Ընտանեկան դիմանկար (նկար)
![]() | |
տեսակ | գեղանկար |
նկարիչ | Յակոբ Յորդանս[1] |
տարի | 1650 |
բարձրություն | 178,4 սանտիմետր[2] |
լայնություն | 152,3 սանտիմետր[2] |
ստեղծման վայր | Ֆլանդրիա[2] |
ժանր | խմբակային դիմանկար |
նյութ | յուղաներկ[2] և կտավ[2] |
գտնվում է | Պետական Էրմիտաժ |
հավաքածու | Պետական Էրմիտաժ |
կայք | |
Ծանոթագրություններ |
«Ընտանեկան դիմանկար» (անգլ.՝ Portrait of a Family), ֆլամանդացի նկարիչ և փորագրող, բարոկկոյի կարկառուն ներկայացուցիչ Յակոբ Յորդանսի նկարը։ Հեղինակը կտավը վրձնել է 1650 - 1652 թվականներն ընկած ժամանակահատվածում։ Յուղաներկով կտավի չափերն են՝ 178,4 × 152,3 սմ։
Այսօր «Ընտանեկան դիմանկար» ստեղծագործությունը պահպանվում և ցուցադրվում է Էրմիտաժում (Սանկտ Պետերբուրգ, Ռուսաստան)։
Նկարագիր
[խմբագրել | խմբագրել կոդը]Կտավի կենտրոնում պատկերված է կին՝ ճոխ հանդերձանքով։ Կինը հենված է իրեն գրկած տղամարդուն։ Աջ կողմում պատկերված կինը նման է գլխավոր հերոսուհուն, ըստ երևույթին նրանք քույրեր են։
Ըստ ժամանակակից արվեստաբանների՝ նկարն իրենից ներկայացնում է նշանադրության կամ ամուսնության այլաբանական ներկայացում։ Դա է վկայում պատկերված Էրոսը՝ նետը ձեռքին, որն ուղղված է դեպի կնոջ կուրծքը։ Նկարի ֆոնի ձախ կողմում վրձնած մեխակները դեռևս հին ժամանակներից խորհրդանշում են պսակադրությունը։ Դրասանգները ավանդաբար համարվում են մաքրության և առաքինության խորհրդանիշը։ Կնոջ ձեռքին կանգնած թութակը խորհրդանշում է ամուսնության հավատարմությունը[3]։
Ստեղծման պատմություն
[խմբագրել | խմբագրել կոդը]«Ընտանեկան դիմանկար» ստեղծագործությունը ստեղծվել է 1650-ական թվականների սկզբին։ Հետո այն մնացել է նկարչի որդուն։ Հետո այն պատկանել է պրուսացի առևտրական Յոհան Գոցկովսկուն, որը 1764 թվականին՝ պարտքի դիմաց Եկատերինա II կայսրուհուն է տալիս գեղանկարների իր հավաքածուն, որոնց թվում էր նաև այս կտավը։ Արդյունքում «Ընտանեկան դիմանկար» ստեղծագործությունը համարվեց ապագա Էրմիտաժի առաջին նկարներից մեկը[4]։
Երբ կտավը հասավ Սանկտ Պետերբուրգ՝ Էրմիտաժում կարծում էին, որ այն Յորդանսի ընտանիքի դիմանկարն է։ 1902 թվականին հրատարակվել է պատկերասրահի քարտագրացուցակը, որը կազմել էր Անդրեյ Սոմովը։ Այդ կատալոգում նկարը նշվել է որպես «Ընտանեկան դիմանկար»[5], իսկ հետո նաև «Այլաբանական ընտանեկան դիմանկար»[6], որպեսզի չշոփոթեն Յորդանսի մեկ այլ՝ «Ինքնադիմանկար ծնողների, եղբայրների և քույրերի հետ» կտավի հետ, որը նույնպես կոչում են «Ընտանեկան դիմանկար»։
Ծանոթագրություններ
[խմբագրել | խմբագրել կոդը]- ↑ https://rkd.nl/explore/images/8200
- ↑ 2,0 2,1 2,2 2,3 2,4 https://www.hermitagemuseum.org/wps/portal/hermitage/digital-collection/01.+Paintings/48173/
- ↑ Бабина Н. П., Грицай Н. И. Фламандская живопись XVII—XVIII веков. Каталог коллекции. — СПб.: Изд-во Государственного Эрмитажа, 2005. — С. 216—217.
- ↑ Левинсон-Лессинг В. Ф. История картинной галереи Эрмитажа (1764—1917). — Л.: Искусство, 1986. — С. 53—54.
- ↑ Сомов А. Императорский Эрмитаж. Каталог картинной галереи. Ч. 2: Нидерландская и немецкая живопись. — СПб., 1902.
- ↑ Государственный Эрмитаж. — Йорданс, Якоб. «Аллегорический семейный портрет».
Արտաքին հղումներ
[խմբագրել | խմբագրել կոդը]- Էրմիտաժի պաշտոնական կայք (ռուսերեն) (անգլերեն)
|