Եվգենյա Ավետիսյան

Եվգենյա Ավետիսյան
Ծնվել է	հուլիսի 15, 1923(1923-07-15) Ալեքսանդրապոլ, Հայկական ԽՍՀ, ԱԽՖՍՀ, ԽՍՀՄ
Մահացել է	2011
Քաղաքացիություն	ԽՍՀՄ և  Հայաստան
Մասնագիտություն	բուսաբան
Գործունեության ոլորտ	Պալինոլոգիա
Ալմա մատեր	Երևանի պետական համալսարան
Գիտական աստիճան	կենսաբանական գիտությունների դոկտոր
Գիտական ղեկավար	Արմեն Թախտաջյան
Պարգևներ

Եվգենյա Միքայելի Ավետիսյան (հուլիսի 15, 1923(1923-07-15), Ալեքսանդրապոլ, Հայկական ԽՍՀ, ԱԽՖՍՀ, ԽՍՀՄ - 2011), հայ բուսաբան-փոշեհատիկաբան։ Կենսաբանական գիտությունների դոկտոր (1988)։ ՀՀ-ում ծաղկափոշեբանության հիմնադիրներից։

Կենսագրություն

Եվգենյա Ավետիսյանը ծնվել է 1923 թվականի հուլիսի 15-ին, Լենինական քաղաքում (այժմ՝ Գյումրի), արհեստավորի ընտանիքում։ 1940 թվականին Եվգենյան ընդունվել է Երևանի պետական համալսարանի կենսաբանության ֆակուլտետ, որն ավարտում է 1945 թվականին։ 1944 թվականից աշխատել է ՀՀ գիտությունների ազգային ակադեմիայի բուսաբանության ինստիտուտում։ 1947 թվականից աշխատել է որպես կրտսեր գիտաշխատող, միաժամանակ եղել է ասպիրանտ։ 1950 թվականին ղեկավարել է Բուսաբանության ինստիտուտի բարձրագույն բույսերի համակարգվածության և աշխարհագրության ֆակուլտետի պալինոլոգիական հատվածը։ 1970-ական թվականներից ի վեր Եվգենյա Ավետիսյանն աշխատանքներ է տարել «Հայաստանի ծառերից և թփերից կաղնու ատլասը» ստեղծելու վրա, որն ընդգրկում է ավելի քան 200 տեսակ։ Բացի պալինոլոգիական հետազոտությունից, Եվգենյա Միխայլովնան եղել է նաև Հայաստանի բուսական աշխարհի փորձագետ։ Նա իրականացրել է մի շարք ընտանիքների մշակում շրջանի բուսական աշխարհի մենագրության համար (մասնավորապես, մեխակ, ձավարեղեն, հնդկացորեն, խորդենի)։

Եվգենյա Ավետիսյանը մահացել է 2011 թվականին, 89 տարեկանում։

Գործունեություն

Աշխատանքները վերաբերում են ծաղկավոր բույսերի ընտանիքների, ծաղկափոշու ձևաբանության լուսա և էլեկտրոնամանրադիտակային ուսումնասիրությանը։ Նրա ստացած ծաղկափոշու ձևաբանական տվյալները ներառված են «Հայաստանի ֆլորան» աշխատության բույսերի սեռային ախտորոշիչ հատկանիշների համախմբում։ Եվգենյա Ավետիսյանի (աշխատակիցների հետ) ստեղծած ծաղկափոշու հավաքածուն ընդգրկում է 14000 պատրաստուկ։ Արմեն Թախտաջյանի հետ մասնակցել է Հայաստանի ֆլորայի և բուսականության ուսումնասիրության աշխատանքներին, հեղինակ է բարձրակարգ բույսերի որոշ ընտանիքների տաքսոնոմական մշակման։

Պարգևներ

• «Պատվո նշան» շքանշան (03/18/1976):

Երկեր

• Аветисян Е. М. Морфология микроспор бурачниковых. — 1956. — № 10. — С. 7—66.
• Аветисян Е. М. К палиносистематике некоторых родов трибы Centaureinae семейства Asteraceae. — 1964. — № 14. — С. 31—48.
• Аветисян Е. М. Морфология пыльцы сем. Campanulaceae и близких к нему семейств (Sphenocleaceae, Lobeliaceae, Cyphiaceae) в связи с вопросами их систематики и филогении. — 1967. — № 16. — С. 5—41.

Գրականություն

• Айрапетян А. М. Евгения Михайловна Аветисян (к 80-летию со дня рождения) // Ботанический журнал. — 2004. — Т. 89, № 5. — С. 870—874.
• Айрапетян А. М. Памяти Евгении Михайловны Аветисян // Takhtajania. — 2013. — № 2. — С. 142

Ծանոթագրություններ

Վիքիդարանն ունի նյութեր, որոնք վերաբերում են «Եվգենյա Ավետիսյան» հոդվածին։