Թադևոս Տեր-Մեսրոպյան
Թադևոս Տեր-Մեսրոպյան | |
---|---|
Ծնվել է | հունիսի 25, 1945 (78 տարեկան) |
Կրթություն | Երևանի պետական գեղարվեստա-թատերական ինստիտուտ |
Մասնագիտություն | նկարիչ |
Անդամակցություն | ԽՍՀՄ նկարիչների միություն |
Հայր | Գրիգոր Տեր-Մեսրոպյան |
Թադևոս Գրիգորի Տեր-Մեսրոպյան (հունիսի 25, 1945), հայ նկարիչ։ ԽՍՀՄ նկարիչների միության անդամ (1988)[1]։
Կենսագրություն[խմբագրել | խմբագրել կոդը]
Ծնվել է 1945 թվականի հունիսի 25-ին, Երևանում, ՀԽՍՀ վաստակավոր երկրաբան Գրիգոր Տեր-Մեսրոպյանի ընտանիքում։ 1967-1968 թվականներին սովորել է Ռիգայի գեղարվեստի ակադեմիայի նախապատրաստական դասընթացներում։ 1974 թվականին ավարտել է Երևանի պետական գեղարվեստաթատերական ինստիտուտը՝ ստանալով դիզայների մասնագիտություն։ 1985-1994 թվականներին եղել է Հայաստանի նկարիչների միության ստեղծագործական բաժանմունքների վարիչ։ 1987-1989 թվականներին եղել է նկարիչների տան «Սենեժ» ստեղծագործական խմբի (Մոսկվայի մարզ) մասնակից[1]։
2003-2005 թվականներին դասախոսել է Մոսկվայի արվեստի պետական մասնագիտացված ինստիտուտում։ 2018 թվականին արժանացել է կերպարվեստի պրոֆեսորի գիտական կոչման[1]։
Ցուցահանդեսներ[խմբագրել | խմբագրել կոդը]
- Ջրաներկի 1-ին հանրապետական ցուցահանդես, Երևան, «Բջնի» (ջրաներկ, 30/23, 1980), 1981,
- «Մշակույթի վարպետները հանուն խաղաղության» հանրապետական ցուցահանդես, Երևան, «Հայրենի լեռներ» (տուշ, 27/39, 1984), 1986,
- Հոկտեմբերի 70-ամյակին նվիրված հանրապետական հոբելյանական ցուցահանդես, Երևան, «Արագածը ձմռանը» ( տուշ, 21.11.1986), 1987,
- Համամիութենական ցուցահանդես՝ նվիրված հոկտեմբերի 70-ամյակին, Մոսկվա, «Արագածը գարնանը» (տուշ, 21.12.1987), 1987,
- «Պատմության խաչմերուկում» հանրապետական ցուցահանդես, Երևան, «Երկիր Հայաստան» (օֆորտ, 24/24, 1988), 1988,
- Խորհրդային բանակի 70-ամյակին նվիրված հանրապետական հոբելյանական ցուցահանդես, Երևան, «Ներբող զորահրամանատար Գային» (փորագրություն, փափուկ լաք, ակվատին, 32/39, 1988), 1988,
- «Հայաստանի գիտության և մշակույթի գործիչները կերպարվեստում» ցուցահանդես Բուդապեշտ, «Երկիր Հայաստան» (օֆորտ, 24/24, 1988), 1988,
- «Մեկ աշխատանք» հանրապետական ցուցահանդես, Երևան, «Հայաստան, 7 դեկտեմբերի, 1988 (սերոգրաֆիա, 80/100, 1989), 1989,
- Աշխատանքների անհատական ցուցահանդես, Հայաստանի նկարիչների միություն, Երևան, 1990,
- Մասնակցություն 1988 թվականի երկրաշարժից տուժած Հայաստանի բնակիչների օգնության հիմնադրամ բարեգործական ցուցահանդեսին, Ժնև, 1990,
- Հայոց ցեղասպանության 75-րդ տարելիցին նվիրված հանրապետական ցուցահանդես, Երևան։ «Ողբերգություն» (սերիգրաֆիա, 80/100, 1989), 1990,
- Անհատական ցուցահանդես «Արվեստ» ամսագրի խմբագրությունում, Երևան, 1993,
- Տեր-Մեսրոպյան եղբայրների ցուցահանդես՝ նվիրված 1915 թվականի Հայոց ցեղասպանության 80-րդ տարելիցին։ Նկարիչների կենտրոնական տուն, Մոսկվա, 1995,
