Դենիզ Քոութս

Վիքիպեդիայից՝ ազատ հանրագիտարանից
Դենիզ Քոութս
անգլ.՝ Denise Coates
Ծնվել էսեպտեմբերի 26, 1967(1967-09-26)[1] (55 տարեկան)
ԾննդավայրՍթոք-օն-Թրենտ, Սթոք-օն-Թրենթ, Սթեֆորդշիր, Անգլիա, Միացյալ Թագավորություն
ՔաղաքացիությունFlag of the United Kingdom (1-2).svg Միացյալ Թագավորություն
ԿրթությունՇեֆիլդի համալսարան
Մասնագիտությունգործարար
Աշխատավայրbet365?
Ծնողներհայր՝ Peter Coates?
Պարգևներ և
մրցանակներ

Դենիզ Քոութս (սեպտեմբերի 26, 1967(1967-09-26)[1], Սթոք-օն-Թրենտ, Սթոք-օն-Թրենթ, Սթեֆորդշիր, Անգլիա, Միացյալ Թագավորություն), բրիտանացի բիզնես լեդի, միլիարդատեր, Bet365 կազմակերության հիմնադիրը և գործադիր տնօրենը[4]։

2019 թվականի հոկտեմբերին Forbes ամսագիրը Քոութսի սեփական կապիտալը գնահատել է 12,2 մլրդ դոլար[5]։ 2018 թվականին Քոութսին վճարել են 323 միլիոն ֆունտ ստերլինգ՝ ներառյալ ընկերության շահաբաժինների 50 տոկոսը 92,5 միլիոն ֆունտ ստերլինգով[6]։ 2019 թվականի դրությամբ Քոութսը բրիտանական ընկերությունների ամենաբարձր վարձատրվող գործադիր տնօրենն էր և Մեծ Բրիտանիայի ամենահարուստ կանանցից մեկը՝ «Sunday Times Rich»-ի ցուցակի համաձայն։

Վաղ կյանք[խմբագրել | խմբագրել կոդը]

Դենիզ Քոութսը «Սթոք Սիթի» ֆուտբոլային ակումբի նախագահ Պիտեր Քոութսի ավագ դուստրն է և Bet365-ի տնօրենը։ Նա Շեֆիլդի համալսարանում ստացել է էկոնոմետրիկայի առաջին աստիճանի դիպլոմ։

Գործունեություն[խմբագրել | խմբագրել կոդը]

Դպրոցում ուսանելու ընթացքում Քոութսը սկսել է աշխատել Provincial Racing ֆինանսական դեպարտամենտում՝ իր ընտանիքին պատկանող բուքմեյքերական գրասենյակում։ Համալսարանն ավարտելուց հետո շարունակել է աշխատել Provincial Racing ընկերությունում որպես հաշվապահ։ Դրանից հետո՝ 1995 թվականին, Քոութսը դարձել է փոքր խանութների ցանցի կառավարիչ տնօրեն։ Նույն տարում նա Barclays-ից վարկ է ստացել մրցակից ցանցի ձեռքբերման համար։

Bet365[խմբագրել | խմբագրել կոդը]

2000 թվականի հունվարին Քոութսը ձեռք է բերել Bet365.com դոմեյն անունը[7]։ Այն գործարկվել է 2001 թվականին՝ որպես առցանց խաղադրույքների կայք։ Ընկերությունը 15 միլիոն ֆունտ ստերլինգ է վերցրել Շոտլանդիայի թագավորական բանկից (անգլ.՝ The Royal Bank of Scotland Plc) Քոութս ընտանիքին պատկանող խաղադրույքների խանութների գրավի դիմաց։ 2005 թվականին դրանք 40 միլիոն ֆունտով վաճառվել են Coral-ին՝ մարելով RBS-ին ունեցած վարկը։

