Եռանկյուն (ֆիլմ, 2009)
Եռանկյուն անգլ.՝ Triangle | |
---|---|
![]() | |
Երկիր | ![]() ![]() |
Ժանր | սարսափ ֆիլմ և միստիկ ֆիլմ |
Թվական | հոկտեմբերի 16, 2009[1] |
Լեզու | անգլերեն |
Ռեժիսոր | Քրիստոֆեր Սմիթ |
Պրոդյուսեր | Քրիս Բրաուն |
Սցենարի հեղինակ | Քրիստոֆեր Սմիթ |
Դերակատարներ | Ջորջ Մելիսսա, Լիամ Հեմսվորթ, Ռեյչել Քարփանի, Ջեք Թեյլոր, Մայքլ Դորման, Հենրի Նիքսոն[2] և Էմմա Լանգ[2] |
Օպերատոր | Ռոբերտ Հեմփֆրիս |
Երաժշտություն | Քրիստիան Հենսոն |
Պատմվածքի վայր | Ֆլորիդա |
Նկարահանման վայր | Ավստրալիա |
Կինոընկերություն | UK Film Council |
Տևողություն | 99 րոպե[3] |
Բյուջե | 12 000 000 $ |
Շահույթ | 11 282 A$[4] |
«Եռանկյուն» (անգլ.՝ Triangle), Քրիստոֆեր Սմիթի երրորդ լիամետրաժ կինոֆիլմը, Մեծ Բրիտանիայի և Ավստրալիայի արտադրության թրիլեր։ Ֆիլմի գլխավոր հերոսուհին (դերակատար՝ Մելիսսա Ջորջ) ընկերների հետ հայտնվում է լքված նավում, որտեղ մի անծանոթուհուց իմանում է այն մասին, որ ինքը պետք է սպանի իր ընկերներին, որպեսզի վեռադառնա որդու մոտ։
Ֆիլմի համաշխարհային պրեմիերան կայացել է 2009 թվականի օգոստոսի 27-ին։
Սյուժե
[խմբագրել | խմբագրել կոդը]Երիտասարդ միայնակ մայր Ջեսը նստում է «Եռանկյուն» անունով զբոսանավ, որպեսզի օրն անցկացնի իր ընկեր Գրեգի և նրա 4 ընկերների միջավայրում։ Գրեգն ասում է մնացածին, որ չնեղացնեն Ջեսսին. նրա երեխան աուտիկ է։ Ծով դուրս գալուց ժամեր անց զբոսանավը հայտնվում է լիարժեք հանգստության մեջ, ապա խորտակվում՝ սկսված փոթորկի ժամանակ։ Բոլորը, բացի Հիզերից, ով խեղդվում է փոթորկի ժամանակ, ողջ են մնում։ Հոսընթացով շարժվելով շրջված զբոսանավի վրա՝ Գրեգն ու ընկերները տեսնում են հսկայական ուղևորափոխադրող նավ, որի վրա էլ տեղափոխվում են։ Պարզվում է, որ նավը դատարկ է, և այնտեղ ժամերը կանգնել են։ Բայց նրանք նավի վրա մենակ չեն. ինչ-որ մեկը անդադար հետևում է նրանց... Բացի այդ Ջեսը գտնում է իր բանալիների կապոցը, որը պիտի որ մնացած լիներ նավում և խորտակված լիներ փոթորկի ժամանակ։
Բաժանվելով՝ ընկերները հերթով մահանում են. նրանց զենքով սպանում է աշխատանքային հագուստով և դիմակով մի մարդ։ Ողջ է մնում միայն Ջեսսը, ում հաջողվում է հաղթել մարդասպանին։ Մինչև նավից թռչելը մարդասպանը կնոջ ձայնով ասում է Ջեսին, որ սպանվածները շուտով կվերադառնան, և նա ստիպված է նրանց կրկին սպանել, որ վերադառնա տուն։ Աշխատանքային հագուստով մարդը ընկնում է նավից։ Ջեսը տեսնում է, որ նավը մոտենում է շրջված զբոսանավին, որտեղ ինքն ու ընկերներն էին։ Նրանք նորից նավ են մտնում, այդ թվում՝ Ջեսի «կրկնօրինակը»։ Թաքուն հետևելով նրանց՝ Ջեսը հասկանում է, որ ընկել է ժամանակի խոռոչ։ Սկզբում նա փորձում է փրկել բոլորին և չսպանել իր ընկերներին։ Բայց մի քանի փորձից հետո նրան դա չի հաջողվում, բացի այդ նա հայտնաբերում է, որ վերապրել է այդ ամենն արդեն 10 անգամ։
Վերջապես Ջեսը որոշում է սպանել ամբողջ խմբին և հաշվեհարդար է տեսնում ընկերների հետ՝ հագնելով աշխատանքային հագուստ և դիմակ։ Այնուամենայնիվ Ջեսի պատճենը իրեն ծովն է գցում, ինչպես ինքը՝ Ջեսն էր արել առաջին անգամ նավում հայտնվելու ժամանակ։ Ջեսը արթնանում է ծովափում, ուր ծովն էր իրեն քշել, և հասնում է քաղաք։ Նայելով իր տան պատուհանից՝ նա տեսնում է իրեն և որդուն՝ զբոսանավով ճամփորդությունից առաջ. այսինքն նա անցյալ է ընկնում։ Ջեսը տեսնում է, որ իր պատճենը գոռում ու բարկանում է հիվանդ տղայի վրա։ Նա սպանում է իր պատճենին, դիակը գցում մեքենայի բեռնախցիկ և որդու հետ մեկնում նավահանգիստ՝ խոստանալով այլևս երբեք նրան չնեղացնել։ Ճանապարհին նրանք վթարի են ենթարկվում, որտեղ նրա որդին մահանում է, իսկ իր սպանած Ջեսի դիակն ընկնում է բեռնախցիկից։
Տեսնելով, որ որդին մահացել է, նա միանգամից, առանց տուն վերադառնալու, գնում է նավահանգիստ՝ ընկերների մոտ, որտեղ Գրեգը բոլորին ասում էր, որ նրան ոչ ոք չնեղացնի, քանի որ նրա երեխան տառապում է աուտիզմով։
Դերերում
[խմբագրել | խմբագրել կոդը]- Մելիսսա Ջորջ — Ջես
- Մաքիվոր Ջոշուա — Թոմի
- Ջեք Թեյլոր — Ջեք
- Մայքլ Դորման — Գրեգ
- Հենրի Նիքսոն — Դոունի
- Ռեյչլ Կարպանի — Սալլի
- Էմմա Լունգ — Հիզեր
- Լիամ Հեմսվորթ — Վիկտոր
Կարծիքներ
[խմբագրել | խմբագրել կոդը]Կինոքննադատների կողմից ֆիլմը արժանացել է դրական կարծիքների։ Rotten Tomatoes կայքում 38 գրախոսություննրի հիման վրա ֆիլմն ունի 82% վարկանիշ[5]։
Ծանոթագրություններ
[խմբագրել | խմբագրել կոդը]- ↑ Internet Movie Database — 1990.
- ↑ 2,0 2,1 ČSFD (չեխերեն) — 2001.
- ↑ Internet Movie Database — 1990.
- ↑ https://web.archive.org/web/20110218045303/http://film.vic.gov.au/resources/documents/AA4_Aust_Box_office_report.pdf
- ↑ «Եռանկյուն». Rotten Tomatoes.
Արտաքին հղումներ
[խմբագրել | խմբագրել կոդը]- Սաունդթրեքի պաշտոնական կայք Արխիվացված 2010-06-09 Wayback Machine (անգլ.)
- «Triangle»(անգլ.) ֆիլմը Internet Movie Database կայքում
|