Ենոք Ծատուրյան
- Վիքիպեդիայում կան հոդվածներ Ծատուրյան ազգանունով այլ մարդկանց մասին։
Ենոք Ծատուրյան | |
---|---|
Ծնվել է | 1911 |
Ծննդավայր | Բերդ, Ղազախի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն |
Մահացել է | 1942 |
Ենոք Ադիլի Ծատուրյան (1911, Բերդ, Ղազախի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - 1942), հայ մանկավարժ, Երկրորդ համաշխարհային պատերազմի մասնակից, լեյտենանտ։
Ծնվել է Բերդ գյուղում (այժմ՝ քաղաք)։ 1937 թվականին ավարտել է տեղի միջնակարգ դպրոցը և նույն տարում դարձել Երևանի մանկավարժական ինստիտուտի ռուսական բաժնի ուսանող։
1939 թվականին ինստիտուտն ավարտելուց հետո նշանակվել է Շամշադինի շրջանի Պառավաքար գյուղի միջնակարգ դպրոցում որպես ռուսաց լեզվի ուսուցիչ։ 1941 թվականին զորակոչվել է բանակ։ Սկզբում ծառայել է Իրանում, ապա տեղափոխվել է Ղրիմ։ Վերջին նամակը նրանից ստացել է 1942 թվականի ապրիլին, երբ մարտեր էին ընթանում Ղրիմի թերակղզում[1]։
Ծանոթագրություններ[խմբագրել | խմբագրել կոդը]
- ↑ Հ. Մ. Սաղումյան, Հայրենիքի կանչով, Ե., «Հայաստան», 1985, էջ 29։