Թրանսփարենսի Ինթերնեյշնլ հակակոռուպցիոն կենտրոն
| Թրանսփարենսի Ինթերնեյշնլ հակակոռուպցիոն կենտրոն | |
|---|---|
| Տեսակ | հասարակական կազմակերպություն |
| Երկիր |  Հայաստան |
| Հապավում | ԹԻՀԿ |
| Հիմնադրված | 2000 թվական |
| Նպատակներ | կոռուպցիայի կանխարգելում, կառավարության գործունեության թափանցիկության ապահովում |
| Գլխադասային գրասենյակ | Երևան, Սարյան փ. 12 |
| Գործադիր տնօրեն | Սոնա Այվազյան |
| Վերադաս կազմակերպություն | Թրանսփարենսի Ինթերնեյշնլ |
| Հիմնադիր | Ամալյա Կոստանյան |
| Կայք | transparency.am |
| Նախկին անվանում(ներ) | Տարածաշրջանային զարգացման կենտրոն |
Թրանսփարենսի Ինթերնեյշնլ հակակոռուպցիոն կենտրոն, ոչ կառավարական հասարական կազմակերպություն Հայաստանում։ 2001 թվականից Թրանսփարենսի Ինթերնեյշնլ ոչ կառավարական միջազգային կազմակերպության պաշտոնական ներկայացուցիչն է Հայաստանում[1]։
Պատմություն[խմբագրել | խմբագրել կոդը]
Կազմակերպությունը հիմնադրվել է 2000 թվականին Ամալյա Կոստանյանի կողմից։ Սկզբում կազմակերպությունը գործել է «Տարածաշրջանային զարգացման կենտրոն» ՀԿ անվամբ[2]։ 2008 թվականի փետրվարին կազմակերպությունը վերագրանցվել է որպես Թրանսփարենսի Ինթերնեշնլ հակակոռուպցիոն կենտրոն (ԹԻՀԿ)։
ԹԻՀԿ-ի գլխավոր նպատակը կոռուպցիայի կանխարգելումն է՝ կառավարության գործունեության թափանցիկության և հաշվետվողականության խթանման միջոցով[3]։
Ներկայումս, Թրանսփարենսի Ինթերնեյշնլ հակակոռուպցիոն կենտրոնի գործադիր տնօրենը Սոնա Այվազյանն է[4]։
Գործունեություն[խմբագրել | խմբագրել կոդը]
ԹԻՀԿ-ն իրականացնում է տարբեր ծրագրեր կոռուպցիայի կանխարգելման, թափանցիկ ընտրությունների անցկացման, կառավարման համակարգերի աշխատանքի թափանցիկության ամրապնդման ուղղությամբ։ Համապետական և տեղական ինքնակառավարման մարմինների ընտրություների ժամանակ ԹԻՀԿ-ն «Ականատես» դիտորդական առաքելության միջոցով իրականացնում է ընտրությունների դիտորդություն[5]։
2014 թվականին «Բաց կառավարման գործընկերություն» ծրագրի շրջանակներում ԹԻՀԿ-ի կողմից ներկայացվել են տարբեր առաջարկներ, որոնք միտված են եղել բարձրաստիճան պաշտոնյաների հայտարարագրերի, պետական գնումների գործընթացի, հանքարդյունաբերության ոլորտի թափանցիկության ապահովմանը[6]։
Մրցանակներ[խմբագրել | խմբագրել կոդը]
Ամալյա Կոստանյանի անվան մրցանակ[խմբագրել | խմբագրել կոդը]
Թրանսփարենսի Ինթերնեյշնլ հակակոռուպցիոն կենտրոնը «Բաց հասարակությունների հիմնադրամներ - Հայաստան»-ի հետ համատեղ 2011 թվականից սկսած շնորհում է Ամալյա Կոստանյանի անվան մրցանակը։ Մրցանակը շնորհվում է «սկզբունքային ու խիզախ գործունեություն իրականացրած և քաղաքացիական հասարակության զարգացման գործում նշանակալի ներդրում ունեցած անձանց»[7]։
2023 թվականից մրցանակը շնորհվում է կոռուպցիայի դեմ պայքարում նշանակալի ներդրում ունեցած մարդկանց։ Տարբեր տարիներին այս մրցանակին են արժանացել իրավապաշտպան Արտակ Զեյնալյանը (2011)[8], քաղաքացիական ակտիվիստ Լալա Ասլիկյանը (2012)[9], իրավապաշտպաններ Զարուհի Հովհաննիսյանը (2013)[10] և Լարա Ահարոնյանը (2014), լրագրողներ Մարիաննա Գրիգորյանը (2015)[10] և Թեհմինե Ենոքյանը (2016)[11], «Իրազեկ քաղաքացիների միավորում» ՀԿ հիմնադիր Դանիել Իոաննիսյանը (2017)[12], «Ռեստարտ» ուսանողական շարժումը (2018)[13], «Հետք»-ի հետաքննող լրագրող Տիրայր Մուրադյանը և «Սիվիլնեթ»-ի լրագրող Մկրտիչ Կարապետյանը (2023)[14]։
Ծանոթագրություններ[խմբագրել | խմբագրել կոդը]
- ↑ «Կազմակերպությունը». Transparency.am. Վերցված է 2024 թ․ փետրվարի 27-ին.
