Իգոր Վոլկ

Վիքիպեդիայից՝ ազատ հանրագիտարանից
Jump to navigation Jump to search
Իգոր Վոլկ
Igor Volk 2.jpg
Ծնվել էապրիլի 12, 1937(1937-04-12)
ԾննդավայրԶմիյով, Խարկովի մարզ, Ուկրաինական ԽՍՀ, ԽՍՀՄ
Մահացել էհունվարի 3, 2017(2017-01-03)[1] (79 տարեկանում)
Մահվան վայրՊլովդիվ, Բուլղարիա
ՔաղաքացիությունFlag of the Soviet Union.svg ԽՍՀՄ
Flag of Russia.svg Ռուսաստան
ԿրթությունState Flight Academy of Ukraine?, Gromov Flight Research Institute? և Մոսկվայի ավիացիայի ինստիտուտ
Մասնագիտությունօդաչու, տիեզերագնաց, գյուտարար, փորձարկիչ օդաչու և զինծառայող
Պարգևներ և
մրցանակներ
Լենինի շքանշան Խորհրդային Միության հերոս «Հայրենիքին մատուցած ծառայությունների համար» 4-րդ աստիճանի շքանշան Աշխատանքային Կարմիր դրոշի շքանշան Ժողովուրդների բարեկամության շքանշան ԽՍՀՄ տիեզերագնաց-օդաչու «Աշխատանքի վետերան» մեդալ «Մոսկվայի 850-ամյակի հիշատակի» մեդալ Մեդալ տիեզերքի հետազոտության բնագավառում ունեցած վաստակի համար Վլադիմիր Իլյիչ Լենինի ծննդյան 100-ամյակի հոբելյանական մեդալ «ԽՍՀՄ Զինված ուժերի 40-ամյակ» հոբելյանական մեդալ և ԽՍՀՄ վաստակավոր փորձարկիչ օդաչու
Ստորագրություն
Sign of I. P. Volk.png
Igor Volk Վիքիպահեստում

Իգոր Վոլկ (ռուս.՝ Игорь Петрович Волк, ուկր.՝ Ігор Петрович Волк, ապրիլի 12, 1937(1937-04-12), Զմիյով, Խարկովի մարզ, Ուկրաինական ԽՍՀ, ԽՍՀՄ - հունվարի 3, 2017(2017-01-03)[1], Պլովդիվ, Բուլղարիա), Խորհրդային Միության տիեզերագնաց և փորձարկող օդաչու։

Ռազմական և փորձարարական օդաչու[խմբագրել | խմբագրել կոդը]

Իգոր Վոլկը դարձել է օդաչու Խորհրդային Միության օդային զինուժում 1956 թվականին։ 1965 թվականին ավարտելով փորձարարական օդաչուական դպրոցը, նա ընդունվեց Գրոմովի անվան օդաչուական գիտահետազոտական ինստիտուտը։ Նա օդում է անցկացրել ավելի քան 7000 ժամ՝ շուրջ 80 տարբեր տեսակի օդանավերով։ Ժամանակի ընթացքում նա թռիչքներ է իրականացրել Խորհրդային բոլոր տեսակի կործանիչ, մարտական և բեռնատար ինքնաթիռներով։ Նա ակնառու ունակություններ է դրսևորել զանազան ինքնաթիռների փորձարկումներում՝ կտրուկ և շեղակի հարձակումներ, շրջադարձեր և պտույտներ։ Նա առաջինն էր, որ փորձարկել է ինքնաթիռի վարքագիծը բարձր, շեշտակի (շուրջ 90°) գրոհների ժամանակ և իրականացրել է այնպիսի հնարքներ, ինչպիսին է «Կոբրա» խուսանավումը[2]։

Տիեզերական նախագիծ[խմբագրել | խմբագրել կոդը]

1977 թվականի հուլիսի 12-ին Իգոր Վոլկը ընտրվեց որպես հետազոտող֊տիեզերագնաց և «Սոյուզ T-12» տիեզերանավով թռիչք կատարեց դեպի «Սալյուտ 7» տիեզերակայան։ Թռիչքի նպատակներից մեկը երկարաժամկետ տիեզերական թռիչքի արդյունավետությունների ստուգումն էր։ Վոլկը ղեկավարել է տիեզերագնացների պատրաստման «Բուրան» նախագիծը, իսկ նախագծի չեղարկումից հետո` 1995 թվականին ստանձնել է Գրոմովի անվան թռիչքային հետազոտական ինստիտուտի փորձարարական թռիչքների ղեկավարի օգնականի պաշտոնը, մինչև 1996 թվականին թոշակի անցնելը։ Եղել է Ռուսաստանի Դաշնության Ազգային օդանավային ակումբի նախագահ և «Fédération Aéronautique Internationale»֊ի փոխնախագահ։ 1984 թվականի հուլիսի 29֊ին Վոլկին շնորհվել է Խորհրդային Միության հերոսի կոչում՝ օդաչուական և տիեզերագնացության ոլորտում ներդրած մեծ ավանդի համար։

Այլ ձեռքբերումներ[խմբագրել | խմբագրել կոդը]

Վոլկը նաև գյուտարար էր և նախագծել է նոր, չորս ուղևոր տեղավորող թռչող ավտոմեքենա՝ «Լարկ֊4»֊ը, որը զարգացնում է ժամում 45 կմ արագություն, օգտագործում 27 մետրանոց թռիչքուղի և յուրաքանչյուր 100 կիլոմետրի համար ծախսում 11լ վառելիք։

Անձնական կյանք[խմբագրել | խմբագրել կոդը]

Վոլկը ամուսնացած էր և ուներ երկու երեխա։ Նա մահացել է 2017 թվականի հունվարի 3֊ին՝ 79 տարեկան հասակում, Բուլղարիայի Պլովդիվ քաղաքում, ուր մեկնել էր հանգստանալու[3][4]։

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ушел из жизни Игорь Петрович Волк — 2017.
  2. Hall Rex, Shayler Davide, Vis Bert (2005)։ Russia's Cosmonauts: Inside the Yuri Gagarin Training Center։ Chichester, UK: Praxis Publishing։ էջեր 335–6։ ISBN 0-387-21894-7 
  3. «Cosmonaut Igor Volk dead at 79»։ SpaceFlight Insider։ 4 January 2017։ Վերցված է 11 January 2017 
  4. Մահացել է Իգոր Վոլկը