Զորակ Կամսարականը մասնակցել է 554 թվականի մարտի 29-ին տեղի ունեցած Դվինի երկրորդ եկեղեցական ժողովին։ 571-572 թվականների ապստամբության ընթացքում աջակցել է այն գլխավորող հայոց սպարապետԿարմիր Վարդանին։ Ապստամբության ժամանակ 3 անգամ հարձակվել և կոտորել է պարսկական զորքերին։ Ապստամբության գլխավոր ճակատամարտը տեղի է ունենում 572 թվականի փետրվարի 2-ին՝ Դվինում։ Զորակը ջախջախում է Սուրեն մարզպանի 15․000-ոց բանակը, սպանում նրան և գրավում Դվինը[1]։
