Լաբինա Միտևսկա

Վիքիպեդիայից՝ ազատ հանրագիտարանից
Jump to navigation Jump to search
Լաբինա Միտևսկա
մակեդոներեն՝ Лабина Митевска
Labina Mitevska Press Conference Berlinale 2017.jpg
Ծնվել էհոկտեմբերի 11, 1975(1975-10-11)[1] (45 տարեկան)
ԾննդավայրՍկոպիե, Մակեդոնիայի Սոցիալիստական Հանրապետություն, ՀՍՖՀ
ԿրթությունԱրիզոնայի համալսարան
ՔաղաքացիությունFlag of North Macedonia.svg Հյուսիսային Մակեդոնիա
Մասնագիտությունդերասանուհի

Լաբինա Միտևսկա (մակեդոներեն՝ Лабина Митевска, հոկտեմբերի 11, 1975(1975-10-11)[1], Սկոպիե, Մակեդոնիայի Սոցիալիստական Հանրապետություն, ՀՍՖՀ), կինոյի և թատրոնի մակեդոնացի դերասանուհի, ով առավել հայտնի է «Անձրևից առաջ», «Բարի գալուստ Սարաևո», «Միայնակները» ֆիլմերում կատարած իր դերերով։ Ունի սեփական կինոընկերություն՝ Sisters and Brother Mitevski Production, որտեղ աշխատում էր իր եղբոր ու քրոջ հետ։

Կենսագրություն[խմբագրել | խմբագրել կոդը]

Լաբինա Միտևսկան ծնվել է 1975 թվականի հոկտեմբերի 11-ին Հարավսլավիայի Սոցիալիստական Ֆեդերատիվ Հանրապետության Սկոպյե քաղաքում (ներկայում՝ Մակեդոնիայի Հանրապետություն)։ Նրա ավագ քույրը՝ Տեոնան, և եղբայրը՝ Վուկը, նույնպես դարձել են հայտնի կինոգործիչներ։

Լաբինա Միտևսկան հանրակրթական դպրոցն ավարտելուց հետո սովորել է Սկոպյեի Կիրիլ և Միֆոդի սրբերի համալսարանին կից արվեստի և հնէաբանության դպրոցում։ Ավելի ուշ նա ստացել է կրթաթոշակ և շարունակել ուսումը Դանիայում՝ Եվրոպական կինեմատոգրաֆիստների քոլեջում, ապա պատմություն է ուսումնասիրել ԱՄՆ-ում՝ Արիզոնայի համալսարանում[2]:

Կինոյում նկարահանվել սկսել է 19 տարեկան հասակում։ Համաշխարհային ճանաչման է արժանացել 1994 թվականին «Անձրևից առաջ» ռազմական դրամայի գլխավոր դերում հանդես գալուց հետո։ Այդ ֆիլմն աժրանացել է Վենետիկի կինոփառատոնի գրան-պրիի, ինչպես նաև ներկայացվել է Օսկարի որպես արտասահմանյան լավագույն ֆիլմ։ 1996 թվականին Լաբինա Միտևսկան նկարահանվել է բրիտանացի ռեժիսոր Մայքլ Ուինթերբոտոմի «Բարի գալուստ Սարաևո» (մակեդոներեն՝ Добре Дојдовте во Сарајево) ֆիլմի էպպիզոդիկ դերում։ Հետագայում նա շարունակել է համագործակցել Ուինթերբրոտոմի հետ՝ 1998 թվականին նկարահանվելով վերջինիս «Ես ուզում եմ քեզ» (մակեդոներեն՝ Те Сакам Тебе) ֆիլմում, որ արժանացել է Բեռլինի կինոփառատոնի մրցանակի։ 2000 թվականին Լաբինա Միտևսկան նկարահանվել է չեխ-սլովակյան «Միայնակները» կատակերգության գլխավոր դերում։

2000-ական թվականներին Լաբինա Միտևսկան շարունակել է ակտիվորեն նկարահանվել կինոյում. նա խաղացել է այնպիսի ֆիլմերում, ինչպիսիք են՝ «Ճանապարհ», «Ինչպես ես սպանեցի սրբին», «Կապ», «Հետաքննություն», «Գաղտնի գիրք», «Պատերազմի երեխան», «Շրջվածը», «Ես Տիտով Վելեսից եմ», «9:06», «Ինչպես սերը», «Հետքեր ավազի վրա», «Կինը, ով սրբում էր իր արցունքները» և այլն։

Դերասանական գործունությունից բացի Լաբինա Միտևսկան իր ուժերն է փորձել նաև կինեմատոգրաֆիայի մյուս բնագավառներում։ Հեղինակել է կինեմատոգրաֆիայի հարցերին նվիրված մի շարք էսսեներ, որ տպագրվել են մակեդոնական թերթերում ու ամսագրերում։ 2006 թվականին եղել է Մոսկվայի միջազգային կինոփառատոնի «Հեռանկարներ» մրցույթի ժյուրիի անդամ[3]: Իր հարազատ եղբոր ու քրոջ հետ Լաբինա Միտևսկան գլխավորում է Sisters and Brother Mitevski Production սեփական կինոընկերությունը[4]:

Ֆիլմագրություն[խմբագրել | խմբագրել կոդը]

  • 1994 – Անձրևից առաջ / Пред Дождот – Զամիրա
  • 1995 – Туку Така под Облака-
  • 1996 – Բարի գալուստ Սարաևո / Добре Дојдовте во Сарајево – Սոնյա
  • 1998 – Ես ուզում եմ քեզ / Те Сакам Тебе – Սմուկի
  • 2000 – Միայնակները/ Лонерс(Loners) – Վեսնա
  • 2000 – Closley Knit – Կյանա
  • 2000 – Սամոտարի – Վեսնա
  • 2002 – Ճանապարհ / Вег – Իվա
  • 2004 – Ինչպես ես սպանեցի սրբին / Како убив светец – Վիոլա
  • 2004 – Բզեզներ/ Бубачки
  • 2004 – Нема Проблем
  • 2005 – Կապ/ Контакт – Զանա
  • 2006 – Գաղտնի գիրք / Тајна Книга – Լիդիա
  • 2006 – Պատերազմի երեխան / Дете на Војната – Սենադա
  • 2007 – Ես Տիտով Վելեսից եմ / Јас сум од Титов Велес – Աֆրոդիտե
  • 2007 – Ինչպես սերը / Л…кот Љубезен – Մայա
  • 2007 – Շրջվածը / Првртено
  • 2009 – Офсајд – Միլենա
  • 2009 – 7 авлу – Սելմա
  • 2009 – 9:06 – Միլենա
  • 2010 – Հետքեր ավազի վրա / Стапки во Песокот
  • 2012 – Կինը, որ սրբում էր իր արցունքները / Жената што ги избриша солзите – Այսուն

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]