություն, 2008:
  • Հայ թարգմանական գրականութեան բառապաշարը: (Ե դար): Վիեննա-Երևան: Մխիթարեան հրատարակչություն, 2009:
  • Словарь древнеармянского языка, Эдит Принт, 2010, 293 էջ[5]:

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  2. «ՀՀ գիտությունների ազգային ակադեմիա»։ www.sci.am։ Վերցված է 2019-02-11 
  3. Հովհաննիսյան Լավրենտի Շահենի (1990)։ Հայերենի իրանական փոխառությունները։ Լեզվի ինստիտուտ Հր. Աճառյանի անվան. ՀԽՍՀ։ Երևան: ԳԱԱ հրատ 
  4. Հովհաննիսյան Լավրենտի Շահենի (2006)։ Գրաբարի բառապաշարը: (V դար) (հայերեն)։ ՀՀ ԳԱԱ «Գիտություն» հրատ.։ ISBN 9785808006447 
  5. Hovhannisyan Lavrenti Shaheni (2010)։ Словарь древнеармянского языка: nor haykazyan baṛaranum chʻvkayvats baṛer (հայերեն)։ Êdit Print։ ISBN 9789939521923