Թուրքիայի ազգային գրադարան

Վիքիպեդիայից՝ ազատ հանրագիտարանից
Թուրքիայի ազգային գրադարան
Երկիր Թուրքիա
Տեսակազգային գրադարան և գրադարան
Հիմնվել է1946
ՏեղադրությունԱնկարա
Այլ տվյալներ
Կայքmillikutuphane.gov.tr(թուրքերեն)(անգլ.)

Թուրքիայի ազգային գրադարան, Թուրքիայի կենտրոնական գրադարանը, որը գտնվում է Անկարայում։ Հիմնադրվել է 1946 թվականի ապրիլի 15-ին։

Պատմություն[խմբագրել | խմբագրել կոդը]

Թուրքիայի ազգային գրադարանը հիմնադրվել է 1946 թվականի ապրիլի 15-ին Անկարայի Չանկայա շրջանում[1]։ Ի սկզբանե գրադարանն ունեցել է 8000 տպագիր աշխատանք․ մեկ տարվա ընթացքում ֆոնդի ընդլայնման շնորհիվ գրադարանն ունեցել է նոր շենքի կարիք։ Հավաքածուն հանրությանը հասանելի դարձնելու համար 1947 թվականի ապրիլի 17-ին գրադարանը տեղափոխվել է ժամանակավոր շենք։ Շուտով գրադարանային ֆոնդը կազմել է 60 000 ցուցանմուշ[1]։ Պաշտոնապես գրադարանը սկսել է գործել 1948 թվականի օգոստոսի 16-ից։ Ներկայումս գրադարանի շենքը գործածվում է որպես Անկարայի հանրային գավառական գրադարան[1]։ Ըստ Թուրքիայի Ազգային մեծ ժողովի 1950 թվականի մարտի 23-ին ընդունած օրենքի Ազգային գրադարանը դարձել է առանձին իրավաբանական դեմք, որը կախված չէ կրթության նախարարությունից։ Ընդունումից 9 օր անց օրենքը ուժի մեջ է մտել և հրապարակվել է T.C. Resmi Gazete թերթում[2]։

1965 թվականին ծրագրվել է Ազգային գրադարանի նոր շենքի կառուցումը, քանի որ գոյություն ունեցող շենքն ապագայում չէր կարող համապատասխանել գրադարանի պահանջներին։ Շինարարությունը սկսվել է 1973 թվականին և ավարտվել է 1983 թվականի օգոստոսի 5-ին։ Շենքի շինարարության ավարտից ի վեր գրադարանը սպասարկել է իր հաճախորդներին շուրջ 39 000 մ² տարածքում[1]։

Համաձայն 1934 թվականի տպագիր հոդվածների և նկարների բնաքաղման մասին օրենքի Ազգային գրադարան պիտի ուղարկվի երկրում հրապարակված յուրաքանչյուր ստեղծագործության պատճենը[3]։ 2017 թվականի տվյալներով գրադարանի արխիվում են գտնվում շուրջ 4087909 ձեռագիր և տպագիր աշխատանքներ[4]։ Միևնույն թվականի վիճակագրության համաձայն Ազգային գրադարանի օգտատերերի թիվը կազմել է 629 905 մարդ (գրանցված է 26 478 մարդ)[4]։

Գրադարանը Եվրոպական ազգային գրադարանների կոնֆերանսի և Europeana-ի անդամ է[5]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 «Tarihçe Kronoloji»։ mkutup.gov.tr։ Արխիվացված է օրիգինալից 23 April 2019-ին։ Վերցված է 24 April 2019 
  2. «Millî Kütüphane Kuruluşu hakkında Kanun»։ tbmm.gov.tr։ Արխիվացված է օրիգինալից 24 April 2019-ին։ Վերցված է 24 April 2019 
  3. «Basma Yazı ve Resimleri Derleme Kanunu»։ kulturturizm.gov.tr։ Արխիվացված է օրիգինալից 24 April 2019-ին։ Վերցված է 24 April 2019 
  4. 4,0 4,1 «Kütüphane istatistikleri, 2017»։ tuik.gov.tr։ 7 August 2018։ Արխիվացված է օրիգինալից 24 April 2019-ին։ Վերցված է 24 April 2019 
  5. «Ulusal ve Uluslararası İşbirlikleri»։ mkutup.gov.tr։ Արխիվացված է օրիգինալից 24 April 2019-ին։ Վերցված է 24 April 2019 

Արտաքին հղումներ[խմբագրել | խմբագրել կոդը]