Դիֆրոս

Վիքիպեդիայից՝ ազատ հանրագիտարանից
Jump to navigation Jump to search
Ապոլլոնը՝ դիֆրոսին նստած (մ. թ. ա. մոտավորապես 460 թվական)
Հռոդոսի մերձակայքից պեղված դամբանասյան քանդակ (մահացած աղջկա ոգին նստած է դիֆրոսի վրա, նրա առջև կանգնած է սիրած երիտասարդը, որը հենց դամբանի պատվիրատուն է )

Դիֆրոս (հունարեն՝ Δίφρος), հին հույների և հռոմեացիների կողմից գործածված թեթև աթոռակ՝ առանց թիկնակի, չորս ձևավոր ոտքերով: Հռոմեացիներն այն անվանել են sella: Հեշտությամբ այն կարելի էր տեղից տեղ տանել և առօրյայում լայնորեն գործածվող առարկա էր: Պարթենոն տաճարի ֆրիզի քանդակներում աստվածները նստած են հենց դիֆրոսների վրա: Այդպիսի աթոռակներ էին օգտագործում նաև կանայք իրենց տներում:

Աթոռակների ոտքերը տեղադրվում էին ուղղահայաց կամ խաչաձև: Վերջինիս դեպքում աթոռակը կարող էր լինել ծալովի: Ծալովի աթոռակը կոչվում էր δίφρος ὀκλαδίας՝ դիֆրոս օկլադիս: Նստատեղը պատրաստվում էր խաչաձևվող գոտիներից:

Ծալովի աթոռակի կառուցվածքը հույները փոխ էին առել հին եգիպտացիներից: Տարբերությունն այն էր, որ վերջիններս ծալովի աթոռակի ոտքերը սովորաբար փայտե ուղղահայաց ձողերից էին պատրաստում, իսկ հին հույները դրանց գազանների թաթերի ձև էին տալիս[1]:

Դիֆրոս էին կոչվում նաև մարտակառքերի թամբաձև զույգ կանգնակները, որոնցից մեկի վրա կանգնում էր մարտակառքը վարողը՝ ἡνίοχος-ը (հենիոկոսը), իսկ մյուսին՝ ռազմիկը παραιβάτης-ը (պարաիբատեսը):

Դիֆրոս կոչվող այս առարկաները ընդամենը մի փոքրիկ մասն էին կազմում հնագույն այն կահ-կարասու, որ վկայված է այդ ժամանակաշրջանի տեքստերում ու պատկերներում:

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Christopher Payne Sotheby's Concise Encyclopedia of Furniture. — Conran Octopus, 1989. — P. 15-16. — 208 p. — ISBN 1-85029-049-9 (անգլ.)

Աղբյուրներ[խմբագրել | խմբագրել կոդը]

  • A Handbook of Greek Art [1] by Gisela M. A. Richter
  • Hesperia [2] by American School of Classical Studies at Athens
  • Diphros (furniture)[3] Encyclopædia Britannica
  • Furniture of Ancient Greece [4] by A. Whitham
  • Daidalos and the Origins of Greek Art [5] by Sarah P. Morris
  • Diphros in Google Images