Իշխան Դիմիտրիե Գիկա (ռումիներեն՝ Dimitrie Ghica, մայիսի 31, 1816(1816-05-31), Բուխարեստ, Ռումինիա - փետրվարի 15, 1897(1897-02-15), Բուխարեստ, Ռումինիա), ռումինացի քաղաքական և պետական գործիչ։ Ռումինիայի պահպանողական կուսակցության կարկառուն գործիչներից մեկը։ 1868 թվականի նոյեմբերի 16-ից մինչև 1870 թվականի հունվարի 27-ը եղել է Ռումինիայի արտաքին գործերի նախարար։ Եղել է նաև ներքին գործերի նախարար, Ռումինիայի թագավորության վարչապետ (1868, նոյեմբերի 16-1870, հունվարի 27)։ Ռումինիայի Սենատի ներկայացուցիչ։
Դիմիտրիե Գիկան սերում է ալբանական ծագմամբ բալկանյան ազնվական ընտանիքից։ 1822-1828 թվականներին Վալախիայի իշխան Գրիգորի IV Գիկայի որդին է։ Սովորել է Վիեննայի և Բեռլինի ռազմական դպրոցներում։ Որոշ ժամանակ ծառայել է որպես ռուսական կայսերական գվարդիայի սպա։ Ավելի ուշ եղել է Բողոքարկման դատարանի անդամ, ծառայել է ոստիկանությունում, եղել է մայրաքաղաքի առաջին պրեֆեկտը, Ներքին գործերի նախարարը։
1871 թվականի մայիսից մինչև 1875 թվականի հունվար և 1875 թվականի մայիսից մինչև 1876 թվականի փետրվար եղել է Պատգամավորների պալատի նախագահ։ Եղել է Ռումինիայի Սենատի նախագահ, 1879-1888 թվականներին և 1895 թվականի դեկտեմբերից մինչև 1897 թվականի փետրվար՝ օրենսդիր մարմինների պատգամավոր։ 1868 թվականի նոյեմբերի 16-ից մինչև 1870 թվականի հունվարի 27-ը ղեկավարել է Ռումինիայի Իշխանության կառավարությունը, միաժամանակ զբաղեցրել է արտաքին գործերի նախարարի և հանրային աշխատանքների նախարարի պաշտոնները։
եղել է ազգային միասնության, պետության բարգավաճման և կայունության գաղափարների կողմնակից։
Ռումինիա
