Թբիլիսիի տիկնիկային թանգարան

Վիքիպեդիայից՝ ազատ հանրագիտարանից
Jump to navigation Jump to search
Թբիլիսիի տիկնիկային թանգարան
Տեսակթանգարան
ԵրկիրFlag of Georgia.svg Վրաստան
ՏեղագրությունԹբիլիսի
Հիմնադրված է1937

Թբիլիսիի տիկնիկային թանգարան (վրացերեն՝ თბილისის თოჯინების მუზეუმი), մանկագիր և մանկավարժ Թինաթին Թումանիշվիլիի նախաձեռնությամբ 1937 թվականին հիմնադրված թանգարան։ Գտնվում է Թբիլիսիի Սոլոլակ թաղամասի Շավթելի փողոցում։

Պատմություն[խմբագրել | խմբագրել կոդը]

Թանգարանի առաջին հավաքածուի նվիրատուն հենց ինքը Թինաթինն է՝ տիկնիկներ, խաղալիքներ, տոհմական իրեր և գրադարան։ Այժմ թանգարանը կոչվում է նրա անունով։

Նախապես թանգարանը տեղակայված է եղել մանկապարտեզի երկու սենյակներում, այնուհետև՝ պիոներական պալատի շենքում։ 1990-ական թվականներին թանգարանը թալանվել է, և գերմանական, ֆրանսիական, շվեյցարական 24 տիկնիկ անհետացել են։ Շուրջ 15 տարի թանգարանն այցելուների համար փակ է եղել։ Այն վերաբացվել է 2008 թվականին[1]։

Հավաքածու[խմբագրել | խմբագրել կոդը]

Թանգարանի ֆոնդերում կան ավելի քան 3,000 ցուցադրություններ, որոնք ներառում են 19-20-րդ դարերի եվրոպական և ամերիկյան, հնդկական, չինական, ճապոնական տիկնիկներ և խաղալիքներ, վրացական գեղարվեստական և ժողովրդական տիկնիկներ, մեխանիկական և երաժշտական խաղալիքներ։ Հավաքածուի առանձնահատուկ մաս են կազմում գերմանացի արտիստների կողմից հատուկ թանգարանի համար պատրաստված տիկնիկները։

Միջոցառումներ[խմբագրել | խմբագրել կոդը]

Թանգարանում կազմակերպվում են ժամանակակից վրացի արվեստագետների ժամանակավոր ցուցահանդեսներ, արտասահմանյան ցուցահանդեսներ, նկարչության և պատմության դասընթացներ[2]։

Թանգարանում գործում է փոքրիկ տիկնիկային թատրոն և մանկապատանեկան արվեստի ստուդիա։

Ծանոթագրություններ[խմբագրել | խմբագրել կոդը]

  1. Tbilisi Puppet Museum(չաշխատող հղում)
  2. Puppet Museum