Թոմի Վերսետտի
| Թոմի Վերսետտի անգլ.՝ Tommy Vercetti | |
|---|---|
 | |
| Ծնվել է | մարտի 1, 1952 (71 տարեկան) |
| Ծննդավայր | Լիբերթի Սիթի, ԱՄՆ |
| Քաղաքացիություն |  ԱՄՆ |
| Մայրենի լեզու | անգլերեն |
| Մասնագիտություն | Թմրավաճառ, զինվոր, mobster և մարդասպան |
| Անդամություն | Ֆորելիի ընտանիք |
Թոմաս «Թոմի» Վերսետտի (անգլ.՝ Thomas "Tommy" Vercetti, մարտի 1, 1952, Լիբերթի Սիթի, ԱՄՆ), հորինված կերպար «Grand Theft Auto» համակարգչային խաղերի շարքից, «Grand Theft Auto: Vice City» խաղի (2002) պրոտագոնիստ (գլխավոր հերոս)։ Հնչյունավորել է Ռեյ Լիոտան[1]։
Ստեղծում[խմբագրել | խմբագրել կոդը]
Կերպարի անիմացիայի համար օգտագործվել է շարժման կորզման (անգլ.՝ motion capture) տեխնոլոգիան[2], մոդելը դարձել է դերասան Ջոնաթան Սեյլը[3]։
Թոմի Վերսետտիի հնչյունավորման գործում մասնակցություն է ունեցել ամերիկացի դերասան Ռեյ Լիոտան[4], ով հայտնի է Սկորսեզեի՝ 1990 թվականին նկարահանված «Փառավոր տղաներ» կուլտային գանգստերական դրամայից։ Հնչյունավորման համար նա ստացել է 5 դոլար կանխավարձ։ Հնչյունավորումը Լիոտայի համար հետաքրքիր էր, թեև ոչ հասարակ խնդիր էր[5]։ Ավելի ուշ Լիոտան խոստովանել է, որ երբեք չի խաղացել «GTA: Vice City» խաղը[6]։
Արձագանքներ, ազդեցություն[խմբագրել | խմբագրել կոդը]
Թոմի Վերսետտին կինոքննադատների կողմից դրական է գնահատվել, որոնք նրան անվանել են «GTA» խաղաշարի ամենասիրված և հիշվող կերպարներից մեկը[7][8]։ Առանձին պարբերականներ նրան ներառել են համակարգչային խաղերի լավագույն հակահերոսների վարկանիշում[9][10]։ Նրան նաև անվանել են «Xbox»[11] և PlayStation[12] հարթակների խաղերի լավագույն կերպարներից մեկը։
«Game Informer» ամսագիրը Թոմիին ընդգրկել է «տասնամյակը որոշած» լավագույն 30 խաղային կերպարների ցանկում[13], իսկ «Complex» ամսագիրը նրան ներառել է հին տեսախաղերի լավագույն 12 հերոսների ցանկում, որոնք դարձել են «ոճի սրբապատկերներ»[14]։
Կերպարի կենսագրություն[խմբագրել | խմբագրել կոդը]
Թոմին Իտալա-ամերիկացի է։ Գործունեությունն սկսել է որպես մանր թմրավաճառ[8], իսկ հետո Լիբերթի Սիթիում դարձել է գանգստեր։ Դեռևս երիտասարդ ժամանակ հայտնի է դարձել որպես «Հարվուդյան մսագործ» (անգլ.՝ The Harwood Butcher) և 15 տարեկանում բանտարկվել։ Ազատ արձակվելով` Ֆորելլիների ընտանիքի հանձնարարությամբ մեկնել է երկրի հարավում գտնվող Վայս Սիթի քաղաք՝ թմրանյութերի վաճառքի խոշոր գործարք իրականացնելու համար, որը, ի վերջո, խափանվել է։ Հաստատվելով նոր վայրում՝ Թոմի Վերսետտին աստիճանաբար կառուցել է սեփական քրեական կայսրությունը և սկսել հարձակվել իր նախկին ղեկավարության վրա։ Եզրափակչում` Ֆորելիների ընտանիքի անդամների հետ արյունալի վիճաբանությունից հետո, դարձել է Վայս Սիթիի գլխավոր քրեական հեղինակությունը[7]։
Ծանոթագրություններ[խմբագրել | խմբագրել կոդը]
- ↑ Tommy Vercetti (Character) — Biography
- ↑ rockstargames.com — Интерактивные дневники создания GTA Vice City
- ↑ The Body Behind Vice City’s Tommy Vercetti — ESCMag Feature Archived 2012-02-13 at the Wayback Machine.
- ↑ IGN Presents The History of Grand Theft Auto — IGN
- ↑ The Voice of Vice City — IGN
- ↑ Ray Liotta recalls his Grand Theft Auto days as Tommy Vercetti | MTV.ca | News
- ↑ 7,0 7,1 Grand Theft Auto: Favorite Badasses — IGN
- ↑ 8,0 8,1 «Top 10 Most Memorable GTA Characters — CraveOnline»։ Արխիվացված է օրիգինալից 2014-12-20-ին։ Վերցված է 2015-01-06
- ↑ Top 10 video game anti-heroes — Telegraph
- ↑ Top 25 Anti-Heroes Gallery and Images — GameDaily
- ↑ The Top 50 Xbox Characters of All Time
- ↑ «PlayStation Beyond — Features — Top 5 anti heroes in gaming»։ Արխիվացված է օրիգինալից 2015-09-29-ին։ Վերցված է 2020-05-06
- ↑ «The 30 Characters Who Defined A Decade» Game Informer 212 (December 2010): 61. (список)
- ↑ Tommy Vercitti — 12 Old School Video Game Characters Who Were Style Icons | Complex
Արտաքին հղումներ[խմբագրել | խմբագրել կոդը]
- Էջը «GiantBomb»-ում(անգլ.)
|
