Լակիերների տուն (Տագանրոգ)

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Լակիերների տուն
Таганрог Греческая 42 фото 001.jpg
Տեսակտեսարժանություն և ՌԴ մշակութային ժառանգության օբյեկտ
ԵրկիրFlag of Russia.svg Ռուսաստան
ՏեղագրությունՏագանրոգ
Հիմնադրված է1830
Ժառանգության կարգավիճակՌԴ մշակութային ժառանգության օբյեկտ
Կոորդինատներ: 47°12′35.280000100005″ հս․ լ. 38°56′27.600000100009″ ավ. ե. / 47.20980000002777643° հս․. լ. 38.94100000002777762° ավ. ե. / 47.20980000002777643; 38.94100000002777762

Լակիերների տուն (ռուս.՝ Дом Лакиеров), պատմության և ճարտարապետության հուշարձան Ռուսաստանի Ռոստովի մարզի Տագանրոգ քաղաքում։ Գտնվում է Հունական փողոց, 42 հասցեում[1]։

Պատմություն[խմբագրել | խմբագրել կոդը]

XIX դարի սկզբին այս տունը, որը կառուցվել է աղյուսային ոճով, եղել է Իվան Անդրեևիչ Վարվացիի սեփականությունը[2]։ Հայտնի է, որ երբ Ալեքսանդր I-ն այցելել է Տագանրոգ, այդ հողամասում եղել են նրա ձիերի փայտե ախոռները։ Դրանք կառուցվել էին քաղաքի միջոցներով։ Նույն տարածքում տեղակայվել է նաև արքունի կազակական գնդի լեյբ-գվարդիան[2]։

Այս տնատիրության հետ է կապված տագանրոգցի մի քանի հայտնի ընտանիքների կյանքի պատմությունը[3]։

XIX դարի երկրորդ կեսին տունը եղել է կոլեգիալ խորհրդական, Ռոստովի նահանգի ազնվականության առաջնորդ Մարկ Նիկոլաևիչ Վարվացիի (այլ տվյալներով` Վարվակի)[3] սեփականությունը։ 1836 թվականին նա ամուսնացել է տիտուլյար խորհրդականի դուստր Սոֆյա Դմիտրիևնա Ալֆերակիի հետ։ Վարվացիների ընտանիքն ունեցել է երկու դուստր` Ալեքսանդրա և Ելենա։ Ալեքսանդրան ամուսնացել է հունական թագավորի պալատական Պոպուդովի հետ, իսկ Ելենան դարձել է «Ռուսական հերալդիկայի» հեղինակ Ալեքսանդր Բորիսովիչ Լակիերի կինը։ Այդ գիրքը լույս է տեսել 1854 թվականին, և նրա հեղինակն այս աշխատության համար արժանացել է Դեմիդովյան մրցանակի[4]։

Վիճակագրական տվյալների համաձայն` 1860 թվականի հունվարի 1-ի դրությամբ շենքն զբաղեցրել է 903 քառակուսի սաժեն մակերես[2]։

Ալեքսանդր Լակիերը մահացել է 1870 թվականին, իսկ նրա կինը` Ելենան` 1915 թվականին[3]։ Ալեքսանդր ու Ելենա Լակիերներն ունեցել են հինգ երեխա. որդիները` Մարկ, Իվան[4], և դուստրերը՝ Սոֆյա, Ալեքսանդրա և Ելենա[3] (ըստ մեկ այլ տարբերակի` Մարիա)[4]։

1910 թվականին այս տանը գործել է ստիվիդորների` նավահանգիստներում բեռնաթափիչ ավագ բանվորների արտելը, իսկ 1918 թվականին` Կարմիր բանակի ջոկատի զորանոցները։ 1920-ական թվականներին բակային տարածքում սկսել է գործել «Գալվանոէլեմենտ» ֆաբրիկան[2]։

Մեր ժամանակներում սա բնակելի տուն է[2], որը 1992 թվականից որպես ճարտարապետության հուշարձան պահպանվում է օրենքով[1]։

Նկարագրություն[խմբագրել | խմբագրել կոդը]

Տունը երկհարկանի է, նրա ճակատը զարդարում են զարդաքիվերն ու ծեփածո նախշերը։ Սկզբնապես կառուցվել է աղյուսային ոճով, 1872 թվականին վերակառուցվել է անօրդերային կլասիցիզմի ոճով[2]։

Ծանոթագրություններ[խմբագրել | խմբագրել կոդը]

  1. 1,0 1,1 Жилой дом. Комплекс застройки улицы
  2. 2,0 2,1 2,2 2,3 2,4 2,5 Энциклопедия Таганрога
  3. 3,0 3,1 3,2 3,3 Гаврюшкин О. П. Г12 «По старой Греческой…» (Хроника обывательской жизни) — Т.: ООО «Издательство „Лукоморье“», 2012. — 514 с. — ISBN — 5-901565-15-0
  4. 4,0 4,1 4,2 Дома Лакиеров