Իսրայել Չանգլյան
Իսրայել Չանգլյան | |
---|---|
Ծնվել է | 1922 |
Ծննդավայր | Ղուլալի, Հայաստան |
Կրթություն | Երևանի պետական համալսարան |
Կուսակցություն | ԽՄԿԿ |
Պարգևներ և մրցանակներ |
Իսրայել Արշակի Չանգլյան (1922, Այգեձոր, Հայկական ԽՍՀ), հայ զինվորական, Երկրորդ համաշխարհային պատերազմի մասնակից[1]։
Կենսագրություն[խմբագրել | խմբագրել կոդը]
Ծնվել է 1922 թվականին Հայկական ԽՍՀ Այգեձոր գյուղում[1]։
1932-1944 թվականներին սովորել է Այգեձորի միջնակարգ դպրոցում։ Տասներորդ դասարանից զորակոչվել է խորհրդային բանակ[1]։
1943-1945 թվականներին ծառայել է գործող բանակում։ 1943 թվականի հոկտեմբերից մինչև 1944 թվականի հունվարը ծառայությունը շարունակել է 136-րդ հրաձգային գնդում որպես հրաձիգ-հրետանավոր։ 1944 թվականի հունվարից մարտ՝ 237-րդ դիվիզիայի 244-րդ գնդում որպես շարքային հետախույզ, վիրավորվել է Ղրիմում։ 1944 թվականին 140-րդ հրաձգային դիվիզիայի 96-րդ հրաձգային գնդում եղել է ջոկի հրամանատար, կոչումով ավագ սերժանտ[1]։
Կարպատներում վիրավորվել է երկու անգամ։ 1944 թվականի դեկտեմբերին 318-րդ դիվիզիայում եղել է դասակի հրամանատարի տեղակալ։ Այնուհետև տեղափոխվել է 133-րդ դիվիզիա, որտեղից և 1946 թվականի դեկտեմբերին զորացրվել է[1]։
Պարգևատրվել է Մարտական ծառայության, 1941-1945 թվականների Հայրենական մեծ պատերազմում Գերմանիայի դեմ տարած հաղթանակի համար և այլ մեդալներով ու շնորհավորական թերթիկներով[1]։
1953 թվականին էքստեռն կարգով ավարտել է Բերդի միջնակարգը։ 1947-1956 թվականներին աշխատել է կոլտնտեսությունում որպես էլեկտրիկ, 2 տարի՝ ակումբավար, 2 տարի՝ հաշվապահի օգնական, ապա՝ №7 դաշտավարական բրիգադի բրիգադավար։ Եղել է ՀԼԿԵՄ 19-րդ համագումարի պատգամավոր։ Որպես թղթակից երկու անգամ մասնակցել է թղթակիցների հավաքներին, ընտրվել է գյուղական խորհրդի պատգամավոր, 1966 թվականին ավարտել է Երևանի պետական համալսարանի բանասիրական ֆակուլտետի մատենագիտական բաժինը[1]։
1965 թվականից աշխատում է որպես ուսուցիչ Այգեձորի միջնակարգ դպրոցում, դասավանդում է հայոց լեզու և գրականություն[1]։
ԽՄԿԿ անդամ է 1952 թվականից[1]։