Էհսան Հաջսաֆի

Վիքիպեդիայից՝ ազատ հանրագիտարանից
Էհսան Հաջսաֆի
Անձնական տվյալներ
Քաղաքացիությունը Իրան Իրան
Ծննդյան ամսաթիվ փետրվարի 25, 1990(1990-02-25)[1][2][3] (34 տարեկան)
Ծննդավայր Քաշան, Սպահանի նահանգ, Իրան
Հասակ 176 սմ
Քաշ 74 կգ
Դիրք

պաշտպան

կիսապաշտպան
Ակումբային տեղեկություններ
Ներկա ակումբ Հունաստան Օլիմպիակոս (Պիրեյ)
Համար 28
Պատանեկան կարիերա
2000-2006 Իրան Զոբ Ահան
2006-2007 Իրան Սեպեհան
Մասնագիտական կարիերա*
Տարի Ակումբ Խաղ (Գոլ)
2007-2015 Իրան Սեպեհան 260 (32)
2011-2012 → Իրան Տրակտոր Սազի 46 (9)
2015-2016 Գերմանիա Ֆրանկֆուրտ 27 (2)
2016-2017 Իրան Սեպեհան 25 (5)
2017-2018 Հունաստան Պանիոնիոս 14 (1)
2018-մ.հ. Հունաստան Օլիմպիակոս (Պիրեյ) 6 (1)
Ազգային հավաքական
2005-2006 Իրան Իրան (մինչև 17) 6 (2)
2007-2008 Իրան Իրան (մինչև 20) 8 (2)
2007-2011 Իրան Իրան (մինչև 23) 12 (1)
2008-մ.հ. Իրան Իրան 94 (6)
* Մասնագիտական կարիերայում ընդգրկված են միայն առաջնության խաղերը և գոլերը:

Էհսան Հաջսաֆի (պարս․ احسان حاج‌صفی‎, 1990 թվական, փետրվարի 25, Կաշան, Իրան), իրանցի ֆուտբոլիստ, հունական «Օլիմպիակոս» ակումբի պաշտպան։ Իրանի ֆուտբոլի ազգային հավաքականի ֆուտբոլիստ, որի կազմում անցկացրել է ավելի քան 80 հանդիպում։ 2014 և 2018 թվականների աշխարհի առաջնությունների մասնակից, ինչպես նաև Ասիայի գավաթի 2011 և 2015 թվականների խաղարկության մասնակից։ Հանդես է գալիս ձախ պաշտպանի և կիսապաշտպանի դիրքերում, ինչպես նաև կարող է հանդես գալ, որպես կենտրոնական պաշտպան։

Կարիերա[խմբագրել | խմբագրել կոդը]

Հաջսաֆին ծնվել է 1990 թվականի փետրվարի 25-ին Կաշան քաղաքում։ 2000 թվականին նա սկսում է հանդես գալ «Զոբ Ահան» երիտասարդական ակումբի կազմում, իսկ 2006 թվականին տեղափոխվում է «Սեպահան»։ Ակումբի գլխավոր մազիչ Լուկա Բոնաչիչը նկատել էր Հաջսաֆիին, երբ նա հանդես էր գալիս երիտսարդական ակումբի կազմում և կնքել էր նրա հետ պայմանագիր[4][5]։ 2007 թվականին Հաջսաֆին դարձել է «Սեպահան» ակումբի հիմնական կազմի ֆուտբոլիստ։ 2006-07 թվականների մրցաշրջանում վերջինս Իրանի առաջնության շրջանակներում մասնակցում է 8 հանդիպման, իսկ 2007-08 թվականների մրցաշրջանում անցկացնում է 32 հանդիպում, որոնց շրջանակներում հեղինակում է 6 գոլ։ Բացի դրանից նա «Սեպահանի» կազմում մասնակցում է Աշխարհի ակումբային առաջնության շրջանակներում անցկացրած երկու խաղերին[6]։

