Դորվարդ Հակոբյան
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Դորվարդ Գուրգենի Հակոբյան | |
---|---|
Ծնվել է | հունիսի 18, 1943 (80 տարեկան) |
Ծննդավայր | Երևան, Հայկական ԽՍՀ |
Քաղաքացիություն | ԽՍՀՄ Ռուսաստան |
Կրթություն | ՀԱՊՀ (1966) |
Մասնագիտություն | ֆիզիկոս, նկարիչ |
Կայք | Պաշտոնական կայքէջ(ռուս.)] |
Դորվարդ Գուրգենի Հակոբյան (ռուս.՝ Дорвард Гургенович Акопян, հունիսի 18, 1943, Երևան, Հայկական ԽՍՀ), հայազգի ռուսաստանյան ֆիզիկոս, նկարիչ։
Կենսագրություն[խմբագրել | խմբագրել կոդը]
Դորվարդ Գուրգենի Հակոբյանը ծնվել է 1943 թվականի հունիսի 18-ին Երևանում։ 1966 թվականին ավարտել է Երևանի Պոլիտեխնիկական Ինստիտուտը՝ ինժեներ-էլեկտրիկ մասնագիտությամբ։ 1967 թվականին աշխատանքի է անցել Ռուսաստանի Սոսնովի Բոր քաղաքի, այնուհետև՝ Ղազախստանի Շևչենկո (այժմ՝ Ակտաու) քաղաքի ատոմակայաններում։ 1974 թվականին գիտական աշխատանքի է անցել Դ.Վ. Եֆրեմովի անվան էլեկտրոֆիզիկական սարքերի գիտահետազոտական ինստիտուտում, որտեղ գիտական գործունեությամբ է զբաղվել շուրջ 40 տարի։ 1981 թվականին՝ Լենինգրադի էլեկտրոտեխնիկական ինստիտուտում, հաջողությամբ պաշտպանել է թեկնածուական ատենախոսություն։ Բազմաթիվ գիտական հոդվածների և հարյուրից ավել գիտական հայտնագործությունների հեղինակ է։ Ամուսնացած է, ունի երկու որդի։ Ընտանիքի հետ բնակվում է Սանկտ Պետերբուրգում։
Ստեղծագործություններ[խմբագրել | խմբագրել կոդը]
Դորվարդ Հակոբյանը սկսել է նկարչությամբ հետաքրքրվել դեռևս վաղ տարիքից։ 1998 թվականին նա ավարտել է Սանկտ Պետերբուրգի գեղարվեստի ակադեմիաի նկարչական երեկոյան դասընթացը և նույն թվականին էլ հանդես եկել իր առաջին ցուցահանդեսով, որը ջերմ ընդունելություն է գտել արվեստասեր հասարակության կողմից։ Դորվարդ Հակոբյանը հանդես է եկել հարյուրից ավելի ցուցահանդեսներով՝ ռուսաստանյան և արտասահմանյան մի շարք հեղինակավոր ցուցասրահներում։
Պարգևներ և կոչումներ[խմբագրել | խմբագրել կոդը]
- «ՆԻԻԷՖԱ-ի 1989 թվականի լավագույն գյուտարար» («Лучший изобретатель НИИЭФА 1989 года»)
- «Ատոմային էներգիայի և արտադրության վետերանի շքանշան», 2000, ՌԴ ատոմային էներգիայի նախարարություն (Знак «Ветеран атомной энергетики и промышленности» (2000, Министерство РФ по Атомной Энергии)
Անդամակցություն[խմբագրել | խմբագրել կոդը]
- Սանկտ Պետերբուրգի նկարիչների միության անդամ
- Ռուսաստանի նկարիչների միության անդամ
- ՅՈՒՆԵՍԿՕ-ի նկարիչների միջազգային միության անդամ
Գիտական աշխատություններ[խմբագրել | խմբագրել կոդը]
- Акопян, Д. Г., Управление и защита сверхпроводниковых магнитных систем: монография, Ленинград: Энергоатомиздат. Ленингр. отделение, 1991.
Արտաքին հղումներ[խմբագրել | խմբագրել կոդը]
- Դորվարդ Հակոբյանի պաշտոնական կայքէջ(ռուս.)
- Դորվարդ Հակոբյանի կտավները(ռուս.)
- Դորվարդ Հակոբյանի կենսագործունեությունը(ռուս.)
- Հարցազրույց Դորվարդ Հակոբյանի հետ(ռուս.)
- Հակոբյան. Իմ նկարներն ավելի լավ են արտահայտում իմ մտքերը, քան բառերը
- Դորվարդ Հակոբյանի ցուցահանդեսը՝ Սանկտ Պետերբուրգում
- Սանկտ Պետերբուրգում բացվել է Դորվարդ Հակոբյանի անձնական ցուցահանդեսը