Եկեղեցու հրապարակ (Պրետորիա)
Եկեղեցու հրապարակ | |
---|---|
Երկիր | ՀԱՀ |
Տեղագրություն | Գաուտենգ և Պրետորիա |
Ստեղծում | 1855 |
Կայք | gauteng.net/attractions/church_square/ |
Եկեղեցու հրապարակ (աֆրիկաանս՝ Kerkplein), ի սկզբանե՝ Շուկայի հրապարակ (հոլ.՝ Marktplein)[1], հրապարակ Հարավային Աֆրիկայի Պրետորիա քաղաքի պատմական կենտրոնում։ Պրետորիայի հիմնադիր Մարտինուս Պրետորիուսը որոշեց, որ հրապարակը օգտագործվի որպես շուկա և եկեղեցական բակ։ Այնուհետև հրապարակը կոչվել է 1856-1905 թվականներին հրապարակի կենտրոնում տեղակայված եկեղեցական շինությունների պատվին։ 1954 թվականից հրապարակի ամենահայտնի կառույցը բուրերի առաջնորդ և Հարավաֆրիկյան Հանրապետության (կամ Տրանսվաալ) նախագահ Պաուլուս Կրյուգերի (1883-1900 թվականներ) արձանն է, հրապարակի կենտրոնում[2]։ Կրյուգերի արձանի ցոկոլային հատվածից ներքև այն շրջապատում են 4 անհայտ բուրերի զինվոր-քաղաքացիների արձաններ։
Ներկայիս շինություններ[խմբագրել | խմբագրել կոդը]
Հրապարակում են գտնվում մի շարք պատմական և ճարտարապետական նշանակության կառույցներ, այդ թվում՝ Հարավային Աֆրիկայի արդարադատության պալատը, Հին Կապիտոլիումի թատրոնը, Թյուդորի պալատները, Օու Ռաադսաալը (Հին խորհուրդ) և Պրետորիայի ընդհանուր փոստատունը, որը նախագծել է Ուիլյամ Հաուքը[3]։
Պատմություն[խմբագրել | խմբագրել կոդը]
Շուկա[խմբագրել | խմբագրել կոդը]
Արտադրանքը տեղափոխվել է Շուկայի հրապարակ վագոնով։ Եթե արտադրանքն անմիջապես վագոնից չէր վաճառվում, տեղադրվում էր գետնի վրա խոշոր եղջյուրավոր անասունների հետ միասին։ 1910 թվականին քաղաքապետարանը կառուցել է շուկայի առաջին մթերանոցը, որը իրավական վեճի պատճառ դարձավ Պրետորիայի շուկայի, գույքային ընկերության և քաղաքային խորհրդի միջև։ Հարցը լուծվեց Լորդ Դե Վիլյերի կողմից, որի որոշմամբ հրապարակի 3/4-ի վերահսկողությունը տրվեց խորհրդին, իսկ շուկան և գույքային ընկերությունը պահպանեցին շուկայի դահլիճը և հրապարակի հյուսիսարևմտյան անկյունի շինությունները մոտ 40 տարի շարունակ[4]։
Ձիակառքերի գծերը նախապես երկաթուղային կայարանը կապում էին շուկայի, եկեղեցու, du Toit և Էսսալեն փողոցների հետ[4]։
2014 թվականի վերականգնման ծրագիր[խմբագրել | խմբագրել կոդը]
Հրապարակի պատմական արժեքը պահպանելու համար 2014 թվականին Հին Ռաադսաալում հայտարարվեց վերականգնման ծրագիր, որով հրապարակի շուրջ ճանապարհները պետք է վերափոխվեին A Re Yeng («Եկեք գնանք») ավտոբուսային ծառայության, իսկ հետիոտնային տարածքները դառնային ավելի մատչելի[5][6], հրապարակի շրջակայքում ծառեր կտնկվեին։ Կրյուգերի արձանը կմնար կենտրոնում, իսկ մանրավաճառների համար հրապարակը փակ կլիներ[5]։
Նշանակալի հուշարձաններ[խմբագրել | խմբագրել կոդը]
- Շրջակայքի նշանակալի հուշարձաններից են՝
- Հարավաֆրիկյան պետական թատրոն
- Պրետորիայի քաղաքապետարանի շենք
- Կրյուգերի պատմական տուն
- Պաուլուս Կրյուգերի եկեղեցի
Պատկերասրահ[խմբագրել | խմբագրել կոդը]
-
Բնօրինակ Շուկայի հրապարակը 1881 թվականին
-
Verenigde եկեղեցին (1885-1905)
-
Բուրերի հրամանատարները հրապարակում Անգլո-բուրական պատերազմի ժամանակ, 1899
-
Հրապարակը 1905 թ.
-
Արդարադատության պալատ, 1988
Ծանոթագրություններ[խմբագրել | խմբագրել կոդը]
- ↑ «President Paul Kruger lays the foundation stone of the Raadsaal on Pretoria's Church Square». sahistory.org.za. 2015 թ․ մայիսի 4. Վերցված է 2016 թ․ մարտի 2-ին.
- ↑ «Church Square». Վերցված է 2014 թ․ փետրվարի 19-ին.
- ↑ Meiring, Hannes (1977). Boukunsskatte van Suid-Afrika. Kaapstad: Human & Rousseau. էջ 44. ISBN 0-7981-0806-1.
- ↑ 4,0 4,1 Beanes. «Reminiscence of Mr Beanes: Pretoria fifty years ago» (PDF). sahra.org.za. Արխիվացված է օրիգինալից (PDF) 2016 թ․ ապրիլի 5-ին. Վերցված է 2016 թ․ մարտի 23-ին.
- ↑ 5,0 5,1 Martins, Du P (2014 թ․ սեպտեմբերի 17). «Church Square to get a face lift». rekordeast.co.za. Վերցված է 2016 թ․ մարտի 23-ին.
- ↑ Martins, Du P (2014 թ․ դեկտեմբերի 2). «Station to Church Square soon part of BRT». rekordeast.co.za. Վերցված է 2016 թ․ մարտի 23-ին.