Թղթե քաղաքներ (վեպ)
Անվան այլ կիրառումների համար տե՛ս՝ Թղթե քաղաքներ (այլ կիրառումներ)
Թղթե քաղաքներ անգլ.՝ Paper Towns | |
|---|---|
.jpg) | |
| Հեղինակ | Ջոն Գրին |
| Տեսակ | գրական ստեղծագործություն |
| Ժանր | միստիկական գրականություն և դրամա |
| Բնօրինակ լեզու | անգլերեն |
| Նկարագրում է | Օռլանդո և Էգլոոու |
| Երկիր |  ԱՄՆ |
| Հրատարակիչ | Dutton |
| Հրատարակման տարեթիվ | հոկտեմբերի 16, 2008 |
| Կայք | johngreenbooks.com/paper-towns/(անգլ.) |
Թղթե քաղաքներ (անգլ.՝ Paper towns), ամերիկացի գրող Ջոն Գրինի վեպը։ Այն տպագրվել է 2008 թվականի հոկտեմբերի 16֊ին «Dutton Books»֊ի կողմից[1]։ Գլխավոր հերոսը Քվենթին Ջեյկոբսենն է, որը մանկուց սիրահարված է իր հարևանուհուն՝ Մարգո Ռոթ Շպիգելմանին։ Վեպում Քվենթինն ու իր ընկերներ Բենը, Ռադարը և Լեսլին անհետացած Մարգոյի թողած հետքերով բացահայտում են «իրական» Մարգոյին[2]։
Ջոն Գրինի մոտ միտք է առաջանում գրել այս վեպը իր` դեպի Հարավային Դակոտա կատարած ուղևորության ընթացքում[3]։
Ըստ «New York Times» ամսագրի` այն ամենաշատ վաճառված դեռահասների համար գրքերի ցանկում 5-րդն է[4]։ 2009 թվականին պարգևատրվել է որպես դեռահասների համար լավագույն վեպ։
Սյուժե
[խմբագրել | խմբագրել կոդը]Գործողությունները կատարվում են Միացյալ Նահանգների Ֆլորիդա նահանգի Օռլանդո քաղաքում։
Վեպը պատմում է հենց գլխավոր հերոս Քվենթինը։ Մարգոն և Քվենթինը հարևաններ են։ Փոքր տարիքում պատահաբար գտնում են Ռոբերտ Ջոյների դին։ Հետագայում պարզ է դառնում, որ Ռոբերտը ինքնասպան էր եղել։ Այս դեպքից հետո Մարգոն և Քվենթինը չեն հանդիպում։
Ավարտական երեկոյից մեկ ամիս առաջ ուշ երեկոյան Մարգոն Քվենթինի ննջարանի պատուհանից մտնում է սենյակ` դեմքին սև ներկով և սև հագուստով։ Աղջիկը վրեժի ծրագիր էր մշակել մի շարք մարդկանց համար, որոնք նրան ցավ էին պատճառել դպրոցական տարիներին։ Նա ինչ-որ մեկի կամ ավելի ճիշտ մեքենայի կարիք ուներ` իր ծրագիրն իրականացնելու համար։ Այդ պատճառով էլ Քվենթինից օգնություն է խնդրում, որը համաձայնում է[5]։
Նրանք նախ այցելում են մոտակա «Walmart» խանութ, որ գնեն ծրագրի իրականացման համար անհրաժեշտ իրերը։
Հետո սկսում են իրագործել ծրագիրը։ Առաջինն այցելում են Մարգոյի ընկերոջը՝ Ջեյսին, և լավագույն ընկերուհի Բեկկային։ Ջեյսը դավաճանում էր Մարգոյին, այդ պատճառով աղջիկն ուզում էր վրեժխնդիր լինել։ Այսպիսով, ըստ Մարգոյի ծրագրի, Քվենթինը զանգահարում է Բեկկայի հորը և հավաստիացնում, որ Ջեյսն այժմ գտնվում է իր դստեր սենյակում։ Րոպեներ անց մերկ Ջեյսը դուրս է վազում Բեկկայի առանձնատնից, իսկ Քվենթինը լուսանկարում է նրան այդ տեսքով։ Այնուհետև հերոսները գաղտնի ներխուժում են Բեկկայի տուն։ Պատին կապույտ ու մեծ «Մ» տառն են գրում և այդտեղ թողնում սատկած կատվաձուկ։
