Էլիզաբեթ Այեր

Վիքիպեդիայից՝ ազատ հանրագիտարանից
Jump to navigation Jump to search
Էլիզաբեթ Այեր
Portrait of Elizabeth Ayer (1925).jpg
Ծնվել էհոկտեմբերի 13, 1897(1897-10-13)[1]
ԾննդավայրThurston County, Վաշինգտոն, ԱՄՆ
Մահացել էօգոստոսի 4, 1987(1987-08-04)[1] (89 տարեկանում)
Վախճանի վայրLacey, Thurston County, Վաշինգտոն, ԱՄՆ
ԿրթությունՎաշինգտոնի համալսարան

Էլիզաբեթ Այեր (անգլ.՝ Elizabeth Ayer, հոկտեմբերի 13, 1897(1897-10-13)[1], Thurston County, Վաշինգտոն, ԱՄՆ - օգոստոսի 4, 1987(1987-08-04)[1], Lacey, Thurston County, Վաշինգտոն, ԱՄՆ), ճարտարապետության ռահվիրա ԱՄՆ Վաշինգտոն նահանգի Սիեթլ քաղաքում, որ ճարտարապետական գործունեություն է ծավալել ավելի քան հինգ տասնամյակ: Առաջին կինն է, որ պրոֆեսիոնալ ճարտարապետական կրթություն է ստացել Վաշինգտոնի համալսարանում և առաջին կինն է, որ Վաշինգտոն նահանգում գրանցվել է որպես ճարտարապետ:

Կենսագրություն[խմբագրել | խմբագրել կոդը]

Այերը ծնվել է 1897 թվականի հոկտեմբերին Վաշինգտոնի Թյորսթոն շրջանում: 1916 թվականին ընդունվել է Վաշինգտոնի համալսարան, 1921 թվականին ավարտել է այն ստանալով ճարտարապետության բակալավրի աստիճան[2]: 1919 թվականին, դեռևս ուսանողական տարիներին, աշխատանքի է անցել ճարտարապետ Էնդրյու Վիլաթսենի մոտ: Հաջորդ տարի երկարաժամկետ համագործակցություն է սկսել սիեթլցի ճարտարապետ Էդվին Այվիի հետ: 1922-1923 թվականներին աշխատել է Նյու Յորքում, սակայն մեկ տարի անց վերադարձել է Սիեթլ և շարունակել համագործակցել Այվիի հետ:

1920- ական թվականներին Էլիզաբեթը հայտնի էր որպես Այվիի կոլեգա: 1920-1930-ական թվականներին Էլիզաբեթն առանցքային դեր է ունեցել Այերի ստանձնած առանձնատների նախագծման և վերահսկման գործում: 1930 թվականին Այերը Վաշինգտոն նահանգում գրանցվել է որպես ճարտարապետ:

1940 թվականին Այվին մահացավ ավտովթարից: Էլիզաբեթը ֆիրմայի աշխատակից Ռոլանդ Լեմփինգի հետ շարունակեցին աշխատել ֆիրմայում[2]: 1942 թվականից՝ Երկրորդ համաշխարհային պատերազմի ընթացքում նրանք դադարեցրեցին իրենց գործունեությունը և Էլիզաբեթը որպես ճարտարապետ աշխատանքի անցավ Ամերիկյան ճարտարագետների գրասենյակում: Ճարտարապետական գործունեությամբ նա կրկին սկսեց զբաղվել 1945 թվականին: 1950-ական թվականներին ֆիրմայի անունն անվանափոխվեց և դարձավ Ayer & Lamping:

1970 թվականին, ճարտարապետության բնագավառում 50 տարի գործունեություն ծավալելուց հետո, Այերն անցավ թոշակի: Նա տեղափոխվեց Վաշինգտոն նահանգի Լեյսի բնակավայր, որտեղ մինչև 1980 թվականը օգնեց նախագծման կոմիտեի աշխատանքներին: Մահացել է Լեյսիում, 1987 թվականին:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 SNAC — 2010.
  2. 2,0 2,1 «Elizabeth Ayer»։ Content.lib.washington.edu։ Վերցված է 2015-10-15 

Գրականություն[խմբագրել | խմբագրել կոդը]

  • Roberts, S. Sian, and Shaughnessy, Mary, "Elizabeth Ayer," in Shaping Seattle Architecture: A Historical Guide to the Architects (ed. Jeffrey Karl Ochsner), University of Washington Press, Seattle and London 1994, pages 210-215.

Արտաքին հղումներ[խմբագրել | խմբագրել կոդը]