Ժունիոր Բայանո

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Ժունիոր Բայանո
Քաղաքացիությունը Flag of Brazil.svg Բրազիլիա
Ծննդյան ամսաթիվ մարտի 14, 1970(1970-03-14)[1] (50 տարեկան)
Ծննդավայր Ֆեյրա դի Սանտանա, Իտամարաժու, Բրազիլիա
Հասակ 192 սանտիմետր
Քաշ 91 կիլոգրամ

Ռայմունդո Ֆերեյրա Ռամոս Ժունիոր (բրազ.-պորտ.՝ Raimundo Ferreira Ramos Júnior մարտի 14, 1970(1970-03-14)[1], Ֆեյրա դի Սանտանա, Իտամարաժու, Բրազիլիա), ավելի հայտնի է որպես Ժունիոր Բայանո (պորտ.՝ Júnior Baiano), բրազիլացի ֆուտբոլիստ, հանդես է եկել կենտրոնական պաշտպանի դիրքում։

Կարիերա[խմբագրել | խմբագրել կոդը]

Ժունիոր Բայանոն իր կարիերան սկսել է «Ֆլամենգո» ակումբում։ 1988 թվականի դեկտեմբերի 11-ին նա նորամոտը նշել է «Բանգու»-ի դեմ խաղում։ Հաջորդ մրցաշարջանում նա ակումբի կազմում անցկացրել է 11 հանդիպում, որոնցից 1-ը՝ պաշտոնական խաղում[2]։ Նույն տարում պաշտպանը թիմի կազմում նվաճել է Բրազիլիայի գավաթը։ Մեկ տարի անց Ժունիորը կարողացավ տեղ գտնել «Մենգո»-ի մեկնարկային կազմում։ Նրա հետ ակումբը նվաճել է Ռիո դե Ժանեյրոյի գավաթը, Ռիո դե Ժանեյրոյի և Բրազիլիայի առաջնությունները։ 1994 թվականին Բայանոն տեղափոխվել է «Սան Պաուլու», որի հետ նվաճել է ԿՈՆՄԵԲՈԼ-ի գավաթն ու Հարավային Ամերիկայի Ռեկոպան։

1995 թվականին Ժունիոր Բայանոն տեղափոխվել է գերմանական «Վերդեր» ակումբ[3], որտեղ էլ անցկացրել է 32 հանդիպում և խփել 2 գոլ։ Հաջորդ տարում նա վերադարձել է «Ֆլամենգո»։ Այդտեղ նա անցկացրել է 2 մրցաշրջան՝ մասնակցելով 99 հանդիպման և խփելով 11 գոլ[4]։ Այնուհետև պաշտպանը հանդես է եկել «Պալմեյրասե»-ում, որը գնել էր Parmalat կոնցեռնը[5], որի հետ նվաճել է Մերկոսուրի գավաթը, ապա Լիբերտադորեսի գավաթը[6]: 2000 թվականին նա տեղափոխվել է «Վասկո դա Գամա», որի հետ նվաճել է հաղթել է առաջնությունում, նվաճել Մերկոսուրի և Գուանաբարի գավաթները։

2001 թվականին Ժունիոր Բայանոն տեղափոխվել է չինական «Շանխայ-Շենխուա» ակումբ, բայց կարճ ժամանակավով։ Բրազիացին հաջորդ տարում վերադարձել է հայրենիք և դարձել է «Ինտերնասիոնալ» ակումբի խաղացող։ Այդ ակումբի հետ էլ հաղթել է Ռիու Գրանդի դու Սուլի առաջնությունում։ 2004 թվականին նա երրորդ անգամ դարձել է «Ֆլամենգո» ակումբի խաղացող՝ կրկին ակումբի հետ հաղթանակը տոնելով Գուանաբարայի գավաթի խաղարկությունում և նահանգի առաջնությունում։ Միևնույն ժամանակ նա դատարան էր հրավիրվել թմրանյութերի ապօրինի շրջանառության գործով ցուցմունք տալու համար[7]։ Այնուհետև նա խաղացել է «Ամերիկա», «Բրազիլենսե», «Վոլտա-Ռեդոնդու»[8] և ամերիկական «Մայամի» ակումբներում, որտեղ էլ 2009 թվականին ավարտել է կարիերան[9]։

Միջազգային կարիերա[խմբագրել | խմբագրել կոդը]

Բրազիլիայի հավաքականի կազմում Ժունիորը նորամուտը նշել է 1997 թվականի օգոստոսի 10-ին Հարավային Կորեայի դեմ ընկերական խաղում (2:1)[10]։ Նույն թվականին նա ազգային թիմի հետ նվաճեց Կոնֆեդերացիաների գավաթը։ Հաջորդ տարի Բայանոն Բրազիլիայի հետ մեկնել է աշխարհի առաջնության, որտեղ բրազիլացիները հասել են եզրափակիչ՝ պարտվելով Ֆրանսիայի դեմ վճռորոշ խաղում[11]։ Այս խաղը Ժունիորի համար վերջինն էր Բրազիլիայի հավաքականի մարզաշապիկով[12]։

Ձեռքբերումներ[խմբագրել | խմբագրել կոդը]

Ակումբային[խմբագրել | խմբագրել կոդը]

  • Բրազիլիայի գավաթի դափնեկիր (1990)
  • Ռիո դե Ժանեյրիոյի գավաթի դափնեկիր (1991)
  • Ռիո դե Ժանեյրիո նահանգի չեմպիոն (1991, 2004)
  • Բրազիլիայի չեմպիոն (1992, 2000)
  • ԿՈՆՄԵԲՈԼ գավաթի դափնեկիր (1994)
  • Հարավային Ամերիկայի Ռեկոպի դափնեկիր (1994)
  • Կոնֆեդերացիայի գավաթի դափնեկիր (1997)
  • Մերկոսուր գավաթի դափնեկիր (1998, 2000)
  • Լիբերտադորես գավաթի դափնեկիր (1999)
  • Գուանաբարա գավաթի դափնեկիր (2000, 2004)
  • Ռիու Գրանդու դու Սուլ նահանգի չեմպիոն (2002)
  • Դաշնային շրջանի չեմպիոն (2008)

Անձնական[խմբագրել | խմբագրել կոդը]

  • Բրազիլիայի արծաթե գնդակի դափնեկիր (1997)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]