Հենրիխ Զվեյնեկ
Հենրիխ Զվեյնեկ | |
---|---|
Ծնվել է | դեկտեմբերի 7, 1897 |
Ծննդավայր | Lubāna Parish, Madona County, Լատվիա |
Մահացել է | ապրիլի 12, 1919 (21 տարեկան) |
Մահվան վայր | Լուգանսկ, Donetsk Governorate, Ուկրաինական ԽՍՀ |
Գերեզման | Կրեմլի պատի պանթեոն |
Քաղաքացիություն | ![]() |
Մասնագիտություն | հեղափոխական |
Հենրիխ Զվեյնեկ (լատիշ․՝ Indriķis Zvejnieks կամ Heinrihs Zvejnieks, դեկտեմբերի 7, 1897, Lubāna Parish, Madona County, Լատվիա - ապրիլի 12, 1919, Լուգանսկ, Donetsk Governorate, Ուկրաինական ԽՍՀ), 1-ին Ինզենյան հեղափոխական դիվիզիայի կոմիսար։
Կենսագրություն
[խմբագրել | խմբագրել կոդը]Հենրիխ Զվեյնեկը ծնվել է Մալիենիում անտառահատի ընտանիքում։ Լինելով Ցեսիսի ռեալական ուսումնարանի աշակերտ՝ ներգրավվում է հեղափոոխական շարժման մեջ, մասնակցում երիտասարդական խմբակին, կապ էր պահպանում Լատվիայի սոցիալ-դեմոկրատական Մալիենեի կազմակերպության հետ։ 1916 թվականին մտավ բոլշևիկյան կուսակցության շարքերը։ Փետրվարյան հեղափոխությունից հետո երիտասարդ բոլշևիկը ընտրվել է բանվորների պատգամավորների Ցեսիսի խորհրդի անդամ։ 1917 թվականի հոկտեմբերյան օրերին Մոսկվայում մարտնչում է յունկերների դեմ։ Երբ բռնկվում է սպիտակ չեխերի խռովությունը, Զվեյնեկը կամավոր մեկնում է Արևելյան ռազմաճակատ։ Շուտով նա նշւսնակվում է նոր կազմավորված դիվիզիայի կոմիսար, որը պաշտպանում էր խորհրդային զորքերի հաղորդակցման ուղիների կարևոր հանգույցը՝ Ինզա կայարանը։ Չնայած երիտասարդ տարիքին՝ Զվեյնեկը արագորեն վիթխարի հեղինակություն նվաճեց կարմիրբանակայինների շրջանում։ Բուգուրուսլանի գրավման համար քաջարի կոմիսարը պարգևատրվեց պատվավոր հեղափոխական զենքով։ Արևելյան ռազմաճակատի կարմիր զորամասերը, և դրանց թվում Ինզենյան դիվիզիան, ձախողեցին սպիտակգվարդիականների Մոսկվա ճեղքել-դուրս գալու ծրագիրը։
Գ. Պ. Զվեյնեկը սպիտակգվարդիականներից ազատագրված շրջաններում անցկացնում էր միտինգներ, բացատրելով կարմիր բանակի նպատակները, մասնակցում էր այնտեղ խորհրդային իշխանության մարմինների ստեղծմանը, գնդերում կազմակերպում էր կուսակցական դպրոցներ, պատրաստում էր ագիտատորներ[1]։
Ծանոթագրություններ
[խմբագրել | խմբագրել կոդը]- ↑ Ալեքսեյ Աբրամով, Կրեմլի պատի մոտ, Ե., Հայաստան, 1982, էջ 118-121։
|