Էդգար (ֆուտբոլիստ)

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Էդգար
Édgar Antonio Méndez Ortega
Édgar Méndez vs Elche - 2014.png
Անձնական տվյալներ
Ամբողջական անուն Էդգար Անտոնիո Օրտեգա
Քաղաքացիությունը Flag of Spain.svg Իսպանիա
Ծննդյան ամսաթիվ ապրիլի 30, 1991(1991-04-30) (27 տարեկան)
Ծննդավայր Arafo, Սանտա Կրուս դե Տեներիֆե, Կանարյան կղզիներ, Իսպանիա
Հասակ 188 սանտիմետր
Քաշ 75 կիլոգրամ
Դիրք կիսապաշտպան
Ակումբային տեղեկություններ
Ներկա ակումբ Մեքսիկա Կրուս Ասուլ
Պատանեկան կարիերա
Իսպանիա Տեներիֆե
2006-2007 Իսպանիա Մուրսիա Դեպորտիվո
2007-2009 Իսպանիա Ռեալ Մադրիդ
Մասնագիտական կարիերա*
Տարի Ակումբ Խաղ (Գոլ)
2008-2009 Իսպանիա Ռեալ Մադրիդ C 23 (1)
2009-2010 Իսպանիա Ատլետիկ Սիուդադ 30 (0)
2010-2011 Իսպանիա Ռեալ Բետիս Բ 19 (0)
2011-2012 Իսպանիա Մելիլյա 35 (7)
2012-2014 Իսպանիա Ալմերիա Բ 32 (6)
2013-2014  Իսպանիա Ռեալ Խաեն 17 (0)
2014  Իսպանիա Տեներիֆե 14 (1)
2014-2015 Իսպանիա Ալմերիա 30 (4)
2015-2016 Իսպանիա Գրանադա 15 (1)
2016-2017 Իսպանիա Ալավես 27 (4)
2017-մ.հ. Մեքսիկա Կրուս Ասուլ 16 (5)
* Մասնագիտական կարիերայում ընդգրկված են միայն առաջնության խաղերը և գոլերը:

Էդգար Անտոնիո Օրտեգա (իսպ.՝ Édgar Antonio Méndez Ortega, առավել հայտնի է որպես Էդգար (իսպ.՝ Édgar), ապրիլի 30, 1991(1991-04-30), Arafo, Սանտա Կրուս դե Տեներիֆե, Կանարյան կղզիներ, Իսպանիա), իսպանացի ֆուտբոլիստ, «Կրուս Ասուլ» ակումբի եզրային կիսապաշտպան։

Կարիերա[խմբագրել | խմբագրել կոդը]

Ծնվել է Արաֆոյում (Սանտա Կրուս դե Տեներիֆե պրովինցիա)։ Ֆուտբոլով սկսել է զբաղվել «Տեներիֆեում», ապա խաղացել «Մուրսիա Դեպորտիվո» ակումբում։ 2007-2009 թվականներին սովորել է «Ռեալ Մադրիդի» ակադեմիայում։

Պրոֆեսիոնալ մակարդակում իր նորամուտը կատարել է «Ռեալ Մադրիդ C» ակումբի կազմում Տերսերայի 2008/09 մրցաշրջանում, որի ընթացքում մասնակցել է 23 խաղի և խփել 1 գոլ։ 2009 թվականի ամռանը տեղափոխվել է Սեգունդա Բ-ի «Ատլետիկ Սուիդադ» ակումբ, որի կազմում անցկացրած մեկ մրցաշրջանում մասնակցել է 30 խաղի։ 2010/11 մրցաշրջանից առաջ տեղափոխվել է Սեգունդա Բ-ի «Ռեալ Բետիս Բ» ակումբ[1]։ Նոր ակումբի կազմում իր նորամուտը կատարել է 2010 թվականի օգոստոսի 28-ին՝ «Լորկա Ատլետիկո» ակումբի հետ հանդիպման 71-րդ րոպեին փոխարինելով Ֆեռնանդո Պախարերոյին[2]։ Այդ ակումբում Էդգարն անցկացրել է ընդհանուր առմամբ 19 խաղ։

2011 թվականի հուլիսին Էդգարը պայմանագիր է կնքել «Մելիլյա» ակումբի հետ[3], որտեղ անցկացրել է իր կարիերայի լավագույն մրցաշրջաններից մեկը։ 2011 թվականի օգոստոսի 21-ին կատարել է իր նորամուտը «Մելիլյայի» կազմում՝ մասնակցելով իր նախկին ակումբի՝ «Ռեալ Բետիս Բ»-ի դեմ խաղին[4]։ «Մելիլյայի» կազմում իր առաջին գոլը նա խփել է «Էսիխա» ակումբի դեմ խաղում, որ կայացել է 2011 թվականի սեպտեմբերի 18-ին[5]։ Մրցաշրջանի ընթացքում նա ընդհանուր առմամբ անցկացրել է 35 հանդիպում և խփել 7 գոլ։

2012 թվականին Էդգարը միացել է «Ալմերիայի» երկրորդ թիմին[6], որի կազմում իր նորամուտը կատարել է 2012 թվականի սեպտեմբերի 1-ին՝ մասնակցելով «Վիլյանովենսե» ակումբի դեմ խաղին[7], իսկ առաջին գոլը խփել է 2012 թվականի սեպտեմբերի 30-ին՝ «Ալբասետեի» դեմ խաղում[8]։

2013 թվականի հուլիսի 20-ին Էդգարը վարձավճարային հիմունքներով տեղափոխվել է Սեգունդայի «Ռեալ Խաեն» ակումբ[9]։ 2013 թվականի օգոստոսի 25-ին կատարել է իր նորամուտը Սեգունդայում՝ մասնակցելով «Նումանսիա» ակումբի դեմ խաղին, երբ նա խաղացել է բոլոր 90 րոպեներին, իսկ նրա հանդիպումն ավարտվել է 2:4 հաշվով[10]։

2014 թվականի հունվարին կրկին վարձավճարային հիմունքներով տեղափոխվել է «Տեներիֆե» մինչև մրցաշրջանի ավարտը[11]։ Իր նորամուտը կատարել է «Բարսելոնա Բ»-ի դեմ խաղում՝ 2014 թվականի փետրվարի 9-ին[12]։ Ակումբի կազմում իր առաջին գոլը խփել է «Պոնֆերադինայի» դեմ խաղում՝ 2014 թվականի մարտի 23-ին[13][14]։

2014 թվականի հունիսին Էդգարը թարմացրել է իր պայմանագիրը «Ռոխոբլանկոսի» հետ և տեղափոխվել հիմնական կազմ, որը հանդես էր գալիս Լա Լիգայում[15]։ Բարձրագույն լիգայում իր նորամուտը կատարել է «Էսպանյոլի» դեմ խաղում՝ 2014 թվականի օգոստոսի 23-ին՝ կատարելով գոլային փոխանցում Ֆեռնանդո Սորիանոյին[16]։ Բարձրագույն մակարդակում իր առաջին գոլն Էդգարը խփել է սեպտեմբերի 12-ին՝ «Կորդովա» ակումբի դեմ խաղում[17]։ 2014 թվականի հոկտեմբերի 7-ին «Ալմերիա» ակումբի հետ պայմանագրի ժամկետը երկարաձգել է մինչև 2018 թվական[18]։

2015 թվականին՝ Լա Լիգայից «Ալմերիայի» դուրս մնալուց հետո, քառամյա պայմանագիր է կնքել «Գրանադա» ակումբի հետ։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]