Էդուարդ Լազիև
Էդուարդ Լազիև | |
---|---|
Ծնվել է | հուլիսի 17, 1933 (90 տարեկան) |
Ծննդավայր | Ախալցխա, Վրացական ԽՍՀ, ԱԽՖՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | Մոսկվայի տեխնիկական կապի և ինֆորմատիկայի համալսարան (1956) |
Կոչում | պրոֆեսոր |
Գիտական աստիճան | ֆիզիկամաթեմատիկական գիտությունների դոկտոր (1985) |
Մասնագիտություն | ֆիզիկոս |
Աշխատավայր | Երևանի ֆիզիկայի ինստիտուտ, ՄՀՄԻ և Երևանի պետական համալսարան |
Էդուարդ Մկրտչի Լազիև (հուլիսի 17, 1933, Ախալցխա, Վրացական ԽՍՀ, ԱԽՖՍՀ, ԽՍՀՄ), հայ ֆիզիկոս։ Ֆիզիկա-մաթեմատիկական գիտությունների դոկտոր (1985), պրոֆեսոր (1987): «ՔԵՆԴԼ» ինստիտուտի առաջատար գիտնական պրոֆեսոր։
Կենսագրություն
[խմբագրել | խմբագրել կոդը]Էդուարդ Լազիևը ծնվել է 1933 թվականի հուլիսի 17-ին, Ախալցխայում։ 1956 թվականին ավարտել է Մոսկվայի էլեկտրատեխնիկական ինստիտուտը և նույն թվականից միացել ԱՐՈՒՍ նախագծի իրականացման աշխատանքներին՝ պրոֆեսոր Յուրի Օրլովի խմբում։ Հետագայում ղեկավարել է ԱՐՈՒՍ սինքրոտրոնի համար նախատեսված 50 ՄէՎ էներգիայով գծային արագացուցիչ-ինժեկտորի կառուցումը[1]։ 1956 թվականից աշխատում է Երևանի ֆիզիկայի ինստիտուտում։ 1965 թվականին եղել է լաբորատորիայի վարիչ, 1972-1987 թվականներին՝ փոխտնօրեն, 1987-1994 թվականներին՝ արագացուցչային ֆիզիկայի բաժնի վարիչ։ Մասնիկների արագացման նոր մեթոդների ինստիտուտում կատարված ուսումնասիրությունները նպաստեցին 1989 թվականին անցկացվող միջազգային հանդիպման անցկացմանը `այս ոլորտում համաշխարհային փորձագետների մասնակցությամբ` Բ. Պալմերի, Կ. Պելլեգրինի, Ջ․ Սիմփսոնի, Հ. Հենկեի, Թ. Ուեյլանդի, Ա. Նովոխատսկիի և այլք։ 2002 թվականից եղել է սինքրոտրոնային ճառագայթման կենտրոնի առաջատար գիտաշխատող։ 1994-1999 թվականներին եղել է Միջուկային հետազոտությունների միացյալ ինստիտուտի (Դուբնա) աշխատակից։ 1958 թվականից միաժամանակ դասախոսում է Երևանի պետական համալսարանում[2]։
Աշխատանքները վերաբերում են արագացուցչային, փնջային ֆիզիկային, էլեկտրադինամիկային, գերկարճ ռադիոալիքների էլեկտրադինամիկային[3]։
Անդամակցություն
[խմբագրել | խմբագրել կոդը]- Ապագա արագացուցիչների միջազգային կոմիտեի անդամ (1972-1994)։
Պարգևներ
[խմբագրել | խմբագրել կոդը]- ՀԼԿԵՄ մրցանակ (1967)։
Ծանոթագրություններ
[խմբագրել | խմբագրել կոդը]- ↑ «Հուշամեդալի շնորհում». Synchrotron Research Institute (անգլերեն). 2018 թ․ դեկտեմբերի 20. Վերցված է 2020 թ․ մարտի 23-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
- ↑ «Лазиев, Эдуард Мкртычевич - Спонтанное радиочастотное излучение заряженных частиц : диссертация ... доктора физико-математических наук : 01.04.20 - Search RSL». search.rsl.ru. Վերցված է 2020 թ․ մարտի 23-ին.