Էպիքական լուսաբաց (Եղիշե Չարենց)

Էպիքական լուսաբաց
Հեղինակ	Եղիշե Չարենց
Տեսակ	գրական ստեղծագործություն
Բնօրինակ լեզու	հայերեն
Հրատարակման տարեթիվ	1930
Վիքիդարան	Էպիքական լուսաբաց

Էպիքական լուսաբաց հայ բանաստեղծ, գրող Եղիշե Չարենցի բանաստեղծությունների շարքը, որն առաջին անգամ ամբողջությամբ հրատարակվել է առանձին գրքով՝ 1930 թվականին Պետհրատում (Երևան^[1])։

Նկարագրությւն[խմբագրել | խմբագրել կոդը]

1930 թվականին հրատարակած առանձին գրքույկի վերնագիրը եղել է «էպիքական լուսաբաց, Երկերի ժողովածու, գիրք V»։ Հեղինակը գիրքը նվիրել է վաղամեռիկ կնոջը՝ Արփենիկ Չարենցին^[2]։

«Նվիրում եմ այս գիրքս հիշատակին կնոջս, ընկերոջս, հերոսական բարեկամիս՝ Արփենի Չարենցի (Տեր-Աստվածատրյան)

Վախճանված 1927 թվի հունվարի 1-2-ի գիշերը Երևանի առաջին հիվանդանոցում։

Ե․Զ․»

1929․ X. Լենինգրադ

«էպիքական լուսաբաց» շարքը զետեղվել է Չարենցի Երկերի ժողովածուի IV հատորում, որտեղ գրքի սկզբից ավելացրել է «Մուսայիս» («Նախ՝ աղջիկ էիր դու մի հասարակ») բանաստեղծությունը։ Հեղինակը գրքի ընդհանուր բնաբան է վերցրել ռուս բանաստեղծ, գրական-հասարակական գործիչ է Նիկոլայ Նեկրասովի (1821-1877) «Երազ» (Сон—1877) բանաստեղծությունից^[3]։

Ժողովածուի մեջ տեղ են գտել Չարենցի 1927-1930 թվականների գրած աշխատությունները։