Էլեն Ռոզենբլում
Էլեն Ռոզենբլում | |
---|---|
![]() | |
Ծնվել է | հունվարի 6, 1951 (73 տարեկան) |
Ծննդավայր | Բերկլի, Ալամեդա շրջան, Կալիֆոռնիա, ԱՄՆ |
Քաղաքացիություն | ![]() |
Կրթություն | University of Oregon School of Law?, Օրեգոնի համալսարան և Սկրիփս քոլեջ |
Մասնագիտություն | փաստաբան, դատավոր և քաղաքական գործիչ |
Կուսակցություն | Դեմոկրատական կուսակցություն |
Պարգևներ և մրցանակներ | |
Կայք | ellenrosenblum.com |
![]() |
Էլեն Ֆ. Ռոզենբլում (անգլ.՝ Ellen F. Rosenblum, հունվարի 6, 1951, Բերկլի, Ալամեդա շրջան, Կալիֆոռնիա, ԱՄՆ), ամերիկացի իրավաբան, քաղաքական գործիչ, Օրեգոնի գլխավոր դատախազ (2012 թվականից)։ Նա Օրեգոնի պատմության մեջ առաջին կին գլխավոր դատախազն է, իսկ 2005-ից 2011 թվականներին դատավոր է եղել Օրեգոնի վերաքննիչ դատարանում։
Վաղ կյանք[խմբագրել | խմբագրել կոդը]
Ռոզենբլումը ծնվել է Կալիֆորնիայի Բերքլի քաղաքում, ազգությամբ հրեա Վիկտոր և Լուիզա Ռոզենբլումների ընտանիքում։ Եղել է ութ զավակներից մեկը։ Ընտանիքը տեղափոխվել է Էվանսթոն, Իլինոյս, որտեղ Ռոզենբլումի հայրը 40 տարի Հյուսիսարևմտյան համալսարանում իրավագիտություն է դասավանդել[2][3], իսկ 1968-ից 1970 թվականներին եղել է Ռիդ քոլեջի (անգլ.՝ Reed College) տնօրենը։ Ռոզենբլումը սովորել է Էվանսթոն Թաունշիփի ավագ դպրոցում (անգլ.՝ Evanston Township High School), այնուհետև ընդունվել Սկրիփս քոլեջը ( անգլ.՝ Scripps College): 1971 թվականին ավարտել է Օրեգոնի համալսարանի բակալավրիատը, որտեղ էլ 1975 թվականին իրավաբանական գիտությունների դոկտորի կոչում է ստացել[4][5][6]։
Իրավաբանական կարիերա[խմբագրել | խմբագրել կոդը]
1975 թվականին Ռոզենբլումը Յուջինի Համմոնս, Ֆիլիպս և Ջենսեն փաստաբանական գրասենյակում (անգլ.՝ Eugene law firm of Hammons, Phillips and Jensen) է աշխատել, իսկ ավելի ուշ դարձել է ընկերության բաժնետեր[2]։ 1980 թվականին նա դարձել է ֆինանսական հանցագործությունների գծով դատախազի օգնական Օրեգոնի շրջանային դատարանում[2][7]։1989 թվականին նահանգապետ Նիլ Գոլդշմիդտը Ռոզենբլումին նշանակել է Մուլթնոմայի տարածաշրջանային դատարանի դատավոր (անգլ.՝ Multnomah County District Court), որտեղ նա աշխատել է մինչև 1993 թվականը, այնուհետև նահանգապետ Բարբարա Ռոբերթսը նրան նշանակել է Մուլթնոմայի շրջանային դատարանի դատավոր (անգլ.՝ Multnomah County Circuit Court)[5]: 2005 թվականին նահանգապետ Թեդ Կուլոնգոսկու նախաձեռնությամբ Ռոզենբլումը տեղափոխվել է Օրեգոնի վերաքննիչ դատարան, 2006 թվականին դատավոր է ընտրվել վեց տարի ժամկետով և 2011 թվականի մայիսին դադարեցրել է պաշտոնավարումը[5][8]։
Գլխավոր դատախազ[խմբագրել | խմբագրել կոդը]
