Լազենկովսկի կամուրջ
Լազենկովսկի կամուրջ | |
---|---|
Անունով | Łazienki Park? և Zygmunt Berling? |
Երկիր | Լեհաստան |
Տեղանք | Վարշավա |
Տեսակ | կամուրջ |
Թռիչքների քանակ | 5 |
Հատում է | Վիսլա |
Ճանապարհ | Łazienkowska Thoroughfare? և downtown ring road in Warsaw? |
Երկարություն | 424,5 մետր |
Բացման տարեթիվ | հուլիսի 22, 1974 |
Լազենկովսկի կամուրջ (լեհ.՝ Most Łazienkowski), հնգաթռիչք պողպատե ավտոմոբիլային կամուրջ Վարշավայում, Լեհաստան, Վիսլա գետի վրա։ Կառույցն ունի 423 մետր երկարություն, 28 մետր լայնություն։ Կամրջի վրա կան երեք շերտեր յուրաքանչյուր ուղղությամբ և մայթ հետիոտնի համար։ Կամրջի անունը կապված է Լազենկի այգու և պալատի հետ, որոնք գտնվում են կամրջից հարավ-արևմուտք։
Պատմություն[խմբագրել | խմբագրել կոդը]
Վարշավայի գլխավոր հատակագծով նախատեսված է եղել Լազենկովսկի կամուրջը կառուցել 1960-ական թվականներին։ Կամրջի նախագծի վրա աշխատել է «Տրանսնախագիծ» ինժեներական բյուրոյի թիմը Եժի Մազուրի ղեկավարությամբ։ Շինարարությունը տևել է 1971 թվականից մինչև 1974 թվական։ Կամրջի պաշտոնական բացումը տեղի է ունեցել 1974 թվականի հուլիսի 22-ին Լեհաստանի վերածննդի օրը, ինչի մասին վկայում է բրոնզե հուշատախտակը՝ տեղադրված կամրջի հարավային ճաղաշարքում[1]։ Կամուրջը դարձավ ժողովրդական բանակի ծառուղու շարունակությունը և ընդգրկվեց նոր Լազենկովսկի ուղեգծի կազմում։
1981-1998 թվականներին կամուրջը կոչվել է «Գեներալ Զիգմունտ Բերլինգի անվան Լազենկովսկի կամուրջ»՝ ի պատիվ Լեհաստանի ռազմական հրամանատար, Երկրորդ համաշխարհային պատերազմի մասնակից Զիգմունտ Բերլինգի, սակայն գործնականում այս անունը գրեթե չի օգտագործվել։
Բացումից հետո կամուրջը բազմիցս վերանորոգվել է։ 1975 թվականին կամրջի վրա տեղի է ունեցել առաջին հրդեհը, ավելի մեծ հրդեհ բռնկվել է 2015 թվականի փետրվարի 14-ին, այրվել են վահանակները, ապամոնտաժվել է տեխնիկական հարթակը։ Կամրջային կառուցվածքների վնասներով պայմանավորված՝ կամուրջը մի քանի ամսով փակվել է։ Ամբողջությամբ փոխարինվել է կամրջի կառուցվածքը։ Կամրջի վերաբացումը տեղի է ունեցել 2015 թվականի հոկտեմբերի 28-ին[2]։
Մեքենաների երթևեկությունը կամրջի վրա ինտենսիվ է։ Միջին հաշվով մեկ օրում կամրջով անցնում է 117752 ավտոմեքենա (ըստ 2015 թվականի տվյալների)[3]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Stanisław Ciepłowski: Napisy pamiątkowe w Warszawie XVII—XX w.. Warszawa: Państwowe Wydawnictwo Naukowe, 1987, s. 34. ISBN 83-01-06109-X.
- ↑ Most Łazienkowski otwarty. «Gazeta Wyborcza», s. 4, 29 października 2015.
- ↑ Tysiące pojazdów na mostach. Gdzie najwięcej?
Արտաքին հղումներ[խմբագրել | խմբագրել կոդը]
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լազենկովսկի կամուրջ կատեգորիայում։ |