Դոմինիկ Ռոշտո

Դոմինիկ Ռոշտո; ֆր.՝ Dominique Rocheteau
Քաղաքացիությունը	Ֆրանսիա
Ծննդյան ամսաթիվ	հունվարի 14, 1955 (69 տարեկան)
Ծննդավայր	Սենտ
Հասակ	176 սանտիմետր
Քաշ	68 կիլոգրամ
Դիրք	հարձակվող

Դոմինիկ Ռոշտո (հունվարի 14, 1955(1955-01-14)^[1]^[2], Սենտ), ֆրանսիացի ֆուտբոլիստ, հարձակվող, Ֆրանսիայի ֆուտբոլի ֆեդերացիայի էթիկայի ազգային հանձնաժողովի ղեկավար։

Կենսագրություն[խմբագրել | խմբագրել կոդը]

Ռոշտոն իր պրոֆեսիոնալ կարիերան սկսել է «Սենտ Էտյենում», որն այդ ժամանակ Ֆրանսիայի ամենահաջողակ և սիրված ֆուտբոլային ակումբն էր։ Ռոշտոն շարժուն և ճարպիկ էր, խաղում էր աջ ծայրամացից, երկրպագուները նրան տվել էին «Կանաչ հրեշտակ» մականունը։ Վնասվածքի պատճառով նա կարողացավ խաղալ միայն վերջին 8 րոպեները 1975/1976 Եվրոպական գավաթի եզրափակչում, որը «Սենտ Էտիենը» պարտվեց «Բավարիային» (0:1)^[3]։ «Սենտ Էտյենի» կազմում նա 3 անգամ նվաճել է Ֆրանսիայի առաջնությունը 1974-1976 թվականներին, մեկ անգամ՝ Ֆրանսիայի գավաթը 1977 թվականին։ 1980 թվականին տեղափոխվել է «Պարի Սեն-Ժերմեն», որի հետ նվաճել Է Ֆրանսիայի ևս մեկ առաջնություն (1986 թվականին) և Ֆրանսիայի երկու գավաթ (1982 և 1983 թվականներին)։ 1987 թվականին Ռոշտոն տեղափոխվել է «Թուլուզ», որի կազմում անցկացրել է երկու մրցաշրջան, որից հետո ավարտել է կարիերան 1989 թվականին։

Ֆրանսիայի հավաքականի կազմում 1975-1986 թվականներին Ռոշտոն անցկացրել է 49 հանդիպում, որոնցում խփել է 15 գոլ։ Մասնակցել է 1978, 1982 և 1986 թվականների աշխարհի առաջնություններին։ В1986 թվականին Մեքսիկայում Ֆրանսիայի հավաքականի հետ դարձել է աշխարհի առաջնության բրոնզե մեդալակիր։ Մասնակցել է Ֆրանսիայի համար հաղթական Եվրոպայի 1984 թվականի առաջնությանը (վնասվածքի պատճառով Ռոշտոն չկարողացավ մասնակցել եզրափակիչ խաղին)։

Ֆուտբոլից բացի հայտնի է նաև նրանով, որ ունի արմատական ձախ հայացքներ և համակրում է տրոցկիստական ուժերին՝ հեղափոխական կոմունիստական լիգային և «Աշխատանքային պայքար» կուսակցությանը^[4]։

Ձեռքբերումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Ֆրանսիայի չեմպիոն(4)։ 1973/1974, 1974/1975, 1975/1976 («Սենտ Էտյենի» կազմում), 1985/1986 («Պարի Սեն-Ժերմենի» կազմում)
Ֆրանսիայի գավաթակիր (3). 1976/1977 («Սենտ Էտյենի» կազմում), 1981/1982, 1982/1983 («Պարի Սեն-Ժերմենի» կազմում)
Եվրոպական չեմպիոնների գավաթի եզրափակչի մասնակից. 1975/1976 («Սենտ Էտյենի» կազմում)

Հավաքականում[խմբագրել | խմբագրել կոդը]

Եվրոպայի չեմպիոն՝ 1984 թվական
Աշխարհի առաջնության բրոնզե մեդալակիր՝ 1986 թվական

Ծանոթագրություններ[խմբագրել | խմբագրել կոդը]

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 Արգենտինական ֆուտբոլի տվյալների շտեմարան (իսպ.)
↑ Маккензи Дж. Минус эмоции // Футбол-Хоккей. 16 мая 1976. № 20 (834). С. 14—15
↑ «"Dans le foot, j'étais une bête curieuse"» (ֆրանսերեն). L'EXPRESS.fr. 2005 թ․ ապրիլի 25. Արխիվացված է օրիգինալից 2011 թ․ փետրվարի 3-ին. Վերցված է 2011 թ․ սեպտեմբերի 23-ին. {{cite web}}: Unknown parameter |deadurl= ignored (|url-status= suggested) (օգնություն)

Արտաքին հղումներ[խմբագրել | խմբագրել կոդը]

Վիճակագրությունը National Football Teams կայքում(անգլ.)

Профиль на сайте газеты L’Equipe(ֆր.)
Официальный сайт(ֆր.)

Վիքիպահեստն ունի նյութեր, որոնք վերաբերում են «Դոմինիկ Ռոշտո» հոդվածին։

[_adc9382c16aee092-1] 1,0 ^1,1 Transfermarkt.com(բազմ․) — 2000.

[_5aa287af0dbf15c3-2] 2,0 ^2,1 Արգենտինական ֆուտբոլի տվյալների շտեմարան (իսպ.)

[3] Маккензи Дж. Минус эмоции // Футбол-Хоккей. 16 мая 1976. № 20 (834). С. 14—15

[4] «"Dans le foot, j'étais une bête curieuse"» (ֆրանսերեն). L'EXPRESS.fr. 2005 թ․ ապրիլի 25. Արխիվացված է օրիգինալից 2011 թ․ փետրվարի 3-ին. Վերցված է 2011 թ․ սեպտեմբերի 23-ին. {{cite web}}: Unknown parameter |deadurl= ignored (|url-status= suggested) (օգնություն)

[1]

[2]

[3]

[4]