Ջոն Կրոգերի հրաժարականից հետո Ռոզենբլումը 2012 թվականի հունվարին սկսել է իր նախընտրական քարոզարշավը ՝ դեմոկրատական կուսակցության կողմից այդ պաշտոնում առաջադրվելու համար[5]։ ԱՄՆ դատախազ Դուայթ Հոլթոնը նույնպես միացել է ընտրապայքարին և սկզբնական շրջանում ստացել է նահանգի իրավապահ մարմինների մեծամասնության աջակցությունը[9]։ Երբ Հոլթոնը քննադատել է Օրեգոնի բժշկական մարիխուանայի մասին օրենքը (անգլ.՝ Oregon Medical Marijuana Act), Ռոզենբլումը ստացել է Օրեգոնում մարիխուանայի օրինականացման կողմնակիցների աջակցությունը ՝ խոստանալով պաշտպանել բժշկական մարիխուանա ընդունող բուժառուների իրավունքները[9]։ Դեմոկրատական կուսակցության Մայիսյան ընտրություններում նա հաղթել է Հոլթոնին գրեթե 30 տոկոս ավելի ձայների հարաբերակցությամբ և առաջադրել իր թեկնածությունը համընդհանուր ընտրություններում[10]։
2012 թվականի հունիսի 29-ին նահանգապետ Ջոն Կիտցհաբերը Ռոզենբլումին նշանակել է Կրոգերի պաշտոնում[10][11]։ Ռոզենբլումը դարձել է Օրեգոն նահանգի առաջին կին գլխավոր դատախազը[10][11]։ Նա այդ պաշտոնում աշխատել է մինչև հունվար ամիսը և հաղթել է նոյեմբերին կայացած համընդհանուր ընտրություններում[10]։ Թեև ոչ մի հանրապետական չի ներկայացել նախնական ընտրություններում, Պորտլենդի փաստաբան Ջեյմս Բուխալը ստացել է բավարար ձայներ՝ նոյեմբերին կայացած քվեարկությանը մասնակցելու համար[12]։
2016 թվականի նոյեմբերին Ռոզենբլումը վերընտրվել է գլխավոր դատախազի պաշտոնում ՝ հաղթելով հանրապետական թեկնածու Դենիել Քրոուին[13]։
2020 թվականի հուլիսին Ռոզենբլումը դատական հայց է ներկայացրել Դաշնային կառավարության դեմ ՝ մեղադրելով վերջինիս ցուցարարներին ապօրինի ձերբակալելու մեջ, այն բանից հետո, երբ կադրեր են հայտնվել, որոնցում երևում է, թե ինչպես են ոստիկանները բռնի ուժով բերման ենթարկում ցուցարարներին[14]։
2023 թվականի սեպտեմբերի 19-ին Ռոզենբլումը հայտարարել է, որ չի մասնակցի գլխավոր դատախազի պաշտոնի համար 2024 թվականին անցկացվելիք ընտրություններին[15]։
Անձնական կյանք[խմբագրել | խմբագրել կոդը]
Ռոզենբլումն ամուսնացած է Ռիչարդ Միքերի հետ, որը մինչև 2015 թվականը Պորտլենդի «Willamette Week» թերթի հրատարակիչը և համասեփականատերն է եղել[16]։ Զույգը երկու չափահաս երեխա ունի[2]։
Ծանոթագրություններ[խմբագրել | խմբագրել կոդը]
- ↑ https://www.americanbar.org/groups/diversity/women/margaret-brent-awards/pasthonorees/
- ↑ 2,0 2,1 2,2 2,3 «Ellen F. Rosenblum» (PDF). Oregon State Bar. Արխիվացված օրիգինալից 2023 թ․ սեպտեմբերի 20-ին. Վերցված է 2012 թ․ հունիսի 7-ին.
- ↑ «Noted legal scholar Victor Rosenblum dies at 80». Northwestern University. 2006 թ․ մարտի 30. Արխիվացված օրիգինալից 2010 թ․ մայիսի 30-ին. Վերցված է 2012 թ․ հունիսի 7-ին.