Չորս մրցաշրջան անընդմեջ Հաջսաֆին հանդիսացել է «Սեպահանի» հիմնական կազմի ֆուտբոլիստ, 2009-10 և 2010-11 թվականների մրցաշրջանում ակումբի հետ միասին դարձել է Իրանի չեմպիոն։ 2009 թվականին Goal.com կայքը Հաջսաֆիին ճանաչում է, որպես Իրանի ամենախոստումնալից ֆուտբոլիստ։ 2011 թվականի ամռանը Հաջսաֆին վարձավճարային հիմունքներով համալրում է «Տրակտոր Սազի» ակումբի կազմը[5]։ Այստեղ նրան հրավիրել էր թիմի գլխավոր մարզիչ Ամիր Գալենոյին, որի գլխավորության տակ Հաջսաֆին «Սեպահանի» կազմում անցկացրել էր երկու մրցաշրջան։ 2011-12 թվականների մրցաշրջանում «Տրակտորը» Իրանի առաջնությունում զբաղեցնում է երկրորդ հորիզոնականը, որն ակումբի պատմության մեջ լավագույն արդյունքն էր։ Հաջորդ մրցաշրջանում ակումբը կրկին նույն կերպով հաջողության է հասնում, սակայն մրցաշրջանի միջնամասից սկսած Հաջսաֆին արդեն հանդես էր գալիս «Սեպահանի» կազմում[5]։

2012-13 թվականների մրցաշրջանում Հաջսաֆին «Սեպահանի» հետ միասին հաղթանակ է տանում Հազֆիի գավաթի խաղարկությունում, իսկ մրցաշրջանի ավարտին նա ակումբի հետ երկու տարի ժամկետ ունեցող պայմանագիր է կնքում[7]։ 2014 թվականի օգոստոսին իրանցուն փորձում է ձեռք բերել անգլիական «Ֆուլհեմը», սակայն նրա տեղափոխությունը այդպես էլ տեղի չի ունենում[8]։ Դրանից հետո Հաջսաֆին ևս մեկ մրցաշրջան է անցկացնում «Սեպահանի» կազմում և իր կարիերայի մեջ արդեն երրորդ անգամ հաղթանակ է տանում ազգային առաջնությունում։

2015 թվականի օգոստոսի 30-ին Հաջսաֆին համալրում է երկրորդ Բունդեսլիգայում հանդես եկող «Ֆրանֆուրտի» կազմը, որի հետ կնքում է երկու տարի ժամկետ ունեցող պայմանագիր։ Ֆուտբոլիստի ծառայություններով սկսում է հետաքրքրվել նաև «Բոխում» ակումբը[9]։ 2015-16 թվականների մրցաշրջանում Հաջսաֆին «Ֆրանկֆուրտի» կազմում անցկացնում է 28 հանդիպում և դառնում է երկու գոլի հեղինակ, սակայն մրցաշրջանի արդյունքներով ակումբը դուրս է մնում երկրորդ Բունդեսլիգայից, ինչից հետո Հաջսաֆիի պայմանագիրը խզվում է։ 2016 թվականի հուլիսին Էհսանը վերադառնում է «Սեպահան»՝ ակումբի հետ կնքելով մեկ տարի ժամկետ ունեցող պայմանագիր[10]։

2017 թվականի հունիսին Հաջսաֆին պայմանագիր է կնքում հունական «Պանիոնիոս» ակումբի հետ, որի հետ նա բանակցությունների մեջ էր դեռևս մեկ տարի առաջ, սակայն դրանից առաջ ակումբը ուներ ֆինանսական խնդիրներ ինչի պատճառով տեղափոխությունը տեղի չէր ունենում[11][12]։ Հուլիսին Էհսանը կատարում է իր նորամուտը եվրոգավաթներում՝ ՈՒԵՖԱ գավաթի խաղարկության շրջանակներում երեք խաղի մասնակցելով։ Առաջնության առաջին կեսում Հունաստանի առաջնությունում նա մասնակցում է 14 հանդիպման և դառնում է մեկ գոլի հեղինակ։ 2018 թվականի հունվարի 2-ին Հաջսաֆին համալրում է «Օլիմպիակոսի» կազմը 600 հազար եվրոյի դիմաց։ Իրանցու անձնական պայմանագիրը կնքված էր երեք տարի ժամկետով[13]։

Միջազգային կարիերա[խմբագրել | խմբագրել կոդը]