- Աշխատանքների անհատական ցուցահանդես Մոսկվայի երկաթուղայինների կենտրոնական տանը, 1998,
- Անհատական ցուցահանդես Մոսկվայի «Ռոսլին» պատկերասրահում, 2005
- Անհատական ցուցահանդես Մարշալ Գ. Կ. Ժուկովի թանգարանում, Կալուգայի մարզ, Ժուկով քաղաք, 2005,
- Շուշի քաղաքի ազատագրմանը նվիրված ցուցահանդես, «Երևանի պետական պատկերասրահ», «Մետամորֆոզ» (կտավ/յուղաներկ, 100/80, 2006), 2007,
- Մեկ աշխատանքի ցուցահանդես, «Աքսորյալ» («Պանդուխտ») (սերիագրություն, 18/28, 1988), 2008,
- Հայոց ցեղասպանության 95-րդ տարելիցին նվիրված հանրապետական ցուցահանդես-մրցույթ, Երևան «Հույսի լույս», սերիագրություն, վիմագրություն 70x70, 2010,
- «Մեկ աշխատանք» հանրապետական ցուցահանդես Երևան «Կոսմոս» ստվարաթուղթ/յուղաներկ 50x40 2012,
- «Բարեկամության կամուրջ» անհատական ցուցահանդեսը, կազմակերպվել է Գիտության և մշակույթի ռուսական կենտրոնի կողմից, Հայաստան, 2013, «Ռոսհամագործակցության» ներկայացուցչության և Ռուսաստանի Դաշնության պաշտպանության նախարարության կրթության վարչության կողմից, № 19 ռուսական դպրոցի շենք, Գյումրի, 2013,
- «Հավերժություն» միջազգային ցուցահանդես՝ «Հայաստան», Մոսկվա, 2014,
- Միջազգային ցուցահանդես «Մահվան առեղծվածը» եռածալ նկար «Հույս», Խառը տեխնիկա, Մոսկվա, 2015,
- Համատեղ ցուցահանդես կնոջ և դստեր հետ «Ընտանիքի խոստովանությունը», Երևան, Մոսկվայի տուն, 2016,
- «Ակունքներից դեպի ապագա» խմբակային ցուցահանդես, Հայաստանի նկարիչների միություն, 2016,
- «Բարեկամության կամուրջ» ցուցահանդես դստեր՝ Սուսաննա Խանամիրյանի (Տեր-Մեսրոպյան) հետ («Մոսրենգեն» կուլտուրայի տուն, Մոսկվա), 2016,
- «Բարեկամության կամուրջ» ցուցահանդես դստեր՝ Սուսաննա Խանամիրյանի (Տեր-Մեսրոպյան) հետ («Դիզայներների միություն» միջազգային ասոցիացիայի սրահներում, Մոսկվա), 2016,
- «Արահետ» խմբակային ցուցահանդես, Հայաստանի նկարիչների միություն, 2017,
- Համատեղ ցուցահանդես դստեր հետ Հայաստանի բնության թանգարանում, 2017։
Ձեռքբերումներ[խմբագրել | խմբագրել կոդը]
- Պրոֆեսոր (կերպարվեստի մասնագիտության գծով, 2018)[1],
- «Դիզայներների միություն» միջազգային ասոցիացիայի անդամ (2014)[1],
- ԽՍՀՄ նկարիչների միության անդամ (1988)[1],
- Կիրառական արվեստի միության անդամ[1]։
Ընտանիք[խմբագրել | խմբագրել կոդը]
- Հայր՝ Գրիգոր Թադևոսի Տեր-Մեսրոպյան (1910, Կարս - 1977 - Երևան), ՀԽՍՀ վաստակավոր երկրաբան,
- Մայր՝ Մարկարյան Հռիփսիմե Պարույրի (1923, Լենինական - 2010, Երևան), երաժիշտ,
- Եղբայր՝ Արմեն Գրիգորի Տեր-Մեսրոպյան, ԽՍՀՄ Ժուռնալիստների միության անդամ,
- Որդի՝ Գրիգոր Թադևոսի Տեր-Մեսրոպյան, նկարիչ բեմադրող, ռուսական բազմաթիվ ֆիլմերի դերասան («Արջի անկյուն», «Իմ մայրիկը հարսնացու է» և այլն),
- Դուստր՝ Սուսաննա Թադևոսի Խանամիրյան, նկարիչ։