Թայվանի ազգային պարկեր
Թայվանի ազգային պարկեր, բնությամբ, կենդանական աշխարհով պաշտպանված տարածքներ։ Ներկայումս Թայվանում կա 9 ազգային պարկ, որոնք գտնվում են Ներքին գործերի նախարարության վարչակազմում։ Այս ազգային պարկերն ընդգրկում են 7489.49 քառ. կմ տարածք։ 3103.76 քառ. կմ կազմում է ընդհանուր ցամաքը կամ երկրի ամբողջ տարածքի շուրջ 8.6%-ը։
Առաջին ազգային պարկերը ստեղծվել են 1937 թվականին, երբ Թայվանը գտնվում էր ճապոնական իշխանության տակ։ Երկրորդ համաշխարհային պատերազմից հետո բնական միջավայրի պահպանումը կասեցվում է ինքնավար իշխանության պատճառով։ Ազգային պարկի մասին օրենքն ընդունվել է 1972 թվականին և վերջապես 1984 թվականին վերահահիմնադրվել են նոր ազգային պարկեր[1]։
Ազգային պարկերը չպետք է շփոթել ազգային տեսարժան վայրերի հետ։ Ազգային տեսարժան վայրերը կառավարվում են Տրանսպորտի և կապի նախարարության զբոսաշրջության բյուրոյի կողմից[2]։ Կան նաև տարբեր մարմիններ, որոնք վերհսկում են երկու տեսակի տարածքների զարգացումը։ Ազգային պարկի համար շեշտը դրվում է բնական ու մշակութային ռեսուրսների պահպանման վրա, իսկ մարդու օգտագործումը, անշուշտ, երկրորդային առաջնահերթություն է[2]։
Թայվանի ներկայիս ազգային պարկեր[խմբագրել | խմբագրել կոդը]
| Անուն | Տարածք | Հիմնադրման տարի | Նկարագրություն | Լուսանկար |
|---|---|---|---|---|
| Քենդին ազգային պարկ | 332.90 քառ. կմ, 180.84 քառ. կմ ցամաքից և 152.06 քառ. կմ ջրային միջավայրից | 1984 | Գտնվում է Թայվանի հարավային հատվածում։ Թայվանի ամենահին ազգային պարկն է։ Քենդին հայտնի է արևադարձային կորալային խութերով և չվող թռչուններով։ | 
|
| Յուշան ազգային պարկ | 1031.21 քառ. կմ (254817.5 ակր) | 1985 | Ամենամեծ ազգային պարկը թայվանական կղզու վրա։ Տեղակայված է կղզու կենտրոնական մասում։ Այստեղ է գտնվում Յուշան լեռը, որը ամենաբարձր գագաթն է Արևելյան Ասիա տարածաշրջանում։ | 
|
| Յանմինշան ազգային պարկ | 113.38 քառ. կմ (28016.8 ակր) | 1985 | Հյուսիսում գտնվող միակ ազգային պարկն է Թայվան կղզու վրա, ունի հրաբխային ձև։ Յանմինշան հայտնի է իր տաք աղբյուրներով և երկրաջերմային երևույթներով։ Այն ընդգրկում է Թայբեյ և Սինբեյ քաղաքների որոշ մասը։ | 
|
| Տարոկո ազգային պարկ | 920 քառ. կմ (227337.0 ակր) | 1986 | Հիանալի մարմարե կիրճ է, որով հոսում է Լի Վու գետը, ամենագեղեցիկ լանդշաֆտներից մեկն է աշխարհում։ Այն նաև տարոկո բնիկ ժողովուրդների հայրենիքն է։ Տարոկոն գտնվում է Թայվանի արևելյան մասում։ | 
|
| Շեյպա ազգային պարկ | 768.5 քառ. կմ (189900.5 ակր) | 1992 | Տեղակայված է Թայվան կղզու հյուսիսային հատվածում, Սինչժու և Մյաոլի շրջաններում։ Այստեղ է գտնվում Խյուշեն (Սպիտակ լեռ) լեռը, որը Արևելյան Ասիայի երկրորդ ամենաբարձր լեռն է։ | 
|
| Կինմեն ազգային պարկ | 35.29 քառ. կմ (8720.3 ակր) | 1995 | Կինմեն (Ցզինմինցյունդաո) պատմական մարտադաշտերը գտնվում են Չինաստանի հարևանությամբ։ Այն հայտնի է իր խոնավ էկոհամակարգերով և ավանդական Տուլոու կավե տներով, որոնք կառուցվել են Մին դինաստիայի օրոք։ | 
|
| Դոնգշա Ատոլլ ազգային պարկ | 3536.68 քառ. կմ (873932.7 ակր), ընդգրկում է ցամաքի 1.79 քառ. կմ | 2007 | Առաջին օվկիանոսային ազգային պարկը։ Ունի մոտավորապես 72 տեսակ էնդեմիկ բույսերի ու միջատների 125 տեսակ։ Կինմեն ազգային պարկի նման, այն ևս Թայվան կղզու վրա չէ։ Քանի որ այստեղ իրականացվում է խիստ պաշտպանություն, այժմ բաց չէ հանրային զբոսաշրջության համար։ | 
