Դենիս Էպոտե
| Դենիս Էպոտե | |
|---|---|
| Ծնվել է | նոյեմբերի 22, 1954[1] (69 տարեկան) |
| Ծննդավայր | Nkongsamba, Լիտտորալ, Կամերուն |
| Քաղաքացիություն |  Կամերուն |
| Կրթություն | Յաունդեի տեղեկատվական և հաղորդակցական գիտատեխնոլոգիական բարձրագույն դպրոց |
| Մասնագիտություն | լրագրող և հաղորդավար |
| Աշխատավայր | Ֆրանսիական միջազգային ռադիո և TV5 Monde |
| Պարգևներ և մրցանակներ | |
Դենիս Լոուրենս Դյենգու Էպոտե[3] (ֆր.՝ Denise Epoté, նոյեմբերի 22, 1954[1], Nkongsamba, Լիտտորալ, Կամերուն), կամերունցի լրագրող։ Եղել է առաջին լրագրողը, որ Կամերունի ազգային հանրային հեռուստատեսությամբ ներկայացրել է նորությունները ֆրանսերենով։ Լրատվամիջոցը հետագայում դարձել է Կամերունի ռադիոհեռուստատեսություն։ 2022 թվականի հունվարին մամուլի խմբի տնօրենների խորհրդի ավարտին Դենիզ Էպոտեն երեք անգամ նշանակվեց TV5Monde-ի, TV5Monde USA-ի PCA-ի և TV5Monde Latin America-ի PCA-ի շուկայավարման տնօրենի պաշտոնը ստանձնելով 2022 թվականի փետրվարի 1-ին։
Կյանք
[խմբագրել | խմբագրել կոդը]Ծնվել է 1954 թվականի նոյեմբերի 22-ին[4]։ Նրա հայրը` Ժան Կլոդ Էպոտեն, եղել է ֆինանսական ոլորտի աշխատող։ Նրա ծնողներն այժմ թոշակառու են[3]։ Ընտանիքի ավագ զավակն է, ունի մեկ քույր և երկու եղբայր։ Միջնակարգ կրթություն ստանալուց հետո ընդունվել է Յաունդեի լրագրողական միջազգային դպրոց[5]։ 1991 թվականին նա ամուսնացել է կամերունցի բարձրաստիճան պաշտոնյա Դուրանդի հետ։ Նրանք բաժանվել են[6]։
Կարիերա
[խմբագրել | խմբագրել կոդը]1981 թվականին նա սկսել է իր կարիերան Կամերունի ռադիոյում։ 1985 թվականին նա դարձել է Կամերունի ազգային ալիքի առաջին կին ներկայացուցիչը։ Իր անգլիախոս աշխատակից Էրիկ Չինջեի հետ նրանք նորություններ են հաղորդել 1985-1993 թվականներին[7]։ 1993 թվականին Կամերունի ռադիոհեռուստատեսությունից հեռանալուց հետո[7] նա տեղափոխվում է TV5 Monde և Ֆրանսիական միջազգային ռադիո[8]։ 2022 թվականի հունվարին մամուլի խմբի տնօրենների խորհրդի ավարտին Դենիզ Էպոտեն երեք անգամ նշանակվեց TV5Monde-ի, TV5Monde USA-ի PCA-ի և TV5Monde Latin America-ի PCA-ի շուկայավարման տնօրենի պաշտոնը ստանձնելով 2022 թվականի փետրվարի 1-ին[9]։
Հեռարձակումներ
[խմբագրել | խմբագրել կոդը]1999 թվականին Դենիս Էպոտեն վարում է «Եվ եթե դու ինձ ասես ամբողջ ճշմարտությունը» ամենաշաբաթյա շոուն։ Այս հեռուստաշոուն բաց է բոլորի համար, ում հետաքրքրում է Աֆրիկայի ապագան։ Հաղորդման ժամանակ Դենիսը հյուրերի հետ քննարկում է Աֆրիկայի ամենահրատապ խնդիրները[10]։ 2009 թվականին, նախագծի 10-ամյակի առթիվ Դենիսը հրավիրել էր Մալիի նախագահ Ամադու Տումանի Տուրեին։ Այդ ժամանակ հաղորդումն արդեն ունեցել էր ավելի քան 200 հյուր։ Նախագծի սկզբից նա հրավիրել էր մի շարք հայտնի մարդկանց, ինչպիսիք են Անդրի Ռաջուելինան, Օմար Բոնգոն, Ջեյմս Միշելը, գեներալ Մոհամեդ Օուլդ Աբդել Ազիզը և Ամինատա Թրաորեն[11]։ Նա վարում է նաև «Աֆրիկյան մամուլ» հաղորդումը, որի ժամանակ հարթակ է տրամադրվում «Ազատության ամսագրի» լրագրողներին, որտեղ նրանք քննարկում են Աֆրիկայի նորությունները[12]։ Կիրակի օրերը նա ամփոփում է նախորդ շաբաթվա աֆրիկյան նորությունները «Դենիս Էպոտեի շաբաթ» սյունակում[13]։
