Զավեն Կասյան

Զավեն Կասյան
Ծնվել է	նոյեմբերի 25, 1931(1931-11-25)
Ծննդավայր	Հայկաձոր, Հայաստան
Վախճանվել է	հոկտեմբերի 30, 2013(2013-10-30) (81 տարեկան)
Վախճանի վայր	Երևան, Հայաստան
Մասնագիտություն	բանաստեղծ
Քաղաքացիություն	ԽՍՀՄ և  Հայաստան
Կրթություն	Հայկական պետական մանկավարժական համալսարան (1966) և Երևանի պետական համալսարան
Անդամակցություն	ՀԳՄ
Աշխատավայր	Սովետական Հայաստան
Զավեն Կասյան Վիքիքաղվածքում

Զավեն Պողոսի Կասյան (նոյեմբերի 25, 1931(1931-11-25), Հայկաձոր, Հայաստան - հոկտեմբերի 30, 2013(2013-10-30), Երևան, Հայաստան), հայ գրող, բանաստեղծ։ Հայաստանի գրողների միության անդամ (1989)։

Կենսագրություն

Զավեն Կասյանը ծնվել է Անիի շրջանի Հայկաձոր գյուղում։ Ավարտել է Երևանի Խաչատուր Աբովյանի անվան մանկավարժական ինստիտուտի լեզվագրական և Երևանի պետական համալսարանի բանասիրական ֆակուլտետների հեռակա բաժինը։ Վաղ տարիքից աշխատել է մամուլում, մասնավորապես Հոկտեմբերյանի շրջանային թերթում, ՀՀ Ռադիոպետկոմում, «Սովետական Հայաստան» օրաթերթում։ Վարել է մի շարք պատասխանատու պաշտոններ։ 1966 թվականին ավարտել է Հայկական մանկավարժական ինստիտուտի բանասիրական ֆակուլտետի հեռակա դասընթացը։ Առաջին՝ «Ժամանակն իմ ձայնով» բանաստեղծությունների ժողովածուն հրատարակել է 1969 թվականին։

Մրցանակներ, պարգևներ

• «Հավատի կանթեղ» ժողովածուն 1991 թվականին արժանացել է Հովհաննես Շիրազի անվան մրցանակի
• «Գրական վաստակի համար» մեդալ, 2006

Մատենագիտություն

• «Գարնանային խոհեր», 1975
• «Կարոտի խարույկ», 1978
• «Օրը երգի մեջ», 1986
• «Հավատի կանթեղ», 1991
• «Հույսի ղողանջ», 2000
• «Տավիղ հայրենաշունչ», 2009
• Ընտիր երկերի եռհատորյակ, 2005-2006 թվականներ
• «Աստղաշար» (1987 թվական, մանկական ստեղծագործություններ)
• «Լուսնի թագը» (1987 թվական, մանկական ստեղծագործություններ)