2005 թվականին Հաջսաֆին կատարում է իր նորամուտը Իրանի պատանեկան հավաքականի կազմում։ Այս հարթակում նա անցկացնում է վեց հանդիպում և դառնում է երկու գոլի հեղինակ։ 2007-2011 թվականների ընթացքում Հաջսաֆին ընտելանում է երկրի երիտասարդական հավաքականին։ Երիտասարդական հավաքականի կազմում Հաջսաֆին մասնակցություն է ունենում 2010 թվականի ասիական խաղերին, որում իրանցիները զբաղեցնում են չորրորդ հորիզոնականը[14]։ Ընդհանուր հաշվով երիտասարդական հարթակում Էհսանը անցկացրել է 20 հանդիպում և դարձել է 3 գոլի հեղինակ։

2008 թվականի մայիսի 25-ին 18 ամյա Հաջսաֆին իր նորամուտն է կատարում Իրանի ազգային հավաքականի կազմում։ Նորամուտային խաղն է դառնում Զամբիայի ազգային հավաքականի դեմ կայացած ընկերական խաղը, որում իր կատարած երկու գոլային փոխանցումների միջոցով օգնում է հավաքականին հաղթել 3-2 հաշվով[6]։ 2008 թվականի օգոստոսի 11-ին Հաջսաֆին հեղինակում է իր առաջին գոլը հավաքականի կազմում։ Այդ դեպքը տեղի է ունենում Արևմտյան Ասիայի ֆուտբոլի ֆեդերացիայի առաջնության շրջանակներում Քատարի ազգային հավաքականի դեմ կայացած խաղում, որն ավարտվում է Իրանի ազգային հավաքականի 6-1 հաշվով հաղթանակով[15]։ Մրցաշարի եզրափակչում Իրանի ազգային հավաքականը նույնպես հաղթանակ է տանում[16]։

Հաջսաֆին հանդես է եկել ազգային հավաքականի կազմում 2011 թվականի Ասիայի գավաթի խաղարկության շրջանակներում[17]։ Իրանցիները հասնում են մինչև քառորդ եզրափակիչ, որտեղ զիջում են Կորեայի Հանրապետության ազգային հավաքականին։ Էհսանը մասնակցություն է ունենում այդ մրցաշարում իր թիմի անցկացրած չորս խաղերին։

Հաջսաֆին ընդդեմ Լիոնել Մեսսիի 2014 թվականի ֆուտբոլի աշխարհի առաջնության շրջանակներում

2014 թվականի հունիսին Իրանի ազգային հավաքականի գլխավոր մարզիչ Կառլուշ Կեյրուշը Հաջսաֆիին հայտավորում է թիմի կազմ Բրազիլիայում կայանալիք աշխարհի առաջնության շրջանակներում մասնակցություն ունենալու նպատակով[18]։ Մրցաշարում Էհսանը թիմի հիմնական կազմի ֆուտբոլիստներից էր և նա մասնակցում է խմբային փուլի բոլոր երեք խաղերին։ Չնայած Իրանի ազգային հավաքականի անհաջող ելույթների, Հաջսաֆին լավ խաղ է ցուցադրում Արգենտինայի ազգային հավաքականի դեմ կայացած խաղում, որը այդ առաջնությունում հասնում է մինչև եզրափակիչ[19]։

2015 թվականի Ավստրալիայում անցկացվող Ասիայի գավաթի խաղարկության շրջանակներում Հաջսաֆին մասնակցում է խմբային փուլի երկու խաղերին, ինչպես նաև մասնակցում է Իրաքի ազգային հավաքականի դեմ քառրորդ եզրափակչում կայացած խաղին, որում նրանք ետխաղյա 11 մետրանոց հարվածաշարի արդյունքում զիջում են նրանց[20]։ Այս մրցաշարում նա աչքի է ընկնում հեղինակած մեկ գոլով[21]։

2017 թվականի օգոստոսին Իրանի ֆուտբոլի ֆեդերացիան ցմահ որակազրկում է Հաջսաֆիին ազգային հավաքականի կազմում հանդես գալու հարցով, այն բանի համար, որ Եվրոպայի Լիգայի շրջանակներում նա հանդես էր եկել «Մաքաբիի» դեմ կայացած խաղին։ Իրանը արգելում է մրցել իսրայելցիների դեմ[22]։ Նույն ամսում Հաջսաֆին սոցիալական ցանցերի միջոցով ներողություն է խնդրում տեղի ունեցածի համար, ինչից հետո ֆուտբոլի ֆեդերացիան թույլ է տալիս նրան վերադառնալ ազգային հավաքականի կազմ[23]։