Պարգևներ
[խմբագրել | խմբագրել կոդը]Իր կարիերայի սկզբում Դենիս Էպոտեն արդեն ստացել էր մի շարք պարգևներ։ 2001 թվականին Ադուջայում Դենիսը պարգևատրվել է որպես լավագույն հեռուստամեկնաբան[14]։ 2013 թվականի մայիսին նա արժանացել է Պատվո լեգեոնի շքանշանի։ Արժանացել է Ֆրանսիայի, Բուրկինա Ֆասոյի, Սենեգալի և Կամերունի մի շարք պարգևների։ 2014 թվականին ներառվել է Աֆրիկայի ամենաազդեցիկ մարդկանց շարքում (ըստ Ֆորբսի)։
Ծանոթագրություններ
[խմբագրել | խմբագրել կոդը]- ↑ 1,0 1,1 http://www.cameroon-info.net/stories/0,13868,@,jardin-secret-denise-epote-durand-journaliste.html
- ↑ 2,0 2,1 http://www.lebledparle.com/actu/bled/talentsdubled/753-denise-epote-elevee-a-la-legion-d-honneur-en-france
- ↑ 3,0 3,1 «Cameroon-Info.Net - Jardin secret: Denise Epoté Durand, journaliste». Cameroon-info.net. Արխիվացված է օրիգինալից 2016 թ․ հունվարի 28-ին. Վերցված է 2016 թ․ հունվարի 22-ին.
- ↑ «Journal Du Cameroun.com: Décoration: Denise Epoté élevée à la légion d'honneur en France». Journalducameroun.com. Արխիվացված է օրիգինալից 2017 թ․ հունվարի 15-ին. Վերցված է 2016 թ․ հունվարի 28-ին.
- ↑ Ekoulle, Flore. «Cameroun Online - Denise Epoté : un talent de femme». Cameroun-online.com. Արխիվացված է օրիգինալից 2016 թ․ փետրվարի 3-ին. Վերցված է 2016 թ․ հունվարի 28-ին..
- ↑ «Archived copy». Արխիվացված է օրիգինալից 2016 թ․ հունվարի 31-ին. Վերցված է 2016 թ․ հունվարի 30-ին.
{{cite web}}: CS1 սպաս․ արխիվը պատճենվել է որպես վերնագիր (link) - ↑ 7,0 7,1 «DENISE EPOTE: "Les femmes doivent savoir dire non"». Leral.net S'informer en temps réel. Վերցված է 2016 թ․ հունվարի 28-ին.
- ↑ «Denise Epoté / France Inter». France Inter. Վերցված է 2016 թ․ հունվարի 22-ին.
- ↑ «Denise Epoté prend du galon au sein de TV5 Monde». Financial Afrik. Վերցված է 2022 թ․ հունվարի 12-ին.
- ↑ «TV5MONDE : accueil». TV5MONDE. Արխիվացված է օրիգինալից 2016 թ․ հունվարի 31-ին. Վերցված է 2016 թ․ հունվարի 28-ին.
- ↑ «JournalDuMali.com: Denise Epoté Durand a interviewé ATT à Bamako». Journaldumali.com. Արխիվացված է օրիգինալից 2013 թ․ հոկտեմբերի 17-ին. Վերցված է 2016 թ․ հունվարի 28-ին.
- ↑ «TV5MONDE Afrique - L'actualité de l'Afrique en tv video». Tv5monde.com. Վերցված է 2016 թ․ հունվարի 28-ին.
- ↑ «La semaine de RFI». rfi.fr. Վերցված է 2016 թ․ հունվարի 28-ին.
- ↑ «Denise Epoté - Rebranding africa forum». Rebranding africa forum (ֆրանսերեն). Արխիվացված է օրիգինալից 2016 թ․ նոյեմբերի 5-ին. Վերցված է 2016 թ․ հունվարի 28-ին.
