Իրավահավասարության օր
Իրավահավասարության օր (ֆիններեն՝ Tasa-arvon päivä, շվեդ.՝ Jämställdhetsdagen), կամ Միննա Կանտի օր (ֆիններեն՝ Minna Canthin päivä, շվեդ.՝ Minna Canth-dagen), Ֆինլանդիայի համապետական տոն։ Այն նշում են մարտի 19-ին, ֆին բանաստեղծուհի, դրամատուրգ, լրագրող, հասարակական գործիչ, կանանց իրավահավասարության համար պայքարող Միննա Կանտի ծննդյան օրը։
Միննա Կանտը ֆինլանդիայի առաջին հայտնի կին բանաստեղծուհին է։ Նա հայտնի է որպես պատմվածքների, վեպերի և պիեսների հեղինակ, ինչպես նաև որպես լրագրողուհի։ Նա իր ստեղծագործությունները ստեղծել է ինչպես ֆիններեն, այնպես էլ շվեդերեն։ Նա գրել է կանանց դիրքի մասի, նրանց բաժին հասած ծանրության, հասարակության մեջ նրանց նկատմամբ անարդար վերաբերմունքի մասին։ Նրա հոդվածները և գեղարվեստական ստեղծագործությունները մեծ դեր են խաղացել այն բանում, որ 1906 թվականին Ֆինլանդիայի մեծ իշխանության նոր օրենքում կանայք, առաջիններից մեկը Եվրոպայում, ստացան այնպիսի ընտրական իրավունքներ, ինչպիսին ունեին տղամարդիկ[1]։
Իրավահավասրաության օրը նշելու առաջարկն արել է Ֆինլանդիայի ներքին գործերի նախարարությունը (ֆիններեն՝ Sisäasiainministeri) 2003 թվականին[2]։ Այն ստացել է դրական արձագանքներ, այդ թվում նաև Ֆիննական մշակութային ասոցիացիայի կողմից (ֆիններեն՝ Suomalaisuuden liitto) և 2007 թվականից այս տոնն սկսեց նշվել պաշտոնապես։
Ծանոթագրություններ[խմբագրել | խմբագրել կոդը]
- ↑ Кучер К. За что финны помнят Минну Кант и почитают её имя? // «ШколаЖизни.ру», рубрика «Мир вокруг нас» : электронный журнал. — 19 марта 2009. (Ստուգված է 2 Սեպտեմբերի 2011)
- ↑ http://yle.fi/uutiset/osasto/novosti/novosti/article3343178.html
Արտաքին հղումներ[խմբագրել | խմբագրել կոդը]
- Альманах Хельсинкского университета: информация о Дне Минны Кант Արխիվացված 2007-06-09 Wayback Machine(ֆին.)(Ստուգված է 2 Սեպտեմբերի 2011)