Երվանդ Ծատուրյան
 | |
|---|---|
| Ծնվել է | ապրիլի 7, 1911 |
| Ծննդավայր | Նախիջևան, Երևանի նահանգ, Կովկասի փոխարքայություն, Ռուսական կայսրություն |
| Մահացել է | օգոստոս 1988 (77 տարեկան) |
| Մահվան վայր | Երևան, Հայկական ԽՍՀ, ԽՍՀՄ |
| Կրթություն | Ռուսաստանի թատերական արվեստի համալսարան |
| Քաղաքացիություն |  Ռուսական կայսրություն և .svg){kind=small} Հայկական ԽՍՀ |
| Մասնագիտացում | դերասան և ռեժիսոր |
| Պարգևներ | |
Երվանդ Ծատուրյան (ապրիլի 7, 1911, Նախիջևան, Երևանի նահանգ, Կովկասի փոխարքայություն, Ռուսական կայսրություն - օգոստոս 1988, Երևան, Հայկական ԽՍՀ, ԽՍՀՄ), հայ դերասան, թատրոնի և կինոյի ռեժիսոր, Հայաստանի Հանրապետության մշակույթի վաստակավոր գործիչ[1]։
Կենսագրություն[խմբագրել | խմբագրել կոդը]
Երվանդ Ծատուրյանը ծնվել է 1911 թվականի ապրիլի 7-ին, Նախիջևանում։ Կրթությունն ստացել է Երևանում։ 1932 թվականին ընդունվել է Մոսկվայի թատերական ինստիտուտի ռեժիսորական ֆակուլտետ։ Մի քանի տարի աշխատել է Ռուսաստանի տարբեր մարզերում։ 1940-ականների սկզբից սկսել է աշխատել Հայաստանում, ղեկավարել տարբեր թատրոններ։
Մահացել է 1988 թվականի օգոստոսին, Երևանում։
Ընտանիք[խմբագրել | խմբագրել կոդը]
Որդին թատերական ռեժիսոր, թատերական գործիչ, ՀՀ ժողովրդական արտիստ (2011)[2], պրոֆեսոր Նիկոլայ Ծատուրյանն է։
Ստեղծագործական կյանք[խմբագրել | խմբագրել կոդը]
1929 թվականին սկսել է աշխատել Երևանի նորաստեղծ Պատանի հանդիսատեսի թատրոնում` խաղալով մի շարք տարդեր դերեր։ 1932 թվականին ընդունվել է Մոսկվայի թատերական ինստիտուտի ռեժիսորական ֆակուլտետը` միևնույն ժամանակ մասնակցելով Հայկական մշակույթի տան դրամատիկական ստուդիաի տարբեր աշխատանքների։
Հետագա տարիներին Բրյանսկի մարզի, Չելյաբինսկի և Վլադիմիրի Պատանի հանդիսատեսի թատրոններում` լինելով գլխավոր դերերի դերակատար, բեմադրող ռեժիսոր, թատրոնի տնօրեն, գեղարվեստական ղեկավար։ Երվանդ Ծատուրյանը նաև հիմնադրել է Կալմիկայի ռուսական դրամատիկ կոլեկտիվը, որը ժամանակի ընթացքում դարձել է պետական թատրոն։
1940-ական թվականների սկզբից աշխատել է Հայաստանի շրջանային թատրոններում` ղեկավորելով Գորիսի, Կապանի, Էջմիածնի դրամատիկական թատրոնները, բեմադրել ներկայացումներ։ Կարճ ժամանակ աշխատել է նաև Թատերական ինստիտուտում։
Ավանդ ունի նաև կինոաշխարհում. եղել է փաստավավերագրսական ֆիլմերի խմբագիր, երկրորդ ռեժիսոր և կինոկրկնօրինակումների ռեժիսոր։
Դերեր և բեմադրություններ[խմբագրել | խմբագրել կոդը]
- «Պայթուն»` Շպիկի
- «Տիլ Ուլենշպիգել»` Բրեդերոդեր
- «Վրեժ» (ռեժիսոր)
- «Զվարճալի դեպք» (ռեժիսոր)
- «Պաղտասար աղբար» (ռեժիսոր)
- «Սպանված աղավնի» (ռեժիսոր)
- «Մեծ հարսանիք» (ռեժիսոր)
- «Հայ կինը» (ռեժիսոր)
- «Մեսրոպ Մաշտոց» (ռեժիսոր)
Ֆիլմեր[խմբագրել | խմբագրել կոդը]
- «Համլետ»
- «Զինվորի հայրը»
- «Ամեն ինչ մնում է մարդկանց»
- «Ոչ ոք չի ուզում մեռնել»
- «Ինչու է աղմկում գետը»[3]
Ծանոթագրություններ[խմբագրել | խմբագրել կոդը]
- ↑ Բ. Հովակիմյան, Թատերական օրացույց, Երևան, 2011, էջ 29-30
- ↑ Հայաստանի Հանրապետության պատվավոր կոչումներ շնորհելու մասին
- ↑ Մ. Հուրիխանյան, Հ. Հուրիխանյան, Տ. Հուրիխանյան «Հայ կինոն... գրավոր», Երևան, «Լուսաբաց», 2012, ISBN 978-99-39-69-021-6