2018 թվականի աշխարհի առաջնության շրջանակներում Հաջսաֆին մասնակցում է խմբային փուլի շրջանակներում իր հավաքականի անցկացրած բոլոր երեք խաղերին։

Խաղաոճ[խմբագրել | խմբագրել կոդը]

Հաջսաֆին ունիվերսալ ֆուտբոլիստ է, որն ընդունակ է հանդես գալ տարբեր դիրքերում։ Կարիերայի սկզբում նա հանդես էր գալի կենտրոնական կիսապաշտպանի դիրքում, կատարում է փլեյմեյքերի պատրականությունները և իրանական մամուլում համեմատվում է Իսպանիայի ազգային հավաքականի ֆուտբոլիստ Սեսկ Ֆաբրեգասի հետ։ Ավելի ուշ Էհսանը տեղափոխվում է կիսապաշտպանության ձախ եզր, իսկ ներկա պահին մեծապես հանդես է գալիս եզրային պաշտպանի դիրքում[6]։

Հաջսաֆին աչքի է ընկնում է իր բարձր ֆուտբոլային ինտելեկտով, որոշումներ կատարելու, ստեղածագործելու և խաղը լավ պատկերացնելու կարողություններով։ Նա նաև օժտված է լավ արագությամբ և տիրապետում է լավ դրիբլինգի, որը թույլ է տալիս վերջինիս միանալ խաղին եզրից և հասնցել գրոհը իր նպատակին։ Էհսանը ունի տեխնիկական վարպետության բարձր մակարդ, տիրապետում է լավ հարվածների, ինչի շնորհիվ էլ իրացնում է տուգանային հարվածները։ Նաև Հաջսաֆին կարող է երկար նետում կատարել եզրային խաղարկումների ժամանակ[6]։

Հաջսաֆիի ֆիզիկական տվյալները նրա թերությունն են։ Գաբարիտային ֆուտբոլիստների, հատկապես մեծահասակ կենտրոնական պաշտպանների հետ նա դժվարանում է պայքարել։ Նաև նա խնդիրներ ունի պաշտպանվելիս, հատկապես, երբ պահանջվում է անհատական վերահսկողություն սահմանել մրցակից թիմի կոնկրետ ֆուտբոլիստի վրա[6]։

Ծանոթագրություններ[խմբագրել | խմբագրել կոդը]