Հաջորդիվ այցելում են Մարգոյի մյուս ընկերուհի Կարինին։ Կարինը նա էր, ով ընկերուհուն հայտնում է ընկերոջ դավաճանության մասին։ Նրա տան դիմաց թողնում են մի փունջ ծաղիկներ[6]։
Ծրագրի մյուս կետին հետևելով` Քվենթինն ու Մարգոն ներխուժում են Ջեյսի տուն, այնտեղ թողնում մյուս սատկած կատվաձկանը և պատին թողնում «Մ» տառը։ Հետո գտնում են մյուս ընկերուհի Լեսլիի մեքենան, նստատեղի տակ դնում վերջին սատկած կատվաձուկը և մեքենայի տանիքին թողնում «Մ» տառը։
Ժամը 3 անց 15 րոպեին հերոսները ներխուժում են Սան Թրասթ բանկի ամենավերջին հարկը և հիանում Օռլանդո քաղաքի տեսարանով։ Այստեղ Մարգոն իր կարծիքն է հայտնում քաղաքի մասին` ասելով, որ այն կեղծ է ու ասես թղթից պատրաստված լինի[7]։
Երբ լքում են երկնաքերը, Մարգոն Քվենթինին հնարավորություն է տալիս վրեժ լուծել մեկից, ով իրեն անհանգստացրել է նախկինում։ Քվենթինն ընտրում է Չաք Փարսնին։ Նրանք մտնում են Չաքի տուն և զրկում նրան մի ունքից։
Հաջորդ առավոտ Քվենթինը դպրոցում չի հանդիպում Մարգոյին։ Ոչ էլ հաջորդ երկու օրերին։ Հայտնի է դառնում, որ աղջիկն անհետացել է։ Նախկինում Մարգոն ևս երեք անգամ փախել էր, այդ պատճառով նրա ծնողներն ավելի հիասթափված էին, քան անհանգիստ[8]։
Քվենթինն այն մեկն էր, ով վերջինն էր հանդիպել Մարգոյին։ Նա պատահաբար գտնում է մի շարք հուշող նշաններ, որոնք աղջիկը թողել է, և ընկերների օգնությամբ գտնում է Մարգոյին[9]։ Սակայն Մարգոն այդքան էլ չի ուրախանում, նա հայտնում է, որ ոչ մի նշան չի թողել և չի ցանկացել, որ իրեն գտնեն։ Ընկերները զղջում են, որ այդքան ժամանակ փնտրել են Մարգոյին և հեռանում են։ Քվենթինը հասկանում է, որ այն Մարգոն, որին ինքը սիրում էր, նույն մարդը չէ, որ կանգնած է իր առջև։ Երկար զրույցից հետո Մարգոն որոշում է գնալ Նյու Յորք[10]։
Կերպարներ
[խմբագրել | խմբագրել կոդը]- Քվենթին Ջեյկոբսեն` գլխավոր հերոս և պատմությունը պատմող։ Փոքր տարիքից ի վեր գաղտնի սիրահարված է հարևանուհի Մարգոյին։ Երբ Մարգոն անհետանում է, Քվենթինը գտնում է որոշ հետքեր, որոնք, ըստ նրա, Մարգոն է թողել, որ գտնի իրեն։ Սակայն երբ գտնում է աղջկան, պարզ է դառնում, որ Մարգոն դիտավորյալ չէր թողել այդ նշանները։ Քվենթինը հասկանում է, որ Մարգոն ֆանտաստիկ ու կատարյալ չէ, և իր մտքերի Մարգոն, որին այդքան սիրում էր, իրական չէ։
- Մարգո Ռոթ Շպիգելմանին` գլխավոր հերոսուհի։ Ցանկանում էր լքել այն քաղաքը, որտեղ ապրում էր, սակայն մինչ այդ վրեժ լուծել իրեն վնասած մարդկանցից։ Քվենթինի օգնությամբ վրեժխնդիր է լինում և հեռանում։