|
| Թայիան ազգային պարկ | 393.1 քառ. կմ (97137.1 ակր), 49.05 քառ. կմ ցամաքից և 344.05 քառ. կմ ջրային միջավայրից | 2009 | Գտնվում է Թայվանի հարավ-արևմուտքում, Թայնանի ափին։ Պարկի ծովաշարժային լանդշաֆտն իր ամենահայտնի առանձնահատկություններից մեկն է։ Մոտ 200 տարի առաջ պարկի մեծ մասը եղել է Թաիյան ծովում։ Այստեղ ծովային կյանքի հարուստ բազմազանություն կա. ներառյալ՝ 205 տեսակի խեցգետիններ, 240 տեսակի ձկներ ու 49 տեսակի ծովախեցգետիններ, որոնք բնակվում են Թայվանի հարավային ճահճուտներում։ | 
|
| Հարավային Պենխու ազգային պարկ | 358.44 քառ. կմ (88572.5 ակր) | 2014 | Տեղակայված է Պենխու շրջանի հարավային մասում։ Ծովերն առանձնանում են կորալների և ձկների բազմազանությամբ, ինչպես նաև խութերում ապրող խեցիներով։ Կղզյակները հայտնի են նաև բազալտային տարածքներով և եզակի տներով, որոնք տեղի բնակիչները կառուցել են բազալտից և կորալից[3]։ | .jpg)
|
Նախկին Ճապոնիայի ազգային պարկերը Թայվանում[խմբագրել | խմբագրել կոդը]
1937 թվականին Թայվանի նահանգապետ Սեյձո Կոբայաշին ստեղծել է երեք ազգային պարկեր.
| Անուն | Ճապոներեն | Նկարագրություն |
|---|---|---|
| Դայտոն ազգային պարկ | 大屯國立公園 | Այժմ՝ Յանմինշան ազգային պարկ |
| Նիտակա Արիսան ազգային պարկ | 新高阿里山國立公園 | Այժմ՝ Յուշան ազգային պարկ և Ալիշան ազգային տեսարժան վայր |
| Ցուգիտակա Տարոկո ազգային պարկ | 次高タロコ國立公園 | Այժմ՝ Տարոկո ազգային պարկ և Շեյպա ազգային պարկ |
Այս ազգային պարկերի վարչակազմը այլևս չի գործել Երկրորդ համաշխարհային պատերազմից հետո, այն բանից հետո, երբ Ճապոնիան 1945 թվականին նահանջեց Թայվանից։
Առաջարկվող ազգային պարկեր[խմբագրել | խմբագրել կոդը]
Հինգ այլ ազգային պարկեր առաջարկվեցին, սակայն ձևավորման ծրագրերը դադարեցվեցին ընդդիմության պատճառով։
- 馬告檜木國家公園 (Մագաո ազգային պարկ, ընդդիմացել են տեղաբնիկ ժողովուրդները)
- 能丹國家公園(Նեն-Դան ազգային պարկ, ընդդիմացել են բունուն ազգի ներկայացուցիչները)
- 蘭嶼國家公園 (Լան ազգային պարկ, ընդդիմացել են յամի ազգի ներկայացուցիչները)
- 綠島國家公園 (Կանաչ կղզի ազգային պարկ, ընդդիմացել են բնակիչները)
- 北方三島海洋國家公園（Երեք Հյուսիսային կղզյակներ ազգային պարկ）
Ներկայիս բնական ազգային պարկեր[խմբագրել | խմբագրել կոդը]
| Անուն | Տարածք | Հիմնադրման տարի | Նկարագրություն | Լուսանկար |
|---|---|---|---|---|
| Շուշան բնական ազգային պարկ | 11.23 քառ. կմ (2775.0 ակր) | 2011 | Գաոսյուն | 
|
Առաջարկվող ազգային բնական պարկ[խմբագրել | խմբագրել կոդը]
Մեկ այլ ազգային բնական պարկ առաջարկվեց, սակայն ձևավորման ծրագրերը դադարեցվեցին ընդդիմության պատճառով.
- 美濃國家自然公園 (Մեյնոնգ ազգային բնական պարկ, ընդդիմացել են որոշ բնակիչներ)
Ծանոթագրություններ[խմբագրել | խմբագրել կոդը]
- ↑ «Reference on Act Title from Kinmen Park website». Արխիվացված է օրիգինալից 2002 թ․ հոկտեմբերի 23-ին. Վերցված է 2018 թ․ հուլիսի 28-ին.
- ↑ 2,0 2,1 «Taiwan's National Scenic Areas: Balancing Preservation and Recreation». Academia Sinica. 1995 թ․ հունիսի 1.
- ↑ «Beauty of south Penghu islets on display at new national park». Central News Agency. 2014 թ․ հոկտեմբերի 18. Վերցված է 2014 թ․ հոկտեմբերի 21-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Թայվանի ազգային պարկեր կատեգորիայում։ |
 |
Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |