Գրեգորի Փոլ Ջորդան

Գրեգորի Փոլ Ջորդան
Ծնվել է	1858
Ծննդավայր	Կալկաթա, Բրիտանական Հնդկաստան, Բրիտանական կայսրություն
Մահացել է	դեկտեմբերի 4, 1921
Մահվան վայր	Լոնդոն, Մեծ Բրիտանիայի և Իռլանդիայի միացյալ թագավորություն
Մասնագիտություն	բժիշկ
Գիտական աստիճան	Իրավագիտության դոկտոր

Գրեգորի Փոլ Ջորդան (անգլ.՝ Gregory Paul Jordan, 1858, Կալկաթա, Բրիտանական Հնդկաստան, Բրիտանական կայսրություն - դեկտեմբերի 4, 1921(1921-12-04), Լոնդոն, Մեծ Բրիտանիայի և Իռլանդիայի միացյալ թագավորություն), ծագումով հայ բրիտանա-հնդկական բժիշկ և մանկավարժ։ Նա ծառայել է տարբեր բժշկական պաշտոններում գաղութային Բրիտանական Հոնկոնգում և աշխատել է տարածքի տարբեր բժշկական և կրթական հաստատություններում։

Կենսագրություն

Վաղ կյանք և կրթություն

Գրեգորի Փոլ Ջորդանը ծնվել է Կալկաթայում, բրիտանա-հնդկական հայազգի պետական-հասարակական գործիչ, մեծահարուստ Փոլ Չաթերի զարմիկի ընտանիքում^[1]^{էջ 32}։

Ջորդանը 1880 թվականին ավարտել է Էդինբուրգի համալսարանը՝ ստանալով բժշկության բակալավրի, վիրաբուժության մագիստրոսի կոչում։ Այնուհետև նա սովորել է Վիեննայում և Փարիզում և 1884 թվականին ստացել է Վիրաբույժների թագավորական քոլեջի (MRCS) անդամի դիպլոմ^[2]։

Գաղութային կարիերա

Դիպլոմը ստանալուց հետո Ջորդանը մեկնել է Բրիտանական Հոնկոնգ և ընդգրկվել WS Adams ընկերություն, որը հետագայում դարձել է Anderson & Partners^[1]^{էջ 32}։ Մոտավորապես այդ ժամանակահատվածում նա դարձել է Հոնկոնգի գաղութային վիրաբույժ^[2]։

Երբ գաղութային վիրաբույժի պաշտոնը լուծարվել է, Ջորդանը Ադամսին փոխարինել է նավահանգստի առողջապահական սպայի պաշտոնում, ի լրումն սեփական բժշկական պրակտիկայի^[1]^{էջ 32}։ Նավահանգստի առողջապահական սպայի պաշտոնում նա մնացել է մինչև մահ^[2]։ 1887 թվականին նա օգնել է հիմնել Ալիսի հիշատակային հիվանդանոցը և այնտեղ ծառայել է որպես խորհրդատու վիրաբույժ^[1]^{էջ 32}։ Քանի որ նա եկամուտ էր ստանում իր անձնական պրակտիկայից, Ալիսի հիշատակային հիվանդանոցում բուժվող չինացի հիվանդները անվճար բուժում էին ստանում Ջորդանից և նրա գործընկեր բժիշկներից^[3]։

Առաջին համաշխարհային պատերազմի ժամանակ նա դարձել է ոստիկանության վիրաբույժ-տեսուչ^[2]։

Պատրիկ Մենսոնի և Ջեյմս Քենթլիի հետ Ջորդանն օգնել է հիմնադրել Հոնկոնգի բժշկական քոլեջը^[2]։ Նա ծառայել է քոլեջի տարբեր ֆակուլտետային պաշտոններում, իսկ 1915 թվականին նշանակվել է արևադարձային բժշկության պրոֆեսոր քոլեջի իրավահաջորդում՝ Հոնկոնգի համալսարանում^[1]^{էջ 32}։