- Բեն Սթարլինգ` Քվենթինի ընկերներից մեկը։ Օգնում է Քվենթինին գտնել Մարգոյին։
- Մարկուս Լինկոլն` Քվենթինի մյուս ընկերը։ Նովելում բոլորը նրան Ռադար են անվանում։ Նրա ծնողները ունեին սև Սանտաների ամենամեծ հավաքածուն ամբողջ աշխարհում։
- Լեսլի Փեմբերթոն` Մարգոյի մտերիմ ընկերուհին։ Մարգոյին ճանաչում է մանկապարտեզից։ Նրանց ընկերությունը բավականին տարօրինակ է։ Նովելի սկզբում Մարգոն նկարազարդում է ընկերուհու մեքենան։ Սակայն, երբ ընկերուհին անհետանում է, Լեսլին նույնպես որոշում է փնտրել նրան։
Մեջբերումներ վեպից
[խմբագրել | խմբագրել կոդը]
|
Իմ գլուխը նույն հարթության վրա էր, ինչ Մարգոյինը, որը կանգնած էր ապակու այն կողմում։ Ես չեմ հիշում` ով առաջինը հեռացավ, այդ պահը չավարտվեց։ Մենք պարզապես մնացինք այդտեղ կանգնած, նայելով միմյանց, ընդմիշտ։ | 
|
|
|
Մարգոն գլուխը թեքեց և ժպտաց։ Նա գեղեցիկ էր նույնիսկ այն ժամանակ, երբ կեղծ էր ժպտում։ |
|
|
|
Թղթե տնակներում ապրում են թղթե մարդիկ, որոնք այրում են իրենց ներկան ապագայի համար։ |
|
|
|
Քաղաքը թղթից է, սակայն հիշողությունները ոչ։ Դրանք իրական են |
|
|
|
Եթե դու չես պատկերացնում, ոչինչ այդպես էլ տեղի չի ունենում։ |
|
Ոճ
[խմբագրել | խմբագրել կոդը]Վեպը կազմված է երեք մասից։ Այդ մասերի անուններն են՝ «Թելերը», «Խոտը» և «Նավը»։ Առաջին երկում մասերը բաժանված են ենթամասերի և համարակալված են, իսկ վերջինը մասնատված է փոքրիկ բաժինների` ժամերի։ Ամեն բաժին ներկայացնում է հերոսների ճանապարհի մի ժամը։
Էկրանավորում
[խմբագրել | խմբագրել կոդը]Ջոն Գրինի համանուն վեպի էկրանավորումն իրականացրել է «20th Century Fox»-ը։ Ֆիլմի ռեժիսորը Ջեյք Շրեյերն է[11]։
Գլխավոր դերակատարներն են Նեթ Ուոլֆն ու Կարա Դելևինը։
Ծանոթագրություններ
[խմբագրել | խմբագրել կոդը]- ↑ Siegel, Tatiana (2008 թ․ հոկտեմբերի 24). «Mandate, Mr.Mudd ready to roll 'Paper'». Վերցված է 2012 թ․ մարտի 14-ին.
{{cite journal}}: Cite journal requires|journal=(օգնություն) - ↑ Green, 2008, էջ 305
- ↑ Green, 2008, էջ 306
- ↑ «Best Sellers». New York Times. 2008 թ․ նոյեմբերի 2. Վերցված է 2010 թ․ մայիսի 21-ին.
- ↑ Green, 2008, էջ 2-30
- ↑ Green, 2008, էջ 31-46
- ↑ Green, 2008, էջ 57
- ↑ Green, 2008, էջ 57-85
- ↑ Green, 2008, էջ 85-239
- ↑ Green, 2008, էջ 279-305
- ↑ John Green (2014 թ․ սեպտեմբերի 4). «EXCITING ANNOUNCEMENT: The Paper Towns movie will be directed by the brilliant @jakeschreier, who previously made "Robot and Frank."». twitter.com. Վերցված է 2014 թ․ սեպտեմբերի 4-ին.