- ↑ «Board of Directors, Biographies». American Bar Foundation. Արխիվացված է օրիգինալից 2012 թ․ մարտի 18-ին. Վերցված է 2012 թ․ հունիսի 7-ին.
- ↑ 5,0 5,1 5,2 5,3 Jung, Helen (2012 թ․ հունվարի 4). «Former Appeals Court Judge Ellen Rosenblum will seek Oregon attorney general job». The Oregonian. Արխիվացված օրիգինալից 2012 թ․ հունվարի 9-ին. Վերցված է 2012 թ․ հունիսի 7-ին.
- ↑ «American Bar Association» (PDF). American Bar Association. Արխիվացված (PDF) օրիգինալից 2016 թ․ մարտի 28-ին. Վերցված է 2012 թ․ հունիսի 7-ին.
- ↑ «Ellen Rosenblum». Project Votesmart. Արխիվացված օրիգինալից 2013 թ․ հունիսի 7-ին. Վերցված է 2012 թ․ հունիսի 7-ին.
- ↑ «November 7, 2006, General Election Abstracts of Votes: Judge of the Court of Appeals, Position 9». Oregon Secretary of State. Արխիվացված օրիգինալից 2019 թ․ օգոստոսի 22-ին. Վերցված է 2012 թ․ հունիսի 7-ին.
- ↑ 9,0 9,1 Manning, Jeff (2012 թ․ մայիսի 15). «Ellen Rosenblum defeats Dwight Holton for attorney general». The Oregonian. Արխիվացված օրիգինալից 2012 թ․ մայիսի 19-ին. Վերցված է 2012 թ․ հունիսի 8-ին.
- ↑ 10,0 10,1 10,2 10,3 Cole, Michelle (2012 թ․ հունիսի 6). «Oregon Gov. John Kitzhaber names Ellen Rosenblum as interim attorney general». The Oregonian. Արխիվացված օրիգինալից 2012 թ․ հունիսի 8-ին. Վերցված է 2012 թ․ հունիսի 7-ին.
- ↑ 11,0 11,1 Barron-Lopez, Laura (2012 թ․ հունիսի 29). «Ellen Rosenblum becomes Oregon's first woman attorney general». The Oregonian. Արխիվացված օրիգինալից 2013 թ․ սեպտեմբերի 18-ին. Վերցված է 2012 թ․ հունիսի 29-ին.
- ↑ Mapes, Jeff (2012 թ․ հունիսի 6). «Oregon Republicans now have candidates for attorney general and treasurer, courtesy of write-in votes». The Oregonian. Արխիվացված օրիգինալից 2012 թ․ հունիսի 8-ին. Վերցված է 2012 թ․ հունիսի 8-ին.
- ↑ Atkins, Jeanne (2006 թ․ նոյեմբեր). «November 8, 2016, General Election Abstract of Votes». Oregon Secretary of State. State of Oregon. Արխիվացված օրիգինալից 2022 թ․ սեպտեմբերի 22-ին. Վերցված է 2017 թ․ սեպտեմբերի 23-ին.
- ↑ «Portland protests: Oregon sues over 'unlawful detentions'». bbc.co.uk. 2020 թ․ հուլիսի 19. Արխիվացված օրիգինալից 2021 թ․ հունվարի 19-ին. Վերցված է 2020 թ․ հուլիսի 19-ին.
- ↑ «Oregon Attorney General Ellen Rosenblum says she won't run in 2024». KGW. Portland, Oregon. 2023 թ․ սեպտեմբերի 19. Արխիվացված օրիգինալից 2023 թ․ սեպտեմբերի 20-ին. Վերցված է 2023 թ․ սեպտեմբերի 19-ին.
- ↑ «Election is coming». Willamette Week. 2012 թ․ ապրիլի 25. Արխիվացված օրիգինալից 2012 թ․ մայիսի 29-ին. Վերցված է 2012 թ․ հունիսի 7-ին.