Դեշանախոտ

Վիքիպեդիայից՝ ազատ հանրագիտարանից

Դեշանախոտ (լատ.՝ Deschampsia), մարգագետնախոտ, մանրախոտ, դաշտավլուկազգիների (հացազգիներ) ընտանիքի բազմամյա խոտաբույսերի ցեղ։ Հայտնի է 60 (այլ տվյալներով՝ 100), ՀՀ-ում՝ 1 տեսակ՝ դեշանախոտ ճմոտ լատ.՝ D. caespitosa։ Աճում է խոնավ մարգագետիններում, անտառներում, գետափերին, առաջացնում ճմաթմբեր և նպաստում ճահճացմանը։ Ցողունը մերկ է, բարձրությունը՝ մինչև 125 սմ։ Տերևները նեղգծաձև են, վառ կանաչ։ Ծաղկաբույլը փռված է, հուրանանման, հասկիկները՝ մանր։ Ծաղկում է հունիս-հուլիսին։ Ցածր որակի կերաբույս է։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png