- ↑ «Թրանսփարենսի ինթերնեշնլ հակակոռուպցիոն կենտրոն». infocom.am (անգլերեն). Վերցված է 2024 թ․ փետրվարի 28-ին.
- ↑ ԴեՊո, ՀԿ. «ՀԿ ԴեՊո :։ Թրանսփարենսի ինթերնեշնլ հակակոռուպցիոն կենտրոն». ՀԿ ԴեՊո (անգլերեն). Վերցված է 2024 թ․ փետրվարի 28-ին.
- ↑ ««Թրանսփարենսի ինթերնեշնլ»-ի տնօրեն Սոնա Այվազյան. «Ընդհանուր առմամբ, խախտումները տեխնիկական են, ոչ մտադրված»». Hetq.am. 2019 թ․ սեպտեմբերի 8. Վերցված է 2024 թ․ փետրվարի 28-ին.
- ↑ ««Ականատես» դիտորդական առաքելության նախնական տեղեկանքը արտահերթ ընտրությունների մասին». Hetq.am. 2021 թ․ հունիսի 9. Վերցված է 2024 թ․ փետրվարի 28-ին.
- ↑ «Աշխատանքային խումբ - Բաց կառավարման գործընկերություն - Հայաստան». www.ogp.am. Վերցված է 2024 թ․ փետրվարի 28-ին.
- ↑ «Ամալյա Կոստանյանի անվան մրցանակ». Transparency.am. Վերցված է 2024 թ․ փետրվարի 28-ին.
- ↑ «ԱՄԱԼՅԱ ԿՈՍՏԱՆՅԱՆԻ ԱՆՎԱՆ ՄՐՑԱՆԱԿ». hraparak.am. 12/12/2011.
- ↑ «Ամալյա Կոստանյանի անվան ամենամյա մրցանակը՝ Լալա Ասլիկյանին». www.7or.am. Վերցված է 2024 թ․ փետրվարի 28-ին.
- ↑ 10,0 10,1 «Ամալյա Կոստանյանի անվան մրցանակ». Transparency.am. Վերցված է 2024 թ․ փետրվարի 28-ին.
- ↑ Ecolur. «Լրագրող Թեհմինե Ենոքյանը` Ամալյա Կոստանյանի անվան մրցանակի 2016թ-ի դափնեկիր - Ecolur». www.ecolur.org (անգլերեն). Վերցված է 2024 թ․ փետրվարի 28-ին.
- ↑ «Ամալյա Կոստանյանի մրցանակ». Իրազեկ քաղաքացիների միավորում. Վերցված է 2024 թ․ փետրվարի 28-ին.
- ↑ «Ամալյա Կոստանյանի անվան 2018թ. մրցանակը հանձնվել է «Ռեստարտ» նախաձեռնությանը և Ամուլսարի պահապաններին». Hetq.am. 2019 թ․ փետրվարի 5. Վերցված է 2024 թ․ փետրվարի 28-ին.
- ↑ «ԹԻՀԿ-ը շնորհեց Ամալյա Կոստանյանի անվան մրցանակը հետաքննող լրագրողներին - FBnews». www.fbnews.am. Վերցված է 2024 թ․ փետրվարի 28-ին.