2016 թվականի դրությամբ Bet365-ը առցանց մոլախաղերի խոշորագույն ընկերություններից մեկն էր աշխարհում՝ $2 միլիարդ եկամուտով և $45 միլիարդ տարեկան խաղադրույքների հնարավորությամբ։ Ընկերությանը պատկանում է նաև Stoke City Football Club-ի բաժնետոմսերի մեծամասնությունը։ 2015 թվականին Bet365-ը իր գլխավոր գրասենյակը Սթոքից տեղափոխել է Ջիբրալթար՝ բիզնեսի առավել բարենպաստ օրենքների պատճառով։ Քոութսը շարունակում է ղեկավարել ընկերությունը իր եղբոր և գործադիր տնօրեն Ջոն Քոութսի հետ[8]։

Քոութսը Bet365-ի բաժնետոմսերի 50,01%-ի մեծամասնության բաժնետերն է։ 2019 թվականի դեկտեմբերի դրությամբ նրա անձնական կարողությունը գնահատվում է 12 միլիարդ դոլար[5]։

Անձնական կյանք[խմբագրել | խմբագրել կոդը]

Քոութսը ամուսնացած է Ռիչարդ Սմիթի հետ, ապրում են Սանդբաչին մոտ գտնվող Բեթչթոուն բնակավայրում։ Նա վարում է Aston Martin մակնիշի մեքենա՝ անհատականացված պետհամարանիշներով՝ իր անվան սկզբնատառերով։

Նրանք ունեն հինգ երեխա, այդ թվում՝ չորսը, որոնց մասին 2014 թվականի մարտին հաղորդվել էր որպես «վերջերս որդեգրված մի ընտանիքից»։

Մրցանակներ[խմբագրել | խմբագրել կոդը]

2012 թվականի հունվարին Քոութսն արժանացել է Բրիտանական կայսրության շքանշանի՝ հասարակությանը և բիզնեսին մատուցած ծառայությունների համար[9]։ Նա 2012 թվականին Սթենֆորդշիրի համալսարանի կողմից ստացել է պատվավոր դոկտորի կոչում[10]։

2013 թվականին Քոութսը ճանաչվել է Մեծ Բրիտանիայի 100 ամենաազդեցիկ կանանցից մեկը՝ ըստ «Woman’s Hour BBC Radio 4»-ի տվյալների[11]։

2019 թվականին Քոութսը ներկայացվել է սպորտային խաղադրույքների Փառքի սրահում, որը կառավարվում է Sports Betting Community (SBC) համայնքի կողմից՝ խաղային ինդուստրիայում իր առաջնորդության համար[12]։

Ծանոթագրություններ[խմբագրել | խմբագրել կոդը]

  1. 1,0 1,1 https://www.telegraph.co.uk/business/2019/12/18/bet365-chief-denise-coates-retains-crown-britains-best-paid/
  2. https://www.independent.co.uk/news/people/profiles/against-the-odds-denise-coatess-good-fortune-9169196.html
  3. http://www.staffs.ac.uk/events/graduation/2012/honoraries/denise_coates/index.jsp
  4. Gill Oliver (2019-12-18)։ «Bet365's Denise Coates cements place as world's best-paid woman with £320m payday»։ The Telegraph։ 0307-1235։ Վերցված է 2020-12-28 
  5. 5,0 5,1 «Denise Coates»։ Forbes (անգլերեն)։ Վերցված է 2020-12-28 
  6. «Subscribe to read | Financial Times»։ www.ft.com։ Վերցված է 2020-12-28 
  7. «Denise Coates: the hidden 24/7 woman behind Bet365»։ the Guardian (անգլերեն)։ 2012-06-08։ Վերցված է 2020-12-29 
  8. correspondent Rupert Neate Wealth (2018-11-21)։ «Bet365 founder paid herself an 'obscene' £265m in 2017»։ The Guardian։ 0261-3077։ Վերցված է 2020-12-29 
  9. «Denise Coates is among those named in New Year Honours»։ BBC News։ 2011-12-31։ Վերցված է 2020-12-28 
  10. «Denise Coates CBE - Honorary Graduate - Staffordshire University»։ www.staffs.ac.uk։ Վերցված է 2020-12-28 
  11. «Denise Coates»։ www.bbc.co.uk։ Վերցված է 2020-12-28 
  12. «SBC Announces New Inductees for Sports Betting Hall of Fame»։ SBC News (en-US)։ 2019-08-30։ Վերցված է 2020-12-28 

Արտաքին հղումներ[խմբագրել | խմբագրել կոդը]