Դեղին թեյ

Վիքիպեդիայից՝ ազատ հանրագիտարանից
Jump to navigation Jump to search
Դեղին թեյ
Yinzhen.jpg
ՏեսակԴեղին
ԵնթատեսակՉինական
ԾագումՉինաստանի Ժողովրդական Հանրապետություն Չինաստան

Դեղին թեյ, թեյի հազվագյուտ և թանկարժեք[1][2] տեսակ, որ ենթարկվում է թույլ ֆերմենտացիայի։ Դեղին թեյը ֆերմենտացիայի դասակարգման աստիճանում 3-րդ հորիզոնականում է՝ կանաչ թեյից հետո, որ ունի մոտ 7-10% ֆերմենտացիա։

Դեղին թեյը պատրաստվում է բարձրորակ հումքից բացառապես միայն Չինաստանում՝ Սիչուան, Հունան, Չժեցիան, Ֆիձույան գավառներում։ Համարվում է արքայական թեյ, շատ երկար ժամանակ դեղին թեյը խնամքով թաքցվում էր օտարերկրացիներից, իսկ դրա պատրաստման գաղտնիքների բարձրաձայնման դեպքերըխստորեն պատժվում էին։ Հայտնի է Տանի դարաշրջանից (8-րդ դար

Նկարագիր[խմբագրել | խմբագրել կոդը]

Տարատեսակներ. լինում է տուփով՝ Ցյուն շան Ին Չժեն (Ցյուն շան լեռի արծաթագույն ասեղներ, 君山银针), Ին Չժեն (արծաթագույն ասեղներ, 银针), ինչպես նաև լինում է տերևներով, որ բաժանվում են փոքր և մեծ խմբերի՝ Հոշան Հուան Յա (霍山黄芽), Բեյգան Մացյան (北港毛尖)։ Դեղին թեյը չինական թեյերի ամենահազվագյուտ տեսակն է։

Պատրաստման տեխնոլոգիա[խմբագրել | խմբագրել կոդը]

Ավանդական տեսակները ինչպիսիք են Ցյուն շանը Ին Չժենը և Մեն Դին Հուն յան, պատրաստվում են ամենաբարձր որակի հումքից, միայն «ճարպոտ»՝ մեծ և ծանր, չվնասվող տերևնորից։ Դրա համար կան 9 անխախտելի կանոններ, որոնց համաձայն չի կարելի թեյ հավաքել անձրևոտ օրերին, չի կարելի պոկել բողբոջը, եթե այն ցողով է պատված, չի կարելի պոկել մանուշակագույն բողբոջը, խոռոչային բողբոջը, ինչպես նաև չափազանց երկար և չափազանց կարճ բողբոջները։

Թեյի պատրաստումը կարող է տևել մոտ 3 օր։ Թեյն անցնում է մի քանի փուլերով. Համի վրա ազդեցություն ունեցող փուլը թեյը մագաղաթների, կտորե պարկերի կամ դեզի մեջ պահելն է։ Այն պահանջում է բարձր արհեստավարժություն և հստակություն, քանի որ մեծ ուշադրություն է պետք դարձնել պահման ջերմաստիճանին և պայմաններին։

Հատկութուններ[խմբագրել | խմբագրել կոդը]

Քանի որ այսպիսի թեյ պատրաստվում է բարձր որակի հումքից, այդ իսկ պատճառով այն պարունակում է շատ վիտամիններ, միկրոէլեմենտներ, ամինաթթուներ, պոլիֆենոլներ և այլն։ Թեյը թուլացնում է ջղաձգությունը, գլխացավը, ակտիվացնում է օրգանիզմի պաշտպանական ուժերը։ Դեղին թեյը օգնում է մտավոր աշխատանքի կատարմանը։

Ծանոթագրություններ[խմբագրել | խմբագրել կոդը]

  1. Gascoyne Kevin, Marchand Francois, Desharnais Jasmin, Americi Hugo (2011)։ Tea: History, Terroirs, Varieties։ Firefly Books։ էջ 58 
  2. Tripathi Smita։ «Tea for Royalty»։ Business World։ Վերցված է 2015-11-12