Թոմաս Օհանյան
| Թոմաս Օհանյան | |
|---|---|
| Ծննդյան թիվ՝ | 1960 |
| Ծննդավայր՝ | Փրովիդենս, ԱՄՆ |
| Քաղաքացիություն՝ |  ԱՄՆ |
| Մասնագիտություն՝ | մոնտաժող և գյուտարար |
| IMDb։ | ID 0002528 |
Թոմաս Օհանյան (անգլ.՝ Thomas A. Ohanian, Tom Ohanian, 1960, Փրովիդենս, ԱՄՆ), ամերիկահայ մոնտաժող, թվային մեդիաարտադրանքի ոլորտում գյուտարար, Avid Media Composer ոչ գծային մոնտաժի համակարգի համահեղինակ[1], որը հեղափոխություն է կատարել կինոարտադրության մեջ՝ կինոժապավենը թվային կոշտ սկավառակներով փոխարինելով, որն անցում էր դեպի թվային կինոյի դարաշրջան։ Avid Media Composer-ի զարգացման համար Օհանյանը դարձել է «Էմմի» (1994, 1998 թվականներ), գիտատեխնիկական «Օսկար» (1995 թվական), «Օսկար» (1999 թվական) մրցանակների դափնեկիր[2]։ 1992 թվականին Avid Media Composer-ի գյուտից հետո ընդամենը երեք տարում Հոլիվուդում ֆիլմերի մոնտաժի 67%-ն անցել է թվային ոչ գծային մոնտաժի տեխնոլոգիայի[3]։
Կենսագրություն[խմբագրել | խմբագրել կոդը]
Թոմաս Օհանյանը ծնվել է 1960 թվականին Ռոդ Այլենդ նահանգի Փրովիդենս քաղաքում։ Նա ստացել է Բոստոնի համալսարանի կինոյի և հեռարձակման բակալավրի աստիճան, իսկ Ռոդ Այլենդի քոլեջից՝ մանկավարժական տեխնոլոգիաների մագիստրոսի աստիճան[3]։
Կարիերա[խմբագրել | խմբագրել կոդը]
1989 թվականին Օհանյանը միացել է ֆիլմերի և տեսանյութերի մոնտաժի համակարգերի ստեղծման համար համակարգչային ծրագրային ապահովում մշակող Avid Technology նորաստեղծ ընկերությանը։ Օհանյանը եղել է Avid-ի առաջին խմբագիրը և 8-րդ աշխատակիցը։
Avid-ի առաջին աշխատակիցը ծրագրային ապահովման ինժեներ Ջեֆրի Բեդելն էր, որը Avid Media Composer-ի նախնական կոդի հիմնական հեղինակն ու ճարտարապետն էր։ Ջո Ռայսը և Թոմ Օհանյանը մշակել են օգտատիրոջ միջերես Avid Media Composer-ի համար, որը ցուցադրվել է փակ դռների հետևում NAB 1988-ի ընթացքում և պաշտոնապես հայտնվել է մեկ տարի անց՝ այս անգամ աշխատելով Էփլ Մակինտոշ համակարգիչների վրա[4]։
1989-2001 թվականներին Օհանյանը դարձել է Avid-ի արտադրանքի մշակման տնօրեն և Avid Media Composer-ի ոչ գծային մոնտաժի համակարգի համաստեղծողը, որը հանգեցրել է գծային մոնտաժից համակարգչային թվային ոչ գծային խմբագրման անցմանը[5]։ Avid Media Composer-ի ստեղծմանն ուղղված ջանքերի համար Օհանյանը 1994 թվականին արժանացել է «Էմմի» մրցանակի, 1995 թվականին՝ գիտատեխնիկական «Օսկար» մրցանակի, իսկ 1999 թվականին՝ «Օսկար» մրցանակի[2]։
Օհանյանը հանդես է եկել զեկուցումներով, որոնցում ներկայացրել է, թե ինչպես են արհեստական բանականությունն ու մեքենական ուսուցումը ազդում բովանդակության ստեղծման վրա։ Այժմ նա անկախ խորհրդատու է և IBM-ի համաշխարհային բիզնեսի զարգացման բաժնի ղեկավար[6]։
Թոմաս Օհանյանն ունի գյուտերի հետևյալ արտոնագրերը․
- մուլտիմեդիայի խմբագրման էֆեկտների բարելավված կառավարմամբ համակարգ
- համակարգչի համար սլայդերի մուտքագրման համակցված սարք և ստեղնաշար
- օգտատիրոջ մեխանիկական ինտերֆեյս[7][8]
Թվային ոչ գծային մոնտաժի տեխնոլոգիա[խմբագրել | խմբագրել կոդը]
Մինչև 1990-ական թվականները ֆիլմերի մոնտաժի հիմնական ասպեկտներն անփոփոխ էին։ 1992 թվականին Avid Media Composer-ի գյուտի շնորհիվ ընդամենը երեք տարում Հոլիվուդում ֆիլմերի մոնտաժի 67%-ն անցել է թվային ոչ գծային մոնտաժման տեխնոլոգիայի։
Avid Media Composer-ը հեղափոխել է պրոֆեսիոնալ տեսամոնտաժը` կինոժապավենը փոխարինելով թվային կոշտ սկավառակներով։ Թվային ոչ գծային մոնտաժը և Avid Media Composer-ը պրոֆեսիոնալ ոլորտի համար տեսանյութերի խմբագրման ստանդարտ համակարգ են։ Այդ համակարգով է ստեղծվում ԱՄՆ-ի հեռուստատեսային գովազդերի ավելի քան 80%-ը և փրայմ թայմ ժամանակահատվածի հաղորդումների 70%-ը, ինչպես նաև անթիվ հեռուստատեսային և լրատվական հաղորդումներ ամբողջ աշխարհում[3]։
Ճանաչում[խմբագրել | խմբագրել կոդը]
- Էմմի մրցանակ (1994)
- Գիտատեխնիկական «Օսկար» մրցանակ (1995)
- «Էմմի» մրցանակ Avid Multi-camera System-ի ստեղծման համար (1998)
- «Օսկար» մրցանակ (1999)[2]
Ծանոթագրություններ[խմբագրել | խմբագրել կոդը]
- ↑ «Tom Ohanian | Bostonia». Boston University (անգլերեն). Արխիվացված օրիգինալից 2022 թ․ նոյեմբերի 17-ին. Վերցված է 2022 թ․ նոյեմբերի 17-ին.
- ↑ 2,0 2,1 2,2 «The Making of a Motion Picture Editor — Reviewed | Jonny Elwyn — Film Editor». jonnyelwyn.co.uk. Արխիվացված է օրիգինալից 2022 թ․ նոյեմբերի 17-ին. Վերցված է 2022 թ․ նոյեմբերի 17-ին.
- ↑ 3,0 3,1 3,2 «MediaMente: Thomas Ohanian». docuver.se. Արխիվացված օրիգինալից 2022 թ․ նոյեմբերի 17-ին. Վերցված է 2022 թ․ նոյեմբերի 17-ին.
- ↑ Adrian Pennington. «Industry Innovators: Bill Warner, Avid». IBC (անգլերեն). Արխիվացված օրիգինալից 2022 թ․ նոյեմբերի 17-ին. Վերցված է 2022 թ․ նոյեմբերի 17-ին.
- ↑ AP,Carolyn Giardina, AP, Carolyn Giardina (2007 թ․ մարտի 29). «Ohanian now avid to distribute Signiant». The Hollywood Reporter (ամերիկյան անգլերեն). Արխիվացված օրիգինալից 2022 թ․ նոյեմբերի 17-ին. Վերցված է 2022 թ․ նոյեմբերի 17-ին.
{{cite web}}: CS1 սպաս․ բազմաթիվ անուններ: authors list (link) - ↑ «Transforming Industries: From Film Editing to the Media Supply Chain» (ամերիկյան անգլերեն). Արխիվացված օրիգինալից 2022 թ․ նոյեմբերի 17-ին. Վերցված է 2022 թ․ նոյեմբերի 17-ին.
- ↑ «Google Patents / Thomas Ohanian». patents.google.com. Արխիվացված օրիգինալից 2022 թ․ նոյեմբերի 17-ին. Վերցված է 2022 թ․ նոյեմբերի 17-ին.
- ↑ Official Gazette of the United States Patent and Trademark Office: Patents. — U.S. Department of Commerce, Patent and Trademark Office, 1996. — 992 с.
Գրականություն[խմբագրել | խմբագրել կոդը]
- Thomas Ohanian, Natalie Phillips Digital Filmmaking. The Changing Art and Craft of Making Motion Pictures. — Taylor & Francis, 2013. — 368 с. — ISBN 9781136053542
- Thomas A. Ohanian The Making of a Motion Picture Editor. — Tablo Pty Limited, 2018. — 570 с. — ISBN 9781925819564
Արտաքին հղումներ[խմբագրել | խմբագրել կոդը]
|
