Էդմունդ Ալֆրեդ Դրեյկ-Բրոկման
| Էդմունդ Ալֆրեդ Դրեյկ-Բրոկման | |
|---|---|
 | |
| Ծնվել է | փետրվարի 21, 1884 |
| Ծննդավայր | Բասսելտոն |
| Մահացել է | հունիսի 1, 1949 (65 տարեկան) |
| Քաղաքացիություն | .svg){kind=small} Ավստրալիա |
| Մասնագիտություն | դատավոր, ռազմական գործիչ և քաղաքական գործիչ |
| Ծնողներ | հայր՝ Frederick Slade Drake-Brockman?[1], մայր՝ Grace Bussell? |
| Զբաղեցրած պաշտոններ | member of the Australian Senate? |
| Կուսակցություն | Nationalist Party of Australia? |
| Պարգևներ և մրցանակներ |   և  |
 Edmund Drake-Brockman Վիքիպահեստում | |
Էդմունդ Ալֆրեդ Դրեյկ-Բրոկման (անգլ.՝ Edmund Alfred Drake-Brockman, փետրվարի 21, 1884, Բասսելտոն - հունիսի 1, 1949), ավստրալիացի ռազմական և քաղաքական գործիչ, գեներալ-մայոր, իրավաբան, դատավոր, 1920-1926 թվականներին եղել է Ավստրալիայի Սենատի անդամ։
Կենսագրություն[խմբագրել | խմբագրել կոդը]
1908-1909 թվականներին Էդմունդ Ալֆրեդ Դրեյկ-Բրոկմանն ավարտել է Հնդկաստանի Քվետա քաղաքի գլխավոր շտաբի քոլեջը՝ կայսերական ուժերի հատուկ վերապատրաստման դասընթացները։ Կամավոր մասնակցել է Առաջին համաշխարհային պատերազմին, մայորի կոչումով կռվել է Գալիպոլիում Դարդանելի գործողության ժամանակ։ 1915 թվականի ապրիլի 25-ին Գալիպոլիում վայրէջքների ժամանակ ղեկավարել է գումարտակը[2]։ Նա վիրավորվել և տարհանվել է Անգլիա, իսկ հոկտեմբերին ուղարկվել Ավստրալիա, արժանացել է է Սուրբ Միքայել և Սուրբ Գեորգի շքանշանների։
1916 թվականի ապրիլին վերադարձել է Եգիպտոսի ռազմաճակատ։ Հետագայում պատերազմի ընթացքում նա ստացել է փոխգնդապետի կոչում և Արևմտյան ճակատում ղեկավարել Արևմտյան Ավստրալիայի հետևակային գումարտակը։ 1917 թվականին Ֆրանսիայում տեղի ունեցած ռազմական գործողությունների ժամանակ նրա գումարտակը շատ ծանր կորուստներ է կրել։ Հետագայում պատերազմի ժամանակ նա ստացել է փոխգնդապետի կոչում և ղեկավարել Արևմտյան Ավստրալիայի 16-րդ հետևակային գումարտակը։
Առաջին համաշխարհային պատերազմի ավարտից հետո կատարել է իրավաբանական աշխատանք։ 1919 թվականին նա ընտրվել է Սենատի անդամ Ավստրալիայի ազգայնական կուսակցությունից։ 1920 թվականին ստացել է բրիգադի գեներալի կոչում և ղեկավարել Ավստրալիայի զինված ուժերի 4-րդ բրիգադը[3]։
1924 թվականին նա դարձել է Ավստրալիայի գործատուների ֆեդերացիայի նախագահ, իսկ հաջորդ տարի Ժնևում ներկայացրել է Ավստրալիան Ազգերի լիգայում։
1937 թվականին ստացել է գեներալ-մայորի կոչում։
Երկրորդ համաշխարհային պատերազմի ժամանակ Էդմունդ Ալֆրեդ Դրեյկ-Բրոկմանը եղել է պահեստազորի զինծառայող, զորակոչվել է զինվորական ծառայության և մինչև 1942 թվականը ղեկավարել 3-րդ ներքին պահակային դիվիզիան։
Էդմունդ Ալֆրեդ Դրեյկ-Բրոկմանը մահացել է 1949 թվականի հունիսի 1-ին։ Նրա աճյունը դիակիզվել է։
Ծանոթագրություններ[խմբագրել | խմբագրել կոդը]
- ↑ 1,0 1,1 https://adb.anu.edu.au/biography/drakebrockman-frederick-slade-6015
- ↑ Gill, 2004, էջ 126
- ↑ Gill, 2004, էջ 127