1913 թվականից նա աշխատել է որպես Հոնկոնգի համալսարանի պրոռեկտորի տեղակալ, իսկ 1918 թվականից՝ նաև որպես պրոռեկտորի պաշտոնակատար^[1]^{էջ 32}։ 1921 թվականի հունվարին Ուիլյամ Բրունյաթը ժամանել է՝ Ջորդանին այդ պաշտոնից ազատելու համար^[4]^{էջ 63}։

Կյանքի վերջին տարիներին Գրեգորի Փոլ Ջորդանին շնորհվել է իրավագիտության դոկտորի աստիճան^[2]։

Անձնական կյանք

Ջորդանը մահացել է 1921 թվականի դեկտեմբերի 4-ին Լոնդոնում^[2]։ Նա ամուսնացած էր^[4]^{էջ 63}։ Եղել է մասոնական կազմակերպության անդամ^[1]^{էջ 32}։

Ժառանգություն

Ջորդանի անունով է կոչվում Կոուլունի Ջորդան մայրուղին^[1]^{էջ 32}։ Ջորդանի մահից հետո նրա հորեղբայր Փոլ Չաթերը նրա անունով գրադարան է հիմնել Հոնկոնգի համալսարանի Ուսանողների միության շրջանակներում, որը բացվել է հաջորդ տարվա սեպտեմբերին նրա այրու կողմից^[4]^{էջ 63}

Ծանոթագրություններ

1 2 3 4 5 6 7 8 Evans, Dafydd Emrys (1987). Constancy of Purpose: An Account of the Foundation and History of the Hong Kong College of Medicine and the Faculty of Medicine of The University of Hong Kong, 1887-1987 (անգլերեն). Hong Kong University Press. ISBN 978-962-209-194-8. Վերցված է 2020 թ․ նոյեմբերի 6-ին.
1 2 3 4 5 6 7 «Dr. Gregory Paul Jordan». The British Medical Journal. 2 (3182): 1097. 1921. ISSN 0007-1447. JSTOR 20429499. Վերցված է 2020 թ․ նոյեմբերի 6-ին.
↑ Ching, Frank (2018). 130 Years of Medicine in Hong Kong: From the College of Medicine for Chinese to the Li Ka Shing Faculty of Medicine (անգլերեն). Springer. էջ 22. ISBN 978-981-10-6316-9. Վերցված է 2020 թ․ նոյեմբերի 6-ին.
1 2 3 Mellor, Bernard (1981). The University of Hong Kong: An Informal History (2 vols) (անգլերեն). Hong Kong University Press. ISBN 978-962-209-023-1. Վերցված է 2020 թ․ նոյեմբերի 6-ին.

[Evans1987-1] 1 2 3 4 5 6 7 8 Evans, Dafydd Emrys (1987). Constancy of Purpose: An Account of the Foundation and History of the Hong Kong College of Medicine and the Faculty of Medicine of The University of Hong Kong, 1887-1987 (անգլերեն). Hong Kong University Press. ISBN 978-962-209-194-8. Վերցված է 2020 թ․ նոյեմբերի 6-ին.

[BMJObit-2] 1 2 3 4 5 6 7 «Dr. Gregory Paul Jordan». The British Medical Journal. 2 (3182): 1097. 1921. ISSN 0007-1447. JSTOR 20429499. Վերցված է 2020 թ․ նոյեմբերի 6-ին.

[3] Ching, Frank (2018). 130 Years of Medicine in Hong Kong: From the College of Medicine for Chinese to the Li Ka Shing Faculty of Medicine (անգլերեն). Springer. էջ 22. ISBN 978-981-10-6316-9. Վերցված է 2020 թ․ նոյեմբերի 6-ին.

[Mellor1981-4] 1 2 3 Mellor, Bernard (1981). The University of Hong Kong: An Informal History (2 vols) (անգլերեն). Hong Kong University Press. ISBN 978-962-209-023-1. Վերցված է 2020 թ․ նոյեմբերի 6-ին.

[1]

[2]

[3]

[4]