Դավթի եղջերու

Վիքիպեդիայից՝ ազատ հանրագիտարանից
Jump to navigation Jump to search
Դավթի եղջերու

Դավթի եղջերու (լատ.՝ Elaphurus davidianus), նաև հայտնի է որպես միլու, եղջերուի տեսակ, որը հիմնականում հանդիպում է անազատության մեջ՝ գազանանոցներում և հատուկ արգելավայրերում։

Բնութագիրը[խմբագրել | խմբագրել կոդը]

Դավթի եղջերու (էգ)

Դավթի եղջերուի մարմնի երկարությունը 150-215 սմ է, բարձրությունն ուսերից հաշված՝ 115-140 սմ, մարմնի կենդանի զանգվածը՝ 150-200 կգ, պոչի երկարությունը 50 սմ է, իսկ վերջնամասում առկա է մազափունջ։ Մարմնի վերն հատվածներն ամռանը կարմրա-շագանակագույն է, փորի հատվածը՝ բաց գորշավուն։ Ձմռանը մեջքի հատվածում մազերի շերտը հաստանում է և փոխում է գույնը՝ մուգ խարտյաշ, իսկ փորի հատվածը դառնում է բաց կաթնագույն։ Կենդանու գլուխը նեղ է և երկար, աչքերը փոքր են և արտահայտիչ, ականջները՝ սրածայր։ Աչքերի և շուրթերի շուրջը մորթին բաց մոխրագույն է, արուները վզի հատվածում ունեն փոքր բաշանման գոյացություն։ Ոտքերը երկար են, կճղակները լայն են և հարմարեցված են ճահճային տարածքներում քայլելու համար։ Արուի եղջյուրները կլորավուն են, որոնք աճում են դեպի հետ։ Եղջյուրները փոխվում են տարին 2 անգամ՝ առաջին զուգը հայտնվում է ամռանը, փոխվում՝ նոյեմբերին, իսկ երկրորդ զույգը հայտնվում է հունվարին և փոխվում մի քանի շաբաթվա ընթացքում։ Էգերը, որպես կանոն, եղջյուրներ չունեն։

Տարածումը և բնական միջավայրը[խմբագրել | խմբագրել կոդը]

Եջերուների ընտանիքի այս ներկայացուցիչը տարածված է Չինաստանում: Ապրում է Չինաստանի հյուսիսարևելյան հատվածներում գտնվող ճահճային տարածքներում։

Սննդակարգը[խմբագրել | խմբագրել կոդը]

Սննդի հիմնական մասը կազմում են բույսերը: Ամառվա ընթացքում հաճախ ուտում են տարբեր ջրային բույսեր։

Բազմացումը[խմբագրել | խմբագրել կոդը]

Բազմացման շրջանից երկու ամիս առաջ արուն լքում է իր խումբը և միանում էգերի խմբին մինչև բեղնավորումը։ Արուներն այս ժամանակահատվածում սկսում են քիչ սնվել և նիհարել, քանի որ շատ պաշտպանում են էգերին այլ արուներից։ Հղիությունը տևում է 280 օր։ Ձագերը սովորաբար ծնվում են ապրիլ կամ մայիս ամիսներին։ Ունենում է մեկ կամ երկու ձագ, որոնք կշռում են 11 կգ։ Էգերը սեռահասուն են դառնում կյանքի 2,3 տարում, իսկ արուները մեկ տարի ուշ։

Պահպանման կարգավիճակը[խմբագրել | խմբագրել կոդը]

Ընդգրկված է ԲՊՄՄ Կարմիր ցուցակում «Վայրի բնության մեջ անհետացած» (Extinct in the Wild) կարգավիճակով։