  1. ↑ Transfermarkt.com(բազմ․) — 2000.
  2. ↑ FBref.com(բազմ․)
  3. ↑ As (իսպ.) — Madrid: Grupo Prisa, 1967. — ISSN 1888-6671
  4. ↑ «احسان حاج صفي مي‌گويد تيم ملي ايران با جام قهرماني برمي‌گردد» (պարսկերեն). جام جم آنلاین. 2010 թ․ դեկտեմբերի 14. Վերցված է 2018 թ․ հունվարի 20-ին.
  5. ↑ 5,0 5,1 5,2 Soltani, Hossein. (2013 թ․ ապրիլի 2). «Ehsan Hajsafi Returned to Sepahan» (անգլերեն). Pars Herald. Վերցված է 2018 թ․ հունվարի 20-ին.
  6. ↑ 6,0 6,1 6,2 6,3 6,4 «Player to Watch - Ehsan Hajsafi - The Iranian Cesc Fabregas» (անգլերեն). Persian League. 2010 թ․ դեկտեմբերի 30. Վերցված է 2018 թ․ հունվարի 20-ին.
  7. ↑ «Iranian midfielder Hajisafi linked with move to Greece's Panionios club» (անգլերեն). PressTV. 2017 թ․ հունիսի 20. Արխիվացված է օրիգինալից 2018 թ․ հունվարի 21-ին. Վերցված է 2018 թ․ հունվարի 20-ին.
  8. ↑ «Fulham Reportedly Close to Signing Iranian Ehsan Hajsafi» (անգլերեն). Tasnim News Agency. 2014 թ․ օգոստոսի 27. Վերցված է 2018 թ․ հունվարի 20-ին.
  9. ↑ Ali Khan, Farhad. (2015 թ․ օգոստոսի 31). «Official: FSV Frankfurt sign up Ehsan Hajsafi» (անգլերեն). Persian Football. Վերցված է 2018 թ․ հունվարի 21-ին.
  10. ↑ «Ehsan Hajsafi Joins Iran's Sepahan Football Team» (անգլերեն). Tasnim News Agency. 2016 թ․ հուլիսի 31. Վերցված է 2018 թ․ հունվարի 21-ին.
  11. ↑ Ali Khan, Farhad. (2016 թ․ հուլիսի 6). «Ehsan Haji Safi set to join Panionios» (անգլերեն). Persian Football. Վերցված է 2018 թ․ հունվարի 21-ին.
  12. ↑ «Haji Safi reaches agreement with Panionios» (անգլերեն). Persian League. 2017 թ․ հունիսի 24. Վերցված է 2018 թ․ հունվարի 21-ին.
  13. ↑ Nicolaides, Shaun. (2018 թ․ հունվարի 2). «Experienced Iranian Ehsan Hajsafi signs for Olympiacos» (անգլերեն). AGONA Sport. Արխիվացված է օրիգինալից 2018 թ․ հունիսի 30-ին. Վերցված է 2018 թ․ հունվարի 21-ին.
  14. ↑ «Asian Games: Korea Republic - Iran, 25 November 2010» (անգլերեն). FIFA.com. 2010 թ․ նոյեմբերի 25. Արխիվացված է օրիգինալից 2018 թ․ հունվարի 23-ին. Վերցված է 2018 թ․ հունվարի 22-ին.
  15. ↑ «West Asian Cup: Iran Thrash Qatar, Jordan Down Oman» (անգլերեն). Goal.com. 2008 թ․ օգոստոսի 12. Վերցված է 2018 թ․ հունվարի 22-ին.
  16. ↑ «West Asia's finest braced for action» (անգլերեն). FIFA.com. 2010 թ․ սեպտեմբերի 23. Արխիվացված է օրիգինալից 2018 թ․ հունվարի 23-ին. Վերցված է 2018 թ․ հունվարի 22-ին.
  17. ↑ «Iran's Ehsan Haji Safi Joins Olympiakos» (անգլերեն). Tasnim News Agency. 2017 թ․ դեկտեմբերի 30. Վերցված է 2018 թ․ հունվարի 22-ին.
  18. ↑ «Iran squad for 2014 World Cup: the 23 chosen by Carlos Queiroz» (անգլերեն). The Guardian. 2014 թ․ հունիսի 6. Վերցված է 2018 թ․ հունվարի 22-ին.
  19. ↑ Abdolmohammadi, Bobak. (2014 թ․ հունիսի 21). «What Iran Learned from Their World Cup 2014 Clash with Argentina» (անգլերեն). Bleacher Report. Վերցված է 2018 թ․ հունվարի 22-ին.
  20. ↑ «Asian Cup: Iran 3 Iraq 3 (pens 6-7)» (անգլերեն). FourFourTwo. 2015 թ․ հունվարի 23. Վերցված է 2018 թ․ հունվարի 22-ին.
  21. ↑ «Iran's Ehsan Hajsafi celebrates his goal against Bahrain at the Asian Cup» (անգլերեն). ABC. 2015 թ․ հունվարի 11. Վերցված է 2018 թ․ հունվարի 22-ին.
  22. ↑ Zucker, Joseph. (2017 թ․ օգոստոսի 11). «Iran National Team Players Banned for Life for Facing Israeli Club» (անգլերեն). Bleacher Report. Վերցված է 2017 թ․ օգոստոսի 21-ին.
  23. ↑ Warshaw, Andrew. (2017 թ․ օգոստոսի 30). «Iran's Safi is recalled after apologising for playing against Israel's Maccabi Tel Aviv» (անգլերեն). Inside World Football. Վերցված է 2017 թ․ դեկտեմբերի 3-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Էհսան Հաջսաֆի» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Էհսան_Հաջսաֆի&oldid=9787919» էջից