Թոքախոտ դանիական

Վիքիպեդիայից՝ ազատ հանրագիտարանից
Jump to navigation Jump to search
Թոքախոտ դանիական
Դասակարգում
Թագավորություն  Բույսեր (Plantae)
Վերնաբաժին Բարձրակարգ բույսեր (Embryophyta)
Տիպ/Բաժին Անոթավոր բույսեր (Tracheophyta)
Ենթատիպ Սերմնավոր բույսեր (Spermatophytina)
Ընտանիք Գաղտրիկազգիներ (Boraginaceae)
Տրիբա Boragineae
Ցեղ Pulmonaria
Տեսակ Թոքախոտ դանիական (P. dacica)
Միջազգային անվանում
Pulmonaria dacica

Թոքախոտ դանիական (լատ.՝ Pulmonaria dacica), գաղտրիկազգիների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

Հաստ շագանակագույն կոճղարմատով և բազմաթիվ լարանման երկար արմատներով մեղրատու գեղազարդային բազմամյա կարճաթավ խոտաբույս է։ Կիսացողունագիրկ հիմքով սրածայր էլիպսաձև նստադիր տերևները հերթադիր դասավորված են 15-50 սմ բարձրություն ունեցող ցողունի վրա։ Թևավոր կոթուններով արմատամերձ խոշոր տերևներն աճում են ծաղկելուց հետո։ Գագաթնային ծաղկաբույլերում՝ ոլոքներում, հավաքված են կարճ ծաղկաթերթերով կախվող ծաղիկները։ Կիսաշրջանաձև բլթակներով պսակն երկնագույն-մանուշակագույն խողովակաձև-ձագարաձև է։ Ծաղկապսակը սկզբում վարդագույն է, հետագայում՝ ծաղկման ընթացքում, դառնում է կապույտ։ Պտուղները չորս փայլուն սև ընկուզիկներ են[1]։

Տարածվածություն[խմբագրել | խմբագրել կոդը]

Աճում է ստորին և միջին լեռնային գոտիների անտառներում։ Հանդիպում է Տավուշի մարզում։ Բույսն ընդգրկված է Ռուսաստանի բույսերի «Կարմիր գրքում» և դրա հավաքն արգելված է[1]։

Նշանակություն[խմբագրել | խմբագրել կոդը]

Բուժական նպատակներով օգտագործում են տերևներն ու վերգետնյա մասը ծաղիկներով։ Տերևներն օգտագործում են նաև սննդի մեջ․ պատրաստում են աղցաններ և ապուրներ[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689