Գրիգորիս (Եվդոկիայի գավառ)

Գրիգորիս, գյուղ Արևմտյան Հայաստանում, Սեբաստիայի վիլայեթի Եվդոկիայի գավառում։ Գտնվում էր Եվդոկիա քաղաքից 10 կմ հյուսիս-արևելք, բարձրավանդակի վրա։

Անվան ստուգաբանություն

Բնակավայրն իր անվանումը ստացել է ի հիշատակ Ս. Գրիգոր Սքանչելագործի, որի գերեզմանը իբր գտնվում է հենց այս գյուղում։

Պատմություն

Գյուղի հայությունը կոտորվել է 1915-1918 թվականների Մեծ եղեռնի ժամանակ։

Բնակչություն

XIX դարի կեսերին ուներ 245, իսկ 1914 թվականին՝ 2400 հայ բնակիչ։

Պատմամշակութային կառույցներ

Գրիգորիսն ուներ Ս. Աստվածածին և Ս. Հակոբ անուններով եկեղեցիներ։

Կրթություն

Մինչև 1915 թվականը գյուղում գործում էր հայկական վարժարան։

Տես նաև

• Սեբաստիայի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն