Էլեկտրաէներգիայի հաշվիչ

Վիքիպեդիայից՝ ազատ հանրագիտարանից

Հաշվիչ էլեկտրաէներգիայի, Էլեկտրաչափիչ սարք, որը հաշվառում Է փոփոխական կամ հաստատուն հոսանքի էլեկտրաէներգիայի ծախսը երկարատև ժամանակահատվածում։ Փոփոխական հոսանքի ակտիվ և ռեակտիվ էլեկտրաէներգիայի հաշվառման համար օգտագործվում են ինդուկցիոն միա- և եռաֆազ հաշվիչներ, իսկ հաստատուն հոսանքի էլեկտրաէներգիայի ծախսի հաշվառման համար՝ էլեկտրադինամիկական հաշվիչներ քաղաքային էլեկտրիֆիկացված տրանսպորտում և էլեկտրիֆիկացված երկաթուղիներում։Հաշվիչի շարժական մասի պտույտների թվին համեմատական էլեկտրաէներգիայի քանակը որոշվում է հաշվիչ սարքավորմամբ։ Միաֆազ ինդուկցիոն հաշվիչները հիմնականում տեղադրվում են բնակարաններում, իսկ եռաֆազ հաշվիչները՝ էլեկտրակայաններում, ենթակայաններում, արդյունաբերական ձեռնարկություններում։

Կիրառում[խմբագրել | խմբագրել կոդը]

Էլեկտրաէներգիայի հաշվարկը կատարվում է կիլովատտ-ժամերով։ Ցանցին է միացվում հետնամասի կափարիչի ներսի մասում տրված սխեմայով։ Էլեկտրահաշվիչները տեղադրվում են չոր փակ շինություններում հատուկ վահանների (կամ էլ բնակարանային բաշխիչ վահանների) վրա ցուցմունքները ստուգելու համար մատչելի տեղերում։

Սարքի աշխատանք[խմբագրել | խմբագրել կոդը]

Էլեկտրասարքերը միացնելիս էլեկտրահաշվիչի միջով անցնում է հաշվիչ մեխանիզմը շարժման մեջ դնող հոսանքը (էլեկտրահաշվիչի պատուհանից կարելի է տեսնել ձախից աջ պտտվող սկավառակը)։ Շղթայի գերծանրաբեռնվածության կամ կարճ միացման պատճառով հաշվիչի խափանումից խուսափելու համար էլեկտրահաշվիչի և էլեկտրաէներգիա սպառողի միջև դրվում են էլեկտրական ապահովիչներ կամ ավտոմատ անջատիչներ։ Հարկ է հիշել, որ ծախսվող էներգիայի համար պետությանը տրվող վճարումները հաշվարկելու էլեկտրահաշվիչներն (ի տարբերություն առանձին սպառողների միջև ներքին հաշվարկ կատարելու էլեկտրահաշվիչների) թույլ չի տրվում ինքնագլուխ բացել և նորոգել։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Տնային տնտեսության հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 240