Իրանի ազգային թանգարան

Իրանի ազգային թանգարան
Տեսակ	պատկերասրահ և ազգային թանգարան
Երկիր	Իրան
Տեղագրություն	Թեհրան
Հիմնադրված է	1937
	Կոորդինատներ: 35°41′13.34″ հս․ լ. 51°24′52.60″ ավ. ե. / 35.6870389° հս․. լ. 51.4146111° ավ. ե.
Կայք	nationalmuseumofiran.ir

Իրանի ազգային թանգարան (պարսկերեն` موزه ایران باستان , Muze-ye Irân-e Bâstân), հնագիտական և պատմական թանգարան, գտնվում է Թեհրանում։

Կազմված է երկու թանգարանային բաժիններիցղ Հին Իրանի թանգարան (Muze y Irān e Bāstān), որը բացվել է 1937 թվականին և նախաիսլամական դարաշրջանի թանգարան, որը բացվել է 1972 թվականին։

Թանգարանի հավաքածուն ընդգրկում է պատմական հուշարձաններ հին և միջին դարերի շրջանից, այդ թվում կերամիկական անոթներ, մետաղական իրեր, տեքստիլ ապրանքներ, որոշ հազվագյուտ գրքեր և մետաղադրամներ^[1]։ Թանգարանի հավաքածուն ընդգրկում է 300 000 ցուցադրանմուշներ^[2]։

Թանգարանը ունի մի շարք հետազոտական բաժիններ, այդ թվում հնաքարադարյան և ոսկրաբանական բաժիններ, ինչպես նաև կերամիկայի ուսումնասիրման Կենտրոն։

Հավաքածու[խմբագրել | խմբագրել կոդը]

Ամենահին գտածոները գտնվել են Կաշաֆրուդում, Գարբանդում և Գանջի Պարում։ Հնադարյան Իրանի թանգարանի առաջին սրահում ցուցադրվում են նաև մուստիերյան քարե գործիքներ, որոնք պատրաստված են նեանդերթալյան մարդկանց կողմից։ Վերին պալեոլիթի ամենակարևոր գործիքները հայտնաբերվել են Յաֆտե քարանձավում, որոնց տարիիքը՝ 30-35 հազար տարի է։ Բացի այդ այլ հնագույն գտածոնրի մեջ կան 9 հազար տարեկան մարդկանց և կենդանիների արձանիկներ, որոնք գտնվել են Քերմանշահ գավառ Սարաբ բլրի վրա կատարած պեղումների ժամանակ։

Բաժիններ[խմբագրել | խմբագրել կոդը]

Բնապահպանության բաժին
Հնաքարադարյան. բաժին
Ոսկրաբանական բաժին
Նախապատմական բաժին
Պատմական բաժին
Իսլամական բաժին
Ձեռագրերի և հին ձեռագրերի բաժին
Տպագրության և մետաղադրամների բաժին
Կերամիկայի ուսումնասիրման կենտրոն

Ժամանակավոր ցուցահանդեսներ[խմբագրել | խմբագրել կոդը]

Թանգարանի նոր շենքի առաջին հարկում տեղակայված են թանգարանային հավաքածուի ժամանակակից ցուցահանդեսները։ Ժամանակավոր ցուցահանդեսները անցկացվում են տարին մեկ կամ երկու անգամ և որպես կանոն աշխատում են մեկից երկու ամիս։ 2014 թվականի օգոստոս-հոկտեմբեր ամիսներից սկսած թանգարանում իրականացվում էր «200 հազար տարվա հարաբերություններ մարդկանց և կենդանիների միջև Իրանում» ցուցահանդեսը^[3]։ Ցուցահանդեսը նվիրված էր հին մարդկային հասարակությունների և տարբեր կենդանիների գոյությանը Իրանում, սկսած ուշ պալեոլիթից մինչև